ប្រជាសហគមន៍បឹងកក់ឲ្យដឹងថាពួកគេនៅតែបន្តធ្វើយុទ្ធនាការពាក់អាវខ្មៅនៅក្នុងសហគមន៍នៅថ្ងៃចន្ទនេះ ដើម្បីទាមទារឲ្យដោះលែងមន្ត្រីការពារសិទ្ធិមនុស្ស៤រូបនិងមន្ត្រី គ.ជ.ប ១រួប រួមទាំងបន្ថែមសារទាមទាររកយុត្តិធម៌ឲ្យលោក កែម ឡី។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានចេញបញ្ជាឲ្យកងកម្លាំងមានសមត្ថកិច្ចបើកយុទ្ធនាការទ្រង់ទ្រាយធំមួយក្នុងការពង្រឹងសន្តិសុខឡើងវិញ ដោយលោកចាត់ទុកការបាញ់សម្លាប់អ្នកវិភាគបញ្ហាសង្គម លោក កែម ឡី ជាករណី”ឃោរឃៅព្រៃផ្សៃ”មួយ។លោកបណ្ឌិត កែម ឡី ត្រូវបានខ្មាន់កំាភ្លើងបាញ់សម្លាប់នៅម៉ោងប្រមាណ៩ព្រឹក កាលពីថ្ងៃអាទិត្យនៅម៉ាតលក់ទំនិញមួយក្បែរស្តុបបូកគោ។
ក្រសួងការបរទេសសហរដ្ឋអាមេរិកអំពាវនាវឲ្យអាជ្ញាធរស៊ើបអង្កេតឲ្យម៉ត់ចត់និងមិនលម្អៀង ក្នុងករណីបាញ់សម្លាប់លោកបណ្ឌិត កែម ឡី អ្នកវិភាគបញ្ហាសង្គម។លោកបណ្ឌិត កែម ឡី ត្រូវបានខ្មាន់កំាភ្លើងបាញ់សម្លាប់នៅម៉ោងប្រមាណ៩ព្រឹកកាលពីថ្ងៃអាទិត្យនៅម៉ាតលក់ទំនិញមួយក្បែរស្តុបបូកគោ។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះចាត់ទុកការធ្វើឃាតអ្នកវិភាគសង្គមនិងអ្នកស្រាវជ្រាវសង្គម លោក កែម ឡី ធ្វើឲ្យប៉ះពាល់ដល់មុខមាត់រដ្ឋាភិបាលនិងថានេះជា”ការផ្ចាញ់ផ្ចាល”មួយដល់រដ្ឋាភិបាល។លោកបណ្ឌិត កែម ឡី ត្រូវបានខ្មាន់កំាភ្លើងបាញ់សម្លាប់នៅម៉ោងប្រមាណ៩ព្រឹក កាលពីថ្ងៃអាទិត្យនៅម៉ាតលក់ទំនិញមួយក្បែរស្តុបបូកគោ។
លោក កែម ឡី ត្រូវបានធ្វើឃាត បន្ទាប់ពីលោកបានអះអាងថារបាយការណ៍របស់ Global Witness «Hostile Takeover» ដែលនិយាយពីការក្តោបក្តាប់សេដ្ឋកិច្ចរបស់គ្រួសារត្រកូល ហ៊ុន ថាមានការពិតចំនួនដល់ទៅ៩៥%និងសកម្មភាពចុះសិក្សាដល់មូលដ្ឋានជាច្រើនរបស់លោក ពិសេសគឺទាក់ទងនឹងជនអន្តោប្រវេសន៍វៀតណាមនិងគម្រោងសិក្សាបម្រុងនឹងធ្វើតាមកោះនានានៅក្បែរប្រទេសវៀតណាម។
គណបក្សកាន់អំណាច បានថ្កោលទោសយ៉ាងដាច់អហង្ការចំពោះការបាញ់ប្រហារទៅលើលោកបណ្ឌិត កែម ឡី នៅក្នុងម៉ាតស្ថិតក្នុងស្ថានីយប្រេងឥន្ធនៈកាល់តិច នៅព្រឹកថ្ងៃអាទិត្យនេះ។
ថ្លែងក្នុងសេចក្ដីថ្លែងការណ៍មួយនៅរសៀលថ្ងៃនេះ អ្នកនាំពាក្យគណបក្សប្រជាជនកម្ពុជា បានបង្ហាញនូវការសោកស្ដាយយ៉ាងក្រៀមក្រំបំផុតចំពោះឃាតកម្មទៅលើអ្នកវិភាគសង្គមរូបនេះ។
មន្ត្រីនគរបាលរាជធានីភ្នំពេញ អះអាងថា សមត្ថកិច្ចនឹងបន្តស៊ើបអង្កេតបន្ថែមទៀត ទៅលើករណីឃាតកម្មលើលោកបណ្ឌិត កែម ឡី បន្ទាប់ពីខ្មាន់កាំភ្លើងម្នាក់ ត្រូវបានសមត្ថកិច្ចចាប់ខ្លួនបាននៅក្រោយការបាញ់ប្រហារនោះ។
ថ្លែងទៅកាន់ក្រុមអ្នកសារព័ត៌មាននៅក្នុងសន្និសីទកាសែតនៅស្នងការនគរបាលរាជធានីភ្នំពេញ នៅរសៀលថ្ងៃអាទិត្យនេះ លោក ជួន សុវណ្ណ ស្នងការនគរបាលរាជធានីភ្នំពេញ បានប្រាប់ថា ជនសង្ស័យឈ្មោះ ជួប សម្លាប់ ពិតជាឃាតករពិតប្រាកដ ដែលបានបាញ់សម្លាប់លោកបណ្ឌិត កែម ឡី នៅក្នុងម៉ាតស្ថិតក្នុងការ៉ាស់ស៊ាំងកាល់តិច នៅម៉ោងប្រហែល ៩ព្រឹកថ្ងៃអាទិត្យនេះ។
បើតាមប្រវត្តិរូបដែលបង្ហោះលើប្រព័ន្ធសង្គមហ្វេសប៊ុក លោក កែម ឡី កើតថ្ងៃទី១៩ តុលា ឆ្នាំ១៩៧០ នៅឃុំលាយបូ ស្រុកត្រាំកក់ ខេត្តតាកែវ។ លោកបានបញ្ចប់ថ្នាក់វេជ្ជសាស្ត្រពេទ្យក្នុងឆ្នាំ១៩៩២និងបានបន្តសិក្សាយកថ្នាក់អនុបណ្ឌិតផ្នែកស្រាវជ្រាវនៅសកលវិទ្យាល័យជូឡាឡុងកនប្រទេសថៃពីឆ្នាំ១៩៩៦ដល់ឆ្នាំ១៩៩៧។
លោកនាយករដ្ឋមន្រ្តី ហ៊ុន សែន នៅរសៀលថ្ងៃអាទិត្យនេះ បានចូលរួមរំលែកទុក្ខដល់សពលោក កែម ឡី អ្នកវិភាគសង្គម ដែលត្រូវបានបាញ់សម្លាប់កាលពីព្រឹកមិញ។លោកបណ្ឌិត កែម ឡី អ្នកវិភាគព្រឹត្តិការណ៍សង្គមឯករាជ្យត្រូវបានខ្មាន់កំាភ្លើងបាញ់សម្លាប់នៅម៉ោងប្រមាណ៩ព្រឹកថ្ងៃអាទិត្យនេះនៅម៉ាតលក់ទំនិញមួយក្បែរស្តុបបូកគោ។
ក្រសួងមហាផ្ទៃ នៅរសៀលថ្ងៃនេះ បាននិយាយថា ក្រសួងនេះនឹងបន្តចាត់វិធានការស្រាវជ្រាវស៊ើបអង្កេតឲ្យបានល្អិតល្អន់ថែមទៀតតាមនីតិវិធី ចំពោះឃាតកម្មលើលោកបណ្ឌិត កែម ឡី អ្នកវិភាគសង្គមឯករាជ្យ នៅព្រឹកថ្ងៃអាទិត្យនេះ។
ក្នុងសេចក្ដីប្រកាសព័ត៌មានមួយចេញនៅរសៀលថ្ងៃអាទិត្យនេះ ក្រៅពីចូលរំលែកទុក្ខជាមួយក្រុមគ្រួសារជនរងគ្រោះ ក្រសួងមហាផ្ទៃ បានថ្កោលទោសយ៉ាងដាច់អហង្ការចំពោះអំពើមនុស្សឃាតដ៏សាហាវឃោឃៅនេះ ហើយក្រសួងនេះ ប្ដេជ្ញាចាត់វិធានការស្រាវជ្រាវស៊ើបអង្កេតឲ្យបានល្អិតល្អន់ថែមទៀតតាមនីតិវិធី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
