ប្រធានាធិបតីឥណ្ឌូនេស៊ី លោក ចូកូ វីដូដូ បាននិយាយនៅថ្ងៃនេះថា លោកចង់ឲ្យវិបត្តិមនុស្សធម៌ពាក់ព័ន្ធនឹងជនជាតិរ៉ូហ៊ីងយ៉ានៅក្នុងប្រទេសភូមា ត្រូវបានដោះស្រាយប្រកបដោយទស្សនវិស័យ មិនមែនគ្រាន់តែធ្វើសេចក្ដីថ្លែងការណ៍ថ្កោលទោសជាសាធារណៈនោះទេ។ នេះដោយយោងតាមការចុះផ្សាយរបស់សារព័ត៌មាន Channel News Asia។
សារព័ត៌មានអង់គ្លេស បានចុះផ្សាយថា កូរ៉េខាងជើងបានត្រៀមខ្លួនបាញ់គ្រាប់មីស៊ីលជាថ្មីទៀតហើយ ដែលទំនងជាគ្រាប់មីស៊ីលអន្តរទ្វីប បន្ទាប់ពីរដ្ឋឯកោមួយនេះ បានបំផ្ទុះគ្រាប់បែកនុយក្លេអ៊ែរសាកល្បងកាលពីថ្ងៃម្សិលមិញនេះ។
ប្រធានាធិបតីចិន លោក ស៊ី ជិនពីង និងប្រធានាធិបតីរុស្ស៊ី លោក វ៉្លាឌីមៀ ពូទីន បានឯកភាពគ្នាកាលពីថ្ងៃម្សិលមិញថា នឹងដោះស្រាយក្នុងលក្ខណៈត្រឹមត្រូវចំពោះបញ្ហាការសាកល្បងគ្រាប់បែកនុយក្លេអ៊ែរថ្មីបំផុតពីសំណាក់កូរ៉េខាងជើង។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
អាមេរិកបានព្រមាននៅថ្ងៃនេះថា ខ្លួនអាចនឹងចាប់ផ្ដើមនូវ “ការឆ្លើយតបខាងយោធាដ៏ធំមួយ” ទៅនឹងការគំរាមកំហែងពីកូរ៉េខាងជើង បន្ទាប់ពីសកម្មភាពបង្កហេតុរបស់ក្រុងព្យុងយ៉ាង ដែលបានបំផ្ទុះគ្រាប់បែកអ៊ីដ្រូសែន។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
កូរ៉េខាងជើងបានប្រកាសនៅថ្ងៃនេះថា ខ្លួនទទួលបានជោគជ័យក្នុងការសាកល្បងគ្រាប់បែកអ៊ីដ្រូសែនមួយ ដែលត្រូវបានផលិតឡើងសម្រាប់បំពាក់លើគ្រាប់មីស៊ីលឆ្លងទ្វីបទើបអភិវឌ្ឍថ្មីរបស់ក្រុងព្យុងយ៉ាង។
កូរ៉េខាងជើងបានប្រកាសនៅថ្ងៃនេះថា ខ្លួនផលិតបានគ្រាប់បែកហ៊ីដ្រូសែន ដែលផ្ទុកទៅដោយកម្លាំងបំផ្លាញដ៏មហិមា ខណៈដែលប្រធានាធិបតីអាមេរិក លោក ដូណាល់ ត្រាំ និងនាយករដ្ឋមន្ត្រីជប៉ុន លោក ហ្ស៊ិនហ្ស៊ូ អាបេ បានជជែកគ្នាតាមទូរស័ព្ទអំពីវិបត្តិនុយក្លេអ៊ែរចេះតែកើនឡើង។
ប្រធានាធិបតីសហរដ្ឋអាមេរិកលោក ដូណល ត្រាំ ស្នើឲ្យមានការអនុម័តលុយពីសភាចំនួន៧,៨ពាន់លានដុល្លារ ដើម្បីយកទៅជួយប្រជាពលរដ្ឋក្នុងការស្តារស្ថានភាពទឹកជំនន់ទ្រង់ទ្រាយធំ នៅក្នុងរដ្ឋTexas ខណៈស្ថានភាពទឹកជំនន់បានធូរស្រាលវិញបន្តិច។
សហរដ្ឋអាមេរិកបានចេញច្បាប់ថ្មីហាមពលរដ្ឋរបស់ខ្លួនមិនឲ្យធ្វើដំណើរទៅកាន់ប្រទេសកូរ៉េខាងជើង ដោយមានទាំងការប្រឈមទោសព្រហ្មទណ្ឌ និង ការឈានដល់ដកហូតលិខិតឆ្លងដែន បើសិនជាអ្នកណាមិនព្រមគោរពតាមបំរាមនេះ។
វៀតណាមកាលពីថ្ងៃព្រហស្បតិ៍ម្សិលមិញ បានសម្តែងការព្រួយបារម្ភ និងទាមទារឲ្យចិនបញ្ឈប់ការធ្វើសមយុទ្ធយោធា លើដែនសមុទ្រជាទីតាំងដែលកំពុងមានជម្លោះ ដែលអាចបណ្តាលឲ្យមានភាពតានតឹងកាន់តែកើនឡើងខ្លាំងបន្ថែមទៀត។
សហរដ្ឋអាមេរិកកាលពីថ្ងៃព្រហស្បតិ៍ម្សិលមិញ បានបញ្ជាឲ្យបិទស្ថានកុងស៊ុលរបស់រុស្ស៊ី នៅក្នុងទីក្រុង San Francisco នៅក្នុងរដ្ឋកាលីហ្វ័រញ៉ា ដែលការសម្រេចនេះ នាំឲ្យរុស្ស៊ីបានសម្តែងការសោកស្តាយ ស្របពេលដែលប្រទេសមហាអំណាចនុយក្លេអ៊ែទាំងពីរកំពុងតែមានការប្រឈមុខដាក់គ្នាខ្លាំង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
