ក្រុមអង្គការដែលធ្វើការងារលើកកម្ពស់វិស័យអប់រំ ស្នើឲ្យរដ្ឋាភិបាលបង្កើនការ វិនិយោគបន្ថែមនៅក្នុងវិស័យអប់រំ ដោយថា ដើម្បីធានានូវការអប់រំសាធារណៈឲ្យមាន គុណភាព និងសមធម៌សម្រាប់ទាំងអស់គ្នា។
សមាគមខ្មែរកម្ពុជាក្រោមទទូចឲ្យនាយករដ្ឋមន្ដ្រីវៀតណាម ដែលកំពុងបំពេញទស្សនកិច្ចនៅកម្ពុជា ធ្វើការជួយអន្ដរាគមន៍ដោះស្រាយ ករណីរំលោភយកដីវត្តខ្មែរមួយកន្លែងក្នុងទឹកដីវៀតណាម។
រដ្ឋាភិបាលកម្ពុជា បានប្រកាសថា គ្រឿងអលង្ការបុរាណផលិតពីមាស ដែលជាកេរ្តិ៍ដំណែលសល់ពីសម័យអង្គរ ត្រូវបានប្រទេសអង់គ្លេសសម្រេចប្រគល់មកឲ្យកម្ពុជាវិញនាពេលថ្មីៗនេះ។ ក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ ក្រសួងវប្បធម៌ និងវិចិត្រសិល្បៈ បានឲ្យដឹងថា ទីភ្នាក់ងារលក់វត្ថុបុរាណ Johnathan Tucker Antonia Tozer Asian Art កាលពីថ្ងៃទី២០ ខែមេសា បានស្ម័គ្រចិត្តប្រគល់ឈុតគ្រឿងអលង្ការមាសសម្រាប់លម្អរូបចម្លាក់ថ្មភក់ ដែលមានអាយុកាលក្នុងសម័យអង្គរ ត្រឡប់មកកម្ពុជាវិញ តាមរយៈស្ថានទូតកម្ពុជាប្រចាំនៅទីក្រុងឡុងដ៍
មន្រ្តីរដ្ឋាភិបាលឲ្យដឹងថា ក្រសួងកសិកម្មរុក្ខាប្រមាញ់និងនេសាទ កំពុងរៀបចំយន្តការមួយ ជំរុញឲ្យកសិករអនុវត្តកសិកម្មឲ្យល្អនិងឲ្យកាន់តែច្រើន ដោយថាដើម្បីចូលរួមកាត់បន្ថយការនាំបន្លែពីក្រៅប្រទេសនិងបន្លែដែលមានផ្ទុកជាតិគីមី ដែលធ្វើឲ្យប៉ះពាល់សុខាភាព ខណៈប្រជាពលរដ្ឋកំពុងបារម្ភពីកម្រិតជាតិពុលនៅក្នុងបន្លែនាពេលបច្ចុប្បន្ននេះ។
អាជ្ញាធរខេត្តរតនគិរីបានចាប់ឃាត់ខ្លួនជនជាតិចិន៥នាក់ និងជនជាតិខ្មែរម្នាក់ ពាក់ព័ន្ធករណីជីកយករ៉ែខុសច្បាប់។
ក្រសួងទេសចរណ៍ឲ្យដឹងថា ភ្ញៀវទេសចរណ៍ដែលចេញដើរកម្សាន្តនៅតាមបណ្តាខេត្តនានាទូទាំងប្រទេស ក្នុងអំឡុងពេលចូលឆ្នាំមានការកើនឡើងជាងឆ្នាំមុនៗ។
ស្ថាប័នពាក់ព័ន្ធមួយចំនួន បានរុញដាក់គ្នាពីការមិនទទួលខុសត្រូវ ក្រោយទទួលបានការិះគន់ពីប្រជាពលរដ្ឋ ករណីមិនបានដាក់តាំងរូបព្រះឆាយាល័ក្ខណ៍ព្រះមហាក្សត្រ នៅតាមទីសាធារណៈសំខាន់ៗ មួយចំនួននៅក្នុងរាជធានីភ្នំពេញ ក្នុងពិធីបុណ្យចូលឆ្នាំខ្មែរកន្លងមក។
នាយករដ្ឋមន្រ្ដី នៃសាធារណរដ្ឋសង្គមនិយមវៀតណាម លោក ង្វៀន សួនហ្វ៊ុក (Nguyen Xuan Phuc) នឹងដឹកនាំគណៈប្រតិភូមកបំពេញទស្សនកិច្ចផ្លូវការនៅកម្ពុជា ដើមសប្តាហ៍ក្រោយ ចាប់ពីថ្ងៃទី២៤ដល់២៦ខែមេសាឆ្នាំ២០១៧។
រដ្ឋាភិបាលកម្ពុជា សម្រេចផ្ទេរការគ្រប់គ្រងកុមារពីមណ្ឌលកុមារកំព្រាទៅគ្រួសាររបស់ពួកគេវិញ ដោយថាកុមារគ្រប់រូបមានសិទ្ធិទទួលបានការថែទាំពីក្រុមគ្រួសារ ខណៈដែលការរស់នៅមណ្ឌលកុមារកំព្រា ក្រសួងរកឃើញថា បានរំលោភដល់សិទ្ធិកុមារ។
ក្រសួងរៀបចំដែនដី បានបញ្ជាឲ្យក្រុមហ៊ុនចំនួន២ ដែលបានរំលោភយកដីនិងបិទផ្លូវលំសាធារណៈ នៅខណ្ឌច្បារអំពៅ ធ្វើការបើកផ្លូវលំនោះឡើងវិញ សម្រាប់ប្រជាពលរដ្ឋប្រើប្រាស់។
មេដឹកនាំគណបក្សប្រជាជនកម្ពុជាលោក ហ៊ុន សែន ថ្លែងថាលោកនឹងចំាមើលគណបក្សនយោបាយណាចេញមុខដោះស្រាយបញ្ហាខ្វះទឹកប្រើប្រាស់ជូនប្រជាពលរដ្ឋ ខណៈដែលលោកអះអាងថា រដ្ឋាភិបាលចាត់ទុកបញ្ហានេះថាជារឿងអទិភាព។
នៅទីបំផុតគូស្នេហ៍ដែលបានប្រកាសថានឹងតស៊ូស្រឡាញ់គ្នាដោយមិនខ្វល់ពីបោះបង់របស់គ្រួសារខាងស្រី គឺលោក ប៉ែន ចំរ៉ុងនិងកញ្ញា ភិន សុដាលីស នោះ បានឈានដល់ផ្លូវបំបែកហើយ ខណៈពាក្យប្តឹងសុំលែងលះរបស់លោក ប៉ែន ចំរ៉ុង ធ្លាក់ដល់ដៃសាលាដំបូងរាជធានីភ្នំពេញ កាលពីថ្ងៃសុក្រទី ២៩ មេសា។ នេះជាដំណឹងដ៏រសើបបើកឆាកសម្រាប់ខែឧសភាតែម្ដង ខណៈដែលភិន សុដាលីស ក៏ត្រូវគេដឹងថាទើបនឹងបានពរពោះក្នុងផ្ទៃជាង៣ខែ។
ការបើកកកាយរឿងស្នេហាលួចលាក់របស់មេបក្សប្រឆាំងលោក កឹម សុខា និងកញ្ញា ខុម ចាន់តារាទី នាពេលថ្មីៗនេះ ហាក់ ធ្វើឲ្យសាធារណជនភ្លេចគិតទៅលើបញ្ហាជាតិធំៗ ដូចជាបញ្ហាព្រំដែន ការបំផ្លាញធនធានធម្មជាតិ អំពើពុករលួយក្នុងសង្គម ចំណាកស្រុក លំហូរអន្តោប្រវេសន៍ខុសច្បាប់ និងការធ្វើកំណែទម្រង់រដ្ឋជាដើម។
អង្គភាពប្រឆាំងអំពើពុករលួយច្រានចោលការលើកឡើងថា អង្គភាពនេះឃាត់ខ្លួនមេឃុំម្នាក់របស់គណបក្សសម រង្ស៊ី ក្នុងខេត្តកំពង់ចាម ទៅតាមលិខិតចំហរ៤ទំព័ររបស់កញ្ញា ខុម ចាន់តារ៉ាទី ហៅស្រីមុំ ដោយអង្គភាពនេះអះអាងថា ការឃាត់ខ្លួនធ្វើឡើយងដោយយោងតាមចម្លើយរបស់មេឃុំរូបនេះប៉ុណ្ណោះ។ កាលពីថ្ងៃអាទិត្យម្សិលមិញ មេឃុំស្រក លោក ស៊ាង ចែត ត្រូវបានរាយការណ៍ថាត្រូវមន្ត្រីនគរបាលយុត្តិធម៌របស់អង្គភាពប្រឆាំងអំពើពុករលួយឃាត់ខ្លួននៅសាលាស្រុកកំពង់សៀម ខេត្តកំពង់ចាម។
