នៅព្រឹកថ្ងៃពុធនេះស្ត្រីជាសកម្មជនដីធ្លីនៅតំបន់បឹងកក់ប្រមាណជា១០នាក់ដែលជាប់ចោទក្នុងសំនុំរឿងដីធ្លីបានរិះគន់តុលាការកំពូលដែលបានប្រកាសសាលដីការក្សាការផ្តន្ទាទោសលើពួកគេដូចការសម្រេចរបស់សាលាឧទ្ធរណ៍។
ក្នុងលិខិតអញ្ជើញមួយចុះថ្ងៃទី១៥ ខែមីនា ឆ្នាំ២០១៦ រដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍានា បានអញ្ជើញមន្ត្រីតុលាការទាំងនោះឲ្យចូលរួមប្រជុំនៅថ្ងៃទី១៨ ខែមីនា ឆ្នាំ២០១៦ នៅទីស្តីការក្រសួង។ ក្នុងលិខិតអញ្ជើញដដែល លោករដ្ឋមន្ត្រីណែនាំឲ្យមនន្ត្រីតុលាការដែលត្រូវចូលរួមកិច្ចប្រជុំធ្វើការប្រមូល និងរាយការណ៍ដល់អង្គប្រជុំពីទិន្នន័យស្តីពីការឃុំខ្លួនបណ្តោះអាសន្នក្នុងសំណុំរឿងទំនាស់ដីធ្លី។
អ្នកឃ្លាំមើល លើកឡើងថាករណីតុលាការសម្រេចដាក់ពន្ធនាគារជាង១ឆ្នាំលើយុវជនមួយរូបដែលប្រកាសធ្វើបដិវត្តន៍ព័ណ៌ប្រឆាំងរដ្ឋាភិបាលនោះ រងឥទ្ធិពលនយោបាយពីគណបក្សកាន់អំណាច។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានថ្លែងថារដ្ឋាភិបាលមិនមានគម្រោងពង្រីកអាកាសយាន្តដ្ឋានអន្តរជាតិភ្នំពេញតទៅទៀតនោះទេ ចៀសវាងកុំឲ្យពលរដ្ឋធ្វើបាតុកម្ម ដោយលោកថានេះ”អាចជាកំហុស”របស់លោកដែលមិនបានគិតពីការពង្រីកព្រលានយន្តហោះ កាលពីលោកចាប់ផ្តើមដឹកនាំរដ្ឋាភិបាល។ ក្នុងពិធីសម្ពោធឲ្យប្រើប្រាស់ជាផ្លូវការស្ថានីយអ្នកដំណើរថ្មី លោក ហ៊ុន សែន បានថ្លែងថាលោកបានធ្វើជានាយករដ្ឋមន្រ្តីទាំងពីឆ្នាំ១៩៨៥ ដែលលោកថាកាលនោះមិនបានគិតថាតើនឹងត្រូវពង្រីកព្រលានយន្តហោះនៅពេលណា។ លោកមានប្រសាសន៍ថាកាលនោះ កម្ពុជាត្រូវប្រឈមនឹងទណ្ឌកម្មសេដ្ឋកិច្ចរបស់អង្គការសហប្រជាជាតិ ក្រោយពេលដែលបញ្ចប់របបប្រល័យពូជសាសន៍ប៉ុល ពត។
ក្រសួងការបរទេសកម្ពុជាបានឲ្យដឹងថាអាជ្ញាធរថៃបានឃាត់ទូកនេសាទថៃ ដោយសង្ស័យថាជួញដូរពលករខ្មែរ១៥នាក់។ នៅក្នុងសេចក្តីប្រកាសព័ត៌មានមួយចេញផ្សាយនៅថ្ងៃពុធនេះ ក្រសួងការបរទេសបានឲ្យដឹងថាកាលពីថ្ងៃទី ២១ ខែមករា អាជ្ងាធរថៃបានឃាត់ទូកនេសាទថៃចំនួន២គ្រឿងហើយឃើញមានពលករខ្មែរ១៥នាក់ដែលអាជ្ងាធរថៃសង្ស័យជាជនរងគ្រោះដោយសារការជួញដូរមនុស្ស។ សេចក្តីប្រកាសព័ត៌មានបន្តថាអាជ្ញាធរបាននាំយកពលករខ្មែរទាំងនោះទៅរក្សាទុកនៅមជ្ឈមណ្ឌលស្តារនិតិសម្បទាជនរងគ្រោះដោយការជួញដូរមនុស្សខេត្តRanong។
ប្រធានគណបក្សសង្រ្គោះជាតិ លោក សម រង្ស៊ី បានលើកឡើងថាតុលាការមិនគួរកាត់ទោសយុវជន គង់ រ៉ៃយ៉ា ដែលលើកឡើងពីបដិវតន៍ពណ៌នោះទេ ដោយលោកចាត់ទុកថានេះជា”ភាពសាហាវឃោរឃៅ”របស់គណបក្សកាន់អំណាច។
មន្ត្រីសង្គមស៊ីវិលសាទរទៅនឹងវិធានការដោះលែងតំណាងអ្នកមានជម្លោះដីធ្លីនៅខេត្តកំពង់ស្ពឺឲ្យនៅក្រៅឃុំបណ្តោះអាសន្ន តាមកិច្ចអន្តរាគមន៍របស់នាយករដ្ឋមន្ត្រី ហ៊ុន សែន តែពួកគេហាក់បង្ហាញការខកចិត្តថាកិច្ចអន្តរាគមន៍ផ្លូវច្បាប់ហាក់មិនសូវមានប្រសិទ្ធិភាព។
តុលាការរាជធានីភ្នំពេញបានកាត់ទោសយុវជនម្នាក់ឈ្មោះ គង់ រ៉ៃយ៉ា ដែលរងការចោទប្រកាន់ពីបទញុះញង់ឲ្យមានបដិវត្តន៍ពណ៌ប្រឆាំងរដ្ឋាភិបាល ឲ្យជាប់ពន្ធនាគារ១ឆ្នាំ៦ខែ។នៅរសៀលថ្ងៃអង្គារនេះ ចៅក្រមបានប្រកាសសាលក្រមផ្តន្ទាទោសយុវជនគង់ រ៉ៃយ៉ា ពីបទញុះញង់បង្កបទឧក្រិដ្ឋ ដោយសារការបង្ហោះសារលើហ្វេសប៊ុកពីបដិវត្តន៍ពណ៌។
អង្គការឃ្លាំមើលសិទ្ធិមនុស្សអន្តរជាតិ(Human Rights Watch) អំពាវនាវឲ្យអាជ្ញាធរកម្ពុជាដោះលែងសកម្មជនទាំង១១នាក់របស់គណបក្សសង្គ្រោះជាតិ ខណៈសាលាឧទ្ធរណ៍គ្រោងនឹងបើកសវនាការអ្នកទាំងនោះនៅចុងសប្តាហ៍នេះ ដោយអង្គការអន្តរជាតិមួយនេះថាអ្នកទាំងនោះមិនបានប្រព្រឹត្តកំហុសដូចការចោទប្រកាន់។
សមាគមការពារសិទ្ធិមនុស្សអាដហុកនៅខេត្ដព្រះវិហារឲ្យដឹងថាអាជ្ញាធរស្រុកសង្គមថ្មីហាមឃាត់មន្រ្តីអង្គការនេះមិនឲ្យផ្សព្វផ្សាយច្បាប់ស្ដីពីសិទ្ធិមនុស្សដល់ប្រជាសហគមន៍ដោយអះអាងថាគ្មានច្បាប់អនុញ្ញាតពីអាជ្ញាធរខេត្ត។
ប្រទេសកម្ពុជា បានសម្រេចលក់គម្រោងឥណទានកាបូនធំជាងគេលើកដំបូងរបស់ខ្លួន ស្ថិតក្នុងដែនជម្រងសត្វព្រៃកែវសីមា ខេត្តមណ្ឌលគិរី ទៅឲ្យក្រុមហ៊ុនផលិតភាពយន្តគំនូរជីវចលដ៏ធំមួយរបស់អាមេរិក មានតម្លៃជាង ២លានដុល្លារសម្រាប់រយៈពេលពីរឆ្នាំ។
ក្នុងសេចក្តីប្រកាសព័ត៌មានមួយចុះថ្ងៃទី២៣ ខែកក្កដា ឆ្នាំ២០១៦ អង្គការសមាគមអភិរក្សសត្វព្រៃ (WCS) លើកឡើងថា ឥណទានកាបូន ជាការរួមចំណែកក្នុងការកាត់បន្ថយការបញ្ចេញឧស្ម័នកាបូនិចទៅក្នុងបរិយាកាស និងកាត់បន្ថយការប្រែប្រួលអាកាសធាតុ តាមរយៈការយកថវិកាទាំងនោះទៅប្រើប្រាស់ក្នុងការអភិរក្សព្រៃឈើ។
សពអ្នករិះគន់រដ្ឋាភិបាលឥតសំចៃមាត់ដ៏ល្បីឈ្មោះ ដែលពលរដ្ឋហៅថា ជាសំដីមាសនោះ បានដង្ហែរចេញពីរាជធានីភ្នំពេញហើយ នៅថ្ងៃអាទិត្យនេះ បន្ទាប់ពីតម្កល់ទុកនៅវត្តចាស់អស់រយៈពេល១៥ថ្ងៃរួចមក។
លោក កែម ឡី ជាអ្នកស្រាវជ្រាវផង ជាអ្នកវិភាគផង ត្រូវបានខ្មាញ់កាំភ្លើងបាញ់សម្លាប់នៅក្នុងហាងទំនិញមួយកន្លែង ស្ថិតក្បែរស្តុបបូកគោ កាលពីថ្ងៃទី១០ ខែកក្កដា ឆ្នាំ២០១៦។
ក្នុងប៉ុន្មានថ្ងៃនេះតារាសម្ដែងក្រមិចក្រមើមអ្នកនាង ខាត់ សុឃីម បានអះអាងថាខ្លួនប្រឹងដុតដៃដុតជើងយ៉ាងខ្លាំងក្នុងគម្រោងដាក់ពាក្យសុំច្បាប់ទៅកាន់ស្ថានទូតធំៗចំនួន៣ប្រទេសផ្សេងគ្នា ដើម្បីទទួលបានសិទ្ធិយកប្ដីចេញក្រៅប្រទេសរហូតដល់១ខែ ដើម្បីទៅកម្សាន្ត។
របាយការណ៍ថ្មីមួយបានបង្ហាញថា ចំនួនអ្នកដាក់ប្រាក់បញ្ញើក្នុងឧស្សាហកម្មធនាគារ និងហិរញ្ញវត្ថុកម្ពុជា បានកើនឡើង ១១ភាគរយ នៅឆមាសទី១កន្លងមកនេះ ខណៈដែលចំនួនអ្នកប្រើប្រាស់កម្ចីហិរញ្ញវត្ថុ បានធ្លាក់ចុះទៅវិញ។
