សមាជិកគណៈកម្មការបុណ្យសពលោកបណ្ឌិត កែម ឡី នៅថ្ងៃអង្គារនេះឲ្យដឹងថា ព្រះចៅអធិការវត្តថាន់ ស្ថិតនៅសង្កាត់ទន្លេរបាកសាក់ ខណ្ឌចំការមន រាជធានីភ្នំពេញ បានផ្ដល់ទីកន្លែងសម្រាប់ធ្វើបុណ្យខួប១០០ថ្ងៃ ជូនសពលោកបណ្ឌិត កែម ឡី ដែលប្រព្រឹត្តទៅនៅថ្ងៃទី១៤ដល់១៦ ខែតុលាខាងមុខនេះ។

សមាជិកគណៈកម្មការបុណ្យសពលោកបណ្ឌិត កែម ឡី សម្ដែងការខកចិត្តចំពោះព្រះចៅអធិការវត្តមួយចំនួន ដោយថាមិនហ៊ានផ្ដល់ទីកន្លែងធ្វើបុណ្យខួប១០០ថ្ងៃជូនសពលោកបណ្ឌិត កែម ឡី ខណៈព្រះសង្ឃមួយចំនួនបារម្ភខ្លាចអាជ្ញាធរ។

សមាជិកគណៈកម្មការបុណ្យសពលោកបណ្ឌិត កែម ឡី បានអំពាវនាវដល់សប្បុរសជន ឲ្យជួយផ្ដល់ទីកន្លែងធ្វើបុណ្យខួប ១០០ថ្ងៃសពបណ្ឌិតកែម ឡី ដោយលើកឡើងថា វត្ដនានា ក្នុងរាជធានីភ្នំពេញ មិនត្រូវបានគេអនុញ្ញាតនោះឡើយ ដោយសារមានគំនាបពីអាជ្ញាធរ។

អ្នកច្បាប់លើកឡើងថា ដើម្បីពន្លឿនការស្វែងរក​យុត្តិធម៌ជូនគ្រួសារ លោក កែម ឡី គឺត្រូវរកមេធាវីការពារក្តីឲ្យជួយជំរុញទៅតុលាការដើម្បីពន្លឿននីតិវិធីស្វែងរកការពិត។