កែម ទ្បី | វីអូឌី

វិទ្យុអាស៊ីសេរីថា ភរិយាសពលោក កែម ឡី បានសិទ្ធិជ្រកកោននៅថៃមុនទៅប្រទេសទីបី

អ្នកស្រី ប៊ូ រចនា ភរិយាសពលោកបណ្ឌិត កែម ឡី និងកូនៗ បានទទួលសិទ្ធិជាជនភៀសខ្លួនពីអង្គការសហប្រជាជាតិ នៅឯទីក្រុងបាងកក។ នេះដោយយោងតាមការផ្សាយរបស់វិទ្យុអាស៊ីសេរី។
ដោយមិនបានបញ្ជាក់ពីប្រភព វិទ្យុដដែលនេះ អ្នកស្រី ប៊ូ រចនា និងកូនៗ កំពុងរង់ចាំលទ្ធផលសម្រេចរបស់អង្គការសហប្រជាជាតិ ដើម្បីបានសិទ្ធិទៅរស់នៅក្នុងប្រទេសទីបី។

លោក ឌិត សុខធី ៣ កញ្ញា ២០១៦ ១១:២៩

បុណ្យគម្រប់១០០ថ្ងៃឃាតកម្មលើលោក កែម ឡី គ្រោងធ្វើនៅពាក់កណ្ដាលខែតុលា

សមាជិកគណៈកម្មការបុណ្យលោកបណ្ឌិត កែម ឡី បានថ្លែងនៅថ្ងៃនេះថា គណៈកម្មការបុណ្យគ្រោងនឹងរៀបចំពិធីបុណ្យគម្រប់ខួប ១០០ថ្ងៃ សម្រាប់លោកបណ្ឌិត កែម ឡី នៅពាក់កណ្ដាលខែតុលាខាងមុខ។
លោក សៅ កុសល សមាជិកម្នាក់នៃគណៈកម្មការបុណ្យ បានថ្លែងប្រាប់វីអូឌីតាមទូរស័ព្ទថា ពិធីបុណ្យគម្រប់ខួប ១០០ថ្ងៃលោកបណ្ឌិត កែម ឡី អ្នកសិក្សាស្រាវជ្រាវសង្គម និងជាអ្នកវិភាគនយោបាយដ៏មានប្រជាប្រិយភាពនោះ គ្រោងនឹងរៀបចំធ្វើឡើងរយៈពេល ៣ថ្ងៃ ចាប់ពីថ្ងៃទី១៤ រហូតដល់ថ្ងៃទី១៧ ខែតុលាខាងមុខ នៅឯវត្តចាស់ ជាទីដែលសពលោកបណ្ឌិត កែម ឡី ត្រូវបានតម្កល់ធ្វើបុណ្យអស់រយៈពេល ២សប្ដាហ៍ និងនៅភូមិកំណើតរបស់លោក ជាទីបញ្ចុះសពលោក។

លោក ឌិត សុខធី ២៨ សីហា ២០១៦ ១៣:៤២