សិទ្ធិមនុស្ស

អង្គការអន្តរជាតិមួយថា កម្ពុជានៅតែមានការរឹតបន្តឹងលើសិទ្ធិបញ្ចេញមតិ និងការប្រមូលផ្ដុំ​

ដោយ លោក អុិត សូធឿត​​ | ថ្ងៃពុធ ទី២៤ ខែកុម្ភៈ ឆ្នាំ២០១៦​ ម៉ោង 6:51 PM | 0 | 415

អង្គការលើកលែងទោសអន្តរជាតិ(Amnesty International) លើកឡើងថា និទណ្ឌភាព និងការរឹតបន្តឹងលើសិទ្ធិសេរីភាពក្នុងការបញ្ចេញមតិ និងការប្រមូលផ្ដុំដោយសន្តិនៅតែបន្តកើតមាននៅក្នុងប្រទេសកម្ពុជា។ ក្នុងរបាយការណ៍ប្រចាំឆ្នាំ២០១៥/២០១៦របស់ខ្លួនចេញផ្សាយនៅថ្ងៃនេះពុធនេះ អង្គការលើកលែងទោសអន្តរជាតិលើកឡើងពីករណីមួយចំនួនដូចជា ការចាប់ខ្លួនសកម្មជនដីធ្លី និងគណបក្សប្រឆាំងក្នុងឆ្នាំ២០១៤ និង២០១៥ ព្រមទាំងការចាប់ខ្លួនសមាជិកព្រឹទ្ធសភាម្នាក់របស់គណបក្សប្រឆាំងគឺលោក ហុង សុខហួរ សម្រាប់ការបង្ហោះវីដេអូនិយាយពីសន្ធិសញ្ញារវាងកម្ពុជាជាមួយវៀតណាម។ របាយការណ៍បន្តថា សកម្មជនមួយចំនួនត្រូវបានលើកលែងទោស ឬដោះលែងឲ្យនៅក្រៅឃុំបណ្ដោះអាសន្នបន្ទាប់ពីមានកិច្ចព្រមព្រៀងនយោបាយរវាងគណបក្សឈ្នះឆ្នោតទាំង២។ របាយការណ៍ក៏បានលើកឡើងពីការចាប់ខ្លួនសកម្មជនការពារធនធានធម្មជាតិនៅក្នុងខេត្តកោះកុង និងការផ្សឹក និងឃុំព្រះកាយព្រះសង្ឃដែលសកម្មក្នុងការតវ៉ាចាប់តាំងពីការបោះឆ្នោតឆ្នាំ២០១៣មក រួមទាំងការតវ៉ាពាក់ព័ន្ធនឹងបញ្ហាព្រំដែនជាមួយប្រទេសវៀតណាម។ អង្គការលើកលែងទោសអន្តរជាតិក៏បានលើកឡើងផងដែរថា មិនមាននរណាម្នាក់បានទទួលខុសត្រូវសម្រាប់ការបង្ក្រាបលើការប្រមូលផ្ដុំដោយសន្តិវិធីក្នុងឆ្នាំ២០១៣ និងឆ្នាំ២០១៤ ក្នុងនោះមនុស្ស៦នាក់ត្រូវបានសម្លាប់ “ដោយសារការប្រើប្រាស់ហួសហេតុដោយពុំចាំបាច់”។ ប្រធានគណៈកម្មាធិការសិទ្ធិមនុស្សរបស់កម្ពុជាលោក ម៉ក់ សម្បត្តិ ច្រានចោលពីការលើកឡើងរបស់របាយការណ៍នេះ ដោយលោកអះអាងថា កម្ពុជាមិនដែលបិទសិទ្ធិសេរីភាពក្នុងការបញ្ចេញមតិរបស់ពលរដ្ឋនោះទេ តែលោកថា ការបញ្ចេញមតិទាំងនោះត្រូវគោរពតាមច្បាប់។ លោកមានប្រសាសន៍ថា៖ “មិនមែនយើងចេះតែថា បញ្ចេញមតិទៅដើរជេរគេ បញ្ចេញមតិទៅបំផ្លាញទ្រព្យសម្បត្តិឯកជនរបស់គេ។ ហើយកន្លងមកបញ្ចេញមតិអីមានដំបង មានឧបករណ៍មានអី បញ្ចេញមតិទៅបិទផ្លូវសាធារណៈ រំខានដល់គេអត់ហ៊ានមកធ្វើការអីចឹងសព្វបែបយ៉ាងហ្នឹង វាមិនមែនជាសេរីភាពបញ្ចេញមតិទេ ទៅជាកុបកម្មទៅជាបង្កអសន្តិសុខក្នុងសង្គម។ ប្រទេសណាក៏គេអនុវត្តទៅតាមផែនការរបស់គេដែរ…ធានាសុវត្ថិភាពសន្តិសុខសម្រាប់មនុស្សទូទៅ”។ លោក ម៉ក់ សម្បត្តិ អះអាងដែរថា ពាក់ព័ន្ធនឹងការប៉ះទង្គិចដែលបណ្ដាលឲ្យមានមនុស្សស្លាប់នាពេលកន្លងមក ក្រសួងមហាផ្ទៃបានបង្កើតគណៈកម្មការមួយដើម្បីធ្វើការស៊ើបអង្កេត ព្រមទាំងបានធ្វើការឃាត់ខ្លួនមនុស្សមួយចំនួនរួចហើយ៕

អង្គការអន្តរជាតិមួយថា កម្ពុជានៅតែមានការរឹតបន្តឹងលើសិទ្ធិបញ្ចេញមតិ និងការប្រមូលផ្ដុំ

សកម្មជនអារ៉ែងលោក អាឡិច ស្នើនាយករដ្ឋមន្ត្រីឲ្យ​ជួយលោកបានវិលមកកម្ពុជាវិញ​

ដោយ លោក ទូច សុខា​​ | ថ្ងៃពុធ ទី២៤ ខែកុម្ភៈ ឆ្នាំ២០១៦​ ម៉ោង 6:04 PM | 0 | 471

សកម្មជន​អារ៉ែងជនជាតិអេស្បាញ លោក អាឡិច ហ្សង់ដ្រូ ហ្គន់សាឡេស ដេវិតសិន(Alejandro Gonzalez Davidson) អំពាវនាវឲ្យលោកនាយករដ្ឋមន្ត្រី ហ៊ុន សែន ជួយសម្រួលឲ្យលោកបានវិលត្រឡប់មកកម្ពុជាវិញ ដោយលោកថាដើម្បីមានឱកាសចូលបំភ្លឺនៅតុលាការខេត្តកោះកុងដែលបានចោទប្រកាន់លោកពីបទសមគំនិតជាមួយសកម្មជនអារ៉ែងបីនាក់ផ្សេងទៀត។ សកម្មជនចលនាមាតាធម្មជាតិ៣នាក់រួមមានលោក សាន់ ម៉ាឡា លោក ទ្រី សុវិគា និងលោក ស៊ីម សំណាង ត្រូវបានចាប់ខ្លួនកាលពីខែសីហា ឆ្នាំ២០១៥ ដោយចោទប្រកាន់ពីបទគំរាមកំហែងធ្វើឲ្យខូចខាតទ្រព្យសម្បត្តិ ហើយលោកអាឡិចត្រូវតុលាការខេត្តកោះកុងចោទលោកពីបទសមគំនិត។ ក្នុងវីឌីអូឃ្លីបមួយដែលលោកបានថតកាលពីថ្ងៃទី២២ ខែកុម្ភៈ និងត្រូវបានលោកបង្ហោះនៅលើទំព័ត៌ហ្វេសប៊ុករបស់លោកនៅថ្ងៃពុធនេះ លោក អាឡិច លើកឡើងថា លោកនឹងទៅដាក់ពាក្យស្នើសុំទិដ្ឋាការមកកាន់ប្រទេសកម្ពុជាក្នុងពេលឆាប់ៗ ដោយលោកអំពាវស្វែងរកជំនួយពីលោកនាយករដ្ឋមន្ត្រី ហ៊ុន សែន ដើម្បីឲ្យលោកបានវិលមកកម្ពុជាវិញផងដែរ។ លោកបន្តថាកាវិលមកកម្ពុជាវិញនេះ ក្នុងគោលបំណងមកឆ្លើយបំភ្លឺទៅនឹងការចោទប្រកាន់របស់តុលាការខេត្តកោះកុង ដែលបានចោទលោកថាបានសមគំនិតជាមួយសកម្មជនអារ៉ែងបីរូបផ្សេងទៀត។ លោកបានហៅការចោទប្រកាន់របស់តុលាការថាជាការចោទប្រកាន់ដោយគ្មានមូលដ្ឋានច្បាស់លាស់។ លោក អាឡិច មានប្រសាសន៍ថា៖ “ខ្ញុំសូមបញ្ជាក់ថាខ្ញុំមិនគេចវេស ហើយខ្ញុំរីករាយក្នុងការចូលរួមក្នុងសវនាកាដើម្បីបំភ្លឺទៅនឹងការចោទប្រកាន់ដោយគ្មានមូលដ្ឋាននេះ…ដូច្នេះខ្ញុំសូមអំពាវនាវដល់សម្តេចនាយករដ្ឋមន្ត្រីហ៊ុន សែន ជួយសម្រួលឲ្យខ្ញុំបានចូលបំភ្លឺនៅតុលាការ”។ វីអូឌី(VOD) មិនទាន់អាចសុំការឆ្លើយតបពីអ្នកនាំពាក្យក្រសួងមហាផ្ទៃលោក ខៀវ សុភ័គ បាននៅឡើយទេនៅរសៀលថ្ងៃពុធនេះ ដោយទូរស័ព្ទចូលតែគ្មានអ្នកទទួល។ មេធាវីការពារក្តីឲ្យលោក […]

សកម្មជនអារ៉ែងលោក អាឡិច ស្នើនាយករដ្ឋមន្ត្រីឲ្យ​ជួយលោកបានវិលមកកម្ពុជាវិញ

អ្នកឃ្លាំមើលសិទ្ធិមនុស្សបារម្ភពីការដាក់ទោសអ្នកគ្មានកំហុសករណីហិង្សានៅក្រុមហ៊ុនកាពីតូល​

ដោយ លោក ញឹម សុខន​​ | ថ្ងៃពុធ ទី២៤ ខែកុម្ភៈ ឆ្នាំ២០១៦​ ម៉ោង 5:33 PM | 0 | 232

អ្នកឃ្លាំមើលការរំលោភសិទ្ធិមនុស្សនិងសិទ្ធិការងារជំរុញឲ្យតុលាការបង្ហាញតម្លាភាពលើវិធាន​ការច្បា​ប់ករ​​ណី​​ជម្លោះហិង្សា នៅ​ក្រុ​មហ៊ុ​ន​កាពីតូលដឹកអ្នកដំណើរ​​ដែលសង្គមស៊ីវិលថា​ធ្វើយ៉ា​ង​​ណា​​កុំឲ្យ​ជ​​ន​រង​​គ្រោះ​​ក្លាយជាជនជាប់ចោទ។

អ្នកឃ្លាំមើលសិទ្ធិមនុស្សបារម្ភពីការដាក់ទោសអ្នកគ្មានកំហុសករណីហិង្សានៅក្រុមហ៊ុនកាពីតូល

តុលាការកាត់ទោសបុរសដែលជាប់ចោទគំរាមសម្លាប់លោក សុខ ទូច ដាក់គុក១៨ខែ​

ដោយ លោក អុឹង ប៊ុនថន​​ | ថ្ងៃពុធ ទី២៤ ខែកុម្ភៈ ឆ្នាំ២០១៦​ ម៉ោង 11:35 AM | 0 | 335

តុលាការបានសម្រេចកាត់ទោសបុរសម្នាក់ដាក់ពន្ធនាគារយៈពេលមួយឆ្នាំកន្លះដោយចោទថាបានគំរាមសម្លាប់លោកបណ្ឌិត សុខ ទូច ប្រធាន​ក្រុម​ស្រាវជ្រាវ​នៃ​រាជបណ្ឌិតសភាកម្ពុជា។

តុលាការកាត់ទោសបុរសដែលជាប់ចោទគំរាមសម្លាប់លោក សុខ ទូច ដាក់គុក១៨ខែ

ស្ត្រីខ្មែរ៣នាក់នៅប្រទេសឡាវ និងចិន ត្រូវបានជួយសង្គ្រោះ និងបញ្ជូនមកកម្ពុជាវិញ​

ដោយ លោក អុិត សូធឿត​​ | ថ្ងៃពុធ ទី២៤ ខែកុម្ភៈ ឆ្នាំ២០១៦​ ម៉ោង 11:01 AM | 0 | 162

ក្រសួងការបរទេសកម្ពុជាឲ្យដឹងថា ស្ថានទូត និងស្ថានកុងស៊ុលកម្ពុជាប្រចាំប្រទេសឡាវ និងប្រទេសចិនបានអន្តរាគមន៍ជួយស្ត្រី៣នាក់ឲ្យបានត្រឡប់មកប្រទេសកម្ពុជាវិញ។ ក្នុងសេក្ដីប្រកាសព័ត៌មានចេញផ្សាយនៅថ្ងៃពុធនេះ ក្រសួងការបរទេសឲ្យដឹងថា ស្ថានអគ្គកុងស៊ុលកម្ពុជាប្រចាំទីក្រុងសៀងហៃ បានសហការជាមួយអាជ្ញាធរមានសមត្ថកិច្ចទីក្រុងសៀងហៃ និងខេត្តអានហួយ អន្តរាគមន៍ជួយស្រ្តីខ្មែរ២នាក់ឲ្យបានត្រឡប់មកកម្ពុជាវិញ។

ស្ត្រីខ្មែរ៣នាក់នៅប្រទេសឡាវ និងចិន ត្រូវបានជួយសង្គ្រោះ និងបញ្ជូនមកកម្ពុជាវិញ

អង្គការ៥០អំពាវនាវឲ្យសាធារណជនពហិកាក្រុមហ៊ុនកាពីតូល​

ដោយ លោក អុិត សូធឿត​​ | ថ្ងៃអង្គារ ទី២៣ ខែកុម្ភៈ ឆ្នាំ២០១៦​ ម៉ោង 3:45 PM | 0 | 428

សហជីព សហគមន៍ និងក្រុមអង្គការសង្គមស៊ីវិលសរុប៥០ស្ថាប័ន ប្រកាសគាំទ្រការធ្វើពហិកាក្រុមហ៊ុនកាពីតូល ហើយអំពាវនាវឲ្យសាធារណជនទូទៅចូលរួមការធ្វើពហិការនេះ ដោយក្រុមសង្គមស៊ីវិលអះអាងថា ដោយសារក្រុមហ៊ុននេះបានរំលោភសិទ្ធិការងារ និងបង្ក្រាបការតវ៉ារបស់បុគ្គលិក។ក្នុងសេចក្ដីថ្លែង​ការណ៍​រួមរបស់ស្ថាប័នទាំង៥០ ក្រុមសហជីព សហគមន៍ និងអង្គការសង្គមស៊ីវិលនោះបញ្ជាក់ថា ការប្រកាសធ្វើពហិកានេះជាការឆ្លើយតបទៅនឹងការវាយប្រហារ «ដ៏ឃោរឃៅ» ទៅលើការតវ៉ារបស់ក្រុមអតីតអ្នកបើកបរឲ្យរថយន្តកាពីតូល កាលពីថ្ងៃទី៦ ខែកុម្ភៈ។

អង្គការ៥០អំពាវនាវឲ្យសាធារណជនពហិកាក្រុមហ៊ុនកាពីតូល

ជនជាតិកួយ៧គ្រួសារនៅព្រះវិហារផ្លាស់វេនចាំដីទប់ស្កាត់ការឈូសឆាយពីក្រុមហ៊ុនស្ករអំពៅ​

ដោយ កញ្ញា កាន់ វិច្ឆិកា​​ | ថ្ងៃអង្គារ ទី២៣ ខែកុម្ភៈ ឆ្នាំ២០១៦​ ម៉ោង 4:03 PM | 0 | 224

ប្រជាសហគមន៍ជនជាតិដើមភាគតិចកួយប្រមាណជា៧គ្រួសារនៅឃុំប្រមេរ ស្រុកត្បែងមានជ័យ ខេត្តព្រះវិហារ ផ្លាស់វេនគ្នាចាំដីសហគមន៍ទប់ស្កាត់ក្រុមហ៊ុនស្ករអំពៅធំមួយដែលកំពុងឈូសឆាយដីដាំអំពៅដោយពួកគេអះអាងថាការឈូសឆាយនេះនឹងធ្វើឲ្យបាត់បង់អនាគតកូនចៅជំនាន់ក្រោយរបស់ពួកគេ។

ជនជាតិកួយ៧គ្រួសារនៅព្រះវិហារផ្លាស់វេនចាំដីទប់ស្កាត់ការឈូសឆាយពីក្រុមហ៊ុនស្ករអំពៅ

​អង្គការ​លីកាដូ​ស្នើ​ឲ្យ​រដ្ឋាភិបាល​បង្កើន​ការផ្សព្វផ្សាយ​ច្បាប់​ពី​ការប្រើ​ហឹង្សា​លើ​ស្ដ្រី​​

ដោយ លោក បូ សាវី​​ | ថ្ងៃអាទិត្យ ទី២១ ខែកុម្ភៈ ឆ្នាំ២០១៦​ ម៉ោង 1:19 PM | 0 | 920

​អង្គការ​មួយ​ធ្វើការ​ផ្នែក​ការពារ​សិទ្ធិមនុស្ស ទទូច​ឲ្យ​រដ្ឋាភិបាល​បង្កើន​ការផ្សព្វផ្សាយ​ច្បាប់ស្ដីពី ការទប់ស្កាត់​ការប្រើ​ហិង្សា​លើ​ស្ដ្រីឲ្យបាន​ទូលំទូលាយ​បន្ថែម​ទៀត ដោយ​អះអាង​ថា ច្បាប់​នេះ​មិនទាន់​មាន​ការអនុវត្ដ​ឲ្យបាន​ពេញលេ​ញ​នៅឡើយ​។​
​ការស្នើសុំ​នេះ ធ្វើឡើង​នៅក្នុង​ពិធី​តាំង​ពិ​ពណ៌​រូបថត ស្ដី​ពី​ការប្រើ​ហិង្សា​លើ​ស្ដ្រី​នៅក្នុង​គ្រួសារ ដែល​រៀបចំ​ដោយ​អង្គការ​លីកាដូ នៅក្នុង​ខេត្ដ​សៀមរាប នា​ល្ងាច​ថ្ងៃ​សៅរិ៍​ទី​២១​ខែ​កុម្ភៈ​នេះ​។

​អង្គការ​លីកាដូ​ស្នើ​ឲ្យ​រដ្ឋាភិបាល​បង្កើន​ការផ្សព្វផ្សាយ​ច្បាប់​ពី​ការប្រើ​ហឹង្សា​លើ​ស្ដ្រី​

គណបក្ស​ទាំងពីរគ្រោង​​ជជែកពី​បញ្ហា​សកម្មជនបក្ស​ប្រឆាំង​ជាប់ឃុំខ្លួននៅកិច្ចប្រជុំលើកក្រោយ​

ដោយ លោក ទូច សុខា​​ | ថ្ងៃសុក្រ ទី១៩ ខែកុម្ភៈ ឆ្នាំ២០១៦​ ម៉ោង 1:19 PM | 1 | 247

នុប្រ​ធាន​គណបក្ស​ប្រ​​ជាជនកម្ពុជានិង​ប្រធាន​ស្តីទីគណបក្ស​សង្គ្រោះ​ជាតិ នៅ​ល្ងាច​ថ្ងៃសុក្រនេះ​បាន​ជួបគ្នា​នៅ​វិមាន​រដ្ឋសភា ដោយ​មន្រ្តីអះអាង​ថា​ដើម្បី​បន្ត​ពង្រឹងវប្បធម៌​សន្ទនា​រវាងបក្ស​ទាំងពីរហើយ​​ការ​ចាប់ខ្លួន​​​សកម្ម​ជន​គណបក្សសង្គ្រោះ​ជាតិអាចនៅត្រូវ​ជជែក​នៅជំនួប​ពេល​ក្រោយ​។​

គណបក្ស​ទាំងពីរគ្រោង​​ជជែកពី​បញ្ហា​សកម្មជនបក្ស​ប្រឆាំង​ជាប់ឃុំខ្លួននៅកិច្ចប្រជុំលើកក្រោយ

ពលករម្នាក់នៅប្រទេស​អារ៉ាប៊ី សាអូឌីត ត្រូវបញ្ជូនមកកម្ពុជាវិញ​

ដោយ លោក ស៊ុន ណារិន​​ | ថ្ងៃសុក្រ ទី១៩ ខែកុម្ភៈ ឆ្នាំ២០១៦​ ម៉ោង 5:11 PM | 1 | 238

ក្រសួងការបរទេសកម្ពុជា​ឲ្យដឹង​ថា​ពលករខ្មែរម្នាក់ដែល​បម្រើការងារនៅក្នុងប្រទេស​អារ៉ាប៊ី សាអូឌីត ត្រូវបាន​រដ្ឋាភិបាល​ជួយ​និង​បញ្ជូន​ឲ្យ​ត្រឡប់​មកកម្ពុជាវិញ ដោយ​ក្រសួងអះអាង​ថា​ស្រ្តីម្នាក់នោះ​មិនអាចធន់នឹងអាកាសធាតុ។​

នៅក្នុងសេចក្តីប្រកាស​ព័ត៌មានចេញផ្សាយនៅថ្ងៃ​សុក្រនេះ ក្រសួងការបរទេស​បញ្ជាក់​ថា​ស្រ្តីខ្មែរ​អ៊ីស្លាម​ម្នាក់​ ឈ្មោះ ហ៊ីម ស្រី ដែល​ជាអ្នក​បម្រើ​តាមផ្ទះនៅប្រទេសអារ៉ាប៊ី សាអូឌីត កំពុងជួបការលំបាក​ក្នុង​កា​រ​ងា​រ ដោយមានសុខភាពខ្សោយ​និងមិនអាច​ប្រឈមជាមួយ​អាកាស​ធាតុត្រជាក់នៅប្រទេសនោះ។ ក្រសួង​ប​​ន្ត​​ថា​​​​ក្រសួង​បាន​អន្តរាគមន៍ករណីនេះ​និង​ជួយឲ្យស្រ្តីរូប​នោះអាច​វិលត្រឡប់​មកមាតុ​ប្រទេស​វិញតាម​បំណ​ង​ប្រា​ថ្នា​។

ពលករម្នាក់នៅប្រទេស​អារ៉ាប៊ី សាអូឌីត ត្រូវបញ្ជូនមកកម្ពុជាវិញ

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required