រដ្ឋមន្ត្រីការពារជាតិសហរដ្ឋអាមេរិក លោក Lloyd Austin បានលើកឡើងនៅថ្ងៃពុធម្សិលមិញ ដោយហាក់សម្ដែងជាការសង្ស័យថា ការបង្កើនសកម្មភាពយោធារបស់ចិន នៅជិតច្រកសមុទ្រតៃវ៉ាន់ គឺជាសញ្ញានៃការឈ្លានពានដោយទីក្រុងប៉េកាំងនៅលើដែនកោះមួយនេះ ដែលអាចនឹងកើតមានឡើងនៅពេលខាងមុខនេះ។
អ្នកគ្រប់គ្រងក្រុមហ៊ុនយោធាឯកជនមួយរបស់រុស្ស៊ី Wagner Group បានឱ្យដឹងនៅថ្ងៃពុធម្សិលមិញថា កងកម្លាំងរបស់ខ្លួន បានសម្រេចបាននូវការរំដោះទាំងស្រុងនៃទីក្រុងរ៉ែ Soledar ភាគខាងកើតអ៊ុយក្រែន ដោយក្នុងនោះ ពួកគេក៏បានសម្លាប់ទាហានអ៊ុយក្រែនប្រមាណជា៥០០នាក់ផងដែរ។
មន្ត្រីថៃបានរកឃើញទ្រព្យសម្បត្តិដែលជាកម្មសិទ្ធិរបស់កូនមេដឹកនាំរបបយោធាមីយ៉ាន់ម៉ា អំឡុងពេលឆ្មក់ចូលឆែកឆេរអាផាតមិន (Apartment) មួយកន្លែងរបស់មហាសេដ្ឋីមីយ៉ាន់ម៉ាម្នាក់នៅទីក្រុងបាងកក ដែលត្រូវបានចោទប្រកាន់ពីបទជួញដូរគ្រឿងញៀន និងលាងលុយកខ្វក់។
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov បានឱ្យដឹងនៅថ្ងៃអង្គារម្សិលមិញថា ការដែលអាមេរិកគ្រោងនឹងបណ្តុះបណ្តាលដល់ទាហានអ៊ុយក្រែន ក្នុងការប្រើប្រាស់ប្រព័ន្ធមីស៊ីល Patriot គឺបង្ហាញឱ្យឃើញកាន់តែច្បាស់បន្ថែមទៀតនៃការចូលរួមរបស់ប្រទេសនេះនៅក្នុងជម្លោះក្នុងប្រទេសអ៊ុយក្រែន។
ប្រធានគណៈកម្មការអឺរ៉ុប លោកស្រី Ursula Von der Leyen បានឱ្យដឹងនៅថ្ងៃអង្គារម្សិលមិញថា សហភាពអឺរ៉ុបនឹងដាក់ទណ្ឌកម្មថ្មីទាំងឡាយលើប្រទេសបេឡារុស ស្របពេលដែលខ្លួនបន្តដាក់សម្ពាធលើប្រទេសរុស្ស៊ី ឱ្យបញ្ចប់សង្គ្រាមរបស់ខ្លួននៅអ៊ុយក្រែន និងពង្រីកការចាត់វិធានការលើប្រទេសទាំងឡាយណាដែលផ្ដល់ការគាំទ្រដល់រុស្ស៊ី។
មន្ត្រីអង្គការសុខភាពពិភពលោក (WHO) បានឱ្យដឹងនៅថ្ងៃអង្គារម្សិលមិញថា ប្រទេសនានាគួរតែពិចារណាក្នុងការណែនាំឱ្យអ្នកដំណើរទាំងឡាយពាក់ម៉ាស់ សម្រាប់ជើងហោះហើររយៈចម្ងាយឆ្ងាយ ខណៈវីរុសកូវីដ-១៩ បំប្លែងខ្លួនថ្មីចុងក្រោយ មានការរីករាលដាលយ៉ាងឆាប់រហ័សនៅសហរដ្ឋអាមេរិក។
ចិនផ្អាកចេញទិដ្ឋាការរយៈពេលខ្លីសម្រាប់ភ្ញៀវទេសចរមកពីកូរ៉េខាងត្បូង និងជប៉ុន ដែលជាការតបតជាលើកដំបូង ចំពោះបណ្តាប្រទេសដែលដាក់ចេញនូវវិធានការរឹតត្បិតលើអ្នកដំណើរមកពីប្រទេសចិន ពាក់ព័ន្ធនឹងជំងឺកូវីដ-១៩។
ប្រទេសមីយ៉ាន់ម៉ា បានផ្ដន្ទាទោសជនជាតិភាគតិចរ៉ូហ៊ីងយ៉ា ចំនួន១១២នាក់ ក្នុងនោះមានកុមារ១២នាក់ ដាក់ពន្ធនាគារ បន្ទាប់ពីពួកគេត្រូវបានចាប់ខ្លួន ពីបទប៉ុនប៉ងចាកចេញពីប្រទេសនេះ។
តុលាការអ៊ីរ៉ង់ បាននិយាយកាលពីថ្ងៃចន្ទថា ខ្លួនបានកាត់ទោសប្រហារជីវិតមនុស្ស៣នាក់ទៀតដែលត្រូវបានចោទប្រកាន់ពីបទបានសម្លាប់សមាជិកនៃកងកម្លាំងសន្តិសុខ ក្នុងអំឡុងពេលតវ៉ាចំពោះការស្លាប់របស់កញ្ញា ម៉ាហ្សា អាមីនី (Mahsa Amini)។
អ្នកគាំទ្រអតីតប្រធានាធិបតីប្រេស៊ីល លោក ហ្សាអៀរ បុលសូណារ៉ូ (Jair Bolsonaro) ជាង១ ៥០០នាក់ត្រូវបានចាប់ខ្លួន នៅរដ្ឋធានីប្រេស៊ីលឡា (Brasilia) បន្ទាប់ពីបានផ្ទុះបាតុកម្មទូទាំងរដ្ឋធានីកាលពីចុងសប្តាហ៍។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
