ការិយាល័យអ្នកនាំពាក្យរដ្ឋាភិបាលព្រមានថា ខ្លួននឹងចាត់វិធានការគ្រប់រូបភាពលើអ្នកឆ្លើយឆ្លងព័ត៌មានទាក់ទិន្នទៅនឹងការ ប្រើពាក្យពេចន៍ លើរឿងវិធានការដកប្រព័ន្ធអនុគ្រោះពន្ធរបស់សហភាពអឺរ៉ុប ដោយថា ដើម្បីថែរក្សាសតិអារម្មណ៍សាធារណៈ និងពង្រឹងកិច្ចសហប្រតិបត្តិការគ្រប់ជ្រុងជ្រោយជាមួយដៃគូអភិវឌ្ឍន៍ ។
អតីតឧត្តមទីប្រឹក្សាជាន់ខ្ពស់គណបក្សសង្គ្រោះជាតិ លោក គង់ គាំ និងកូនប្រុសរបស់លោកត្រូវបានព្រះមហាក្សត្រចេញព្រះរាជក្រឹត្យលើកលែងទោសឲ្យធ្វើនយោបាយឡើងវិញ ក្រោយអ្នកទាំងពីររូបនេះ ដាក់លិខិតស្នើសុំទៅក្រសួងមហាផ្ទៃ។
មន្ត្រីតំណាងសហភាពអឺរ៉ុប បានអះអាងថា វិធានការដកហូតប្រទេសកម្ពុជាចេញពីប្រព័ន្ធអនុគ្រោះពន្ធអាចត្រូវបានពិចារណាឡើងវិញ ប្រសិនបើស្ថានភាពសិទ្ធិមនុស្ស និងលទ្ធិប្រជាធិបតេយ្យ ត្រូវបានកែលម្អឲ្យប្រសើរឡើងនោះ ដែលនេះគឺជាការឆ្លើយតបទៅនឹងការព្រមានពីមេដឹកនាំកម្ពុជា។
លោកនាយករដ្ឋមន្ត្រី ហ៊ុន សែន បានរំឭកទៅសមាជិកសភាអន្តរជាតិមួយក្រុម ឲ្យគោរពសិទ្ធិមនុស្សទៅតាមច្បាប់អន្តរជាតិ ដោយថា ដើម្បីរក្សាសន្តិភាពក្នុងតំបន់ និងពិភពលោក ប៉ុន្តែ សកម្មជនសិទ្ធិមនុស្សកម្ពុជា បានជំរុញឲ្យកម្ពុជាត្រួតពិនិត្យមើលឡើងវិញអំពីការអនុវត្តរបស់ខ្លួនទៅតាមគោលការណ៍សិទ្ធិមនុស្ស។
អតីតមេដឹកនាំបក្សប្រឆាំងអះអាងថា សហភាពអន្តរជាតិនឹងមិនដាក់ទណ្ឌកម្មសេដ្ឋកិច្ចមកលើកម្ពុជានោះទេ បើលោកនាយករដ្ឋមន្ត្រី ហ៊ុន សែន បញ្ឈប់ការធ្វើនយោបាយគាបសង្កត់លើប្រជាពលរដ្ឋ និងស្ដារលទ្ធិប្រជាធិបតេយ្យឡើងវិញនោះ។
អតីតគណបក្សសង្គ្រោះជាតិបានស្វាគមន៏ការស្នើរបស់នាយករដ្ឋមន្ត្រីកម្ពុជា ដើម្បីឲ្យមានការជជែកពិភាក្សារវាងកម្ពុជា និងសហគមន៍អឺរ៉ុប ដើម្បីជៀសវាងការដាក់ទណ្ឌកម្មមកលើកម្ពុជាតាមរយៈការដកប្រព័ន្ធអនុគ្រោះពន្ធលើទំនិញកម្ពុជា។
ថ្លែងក្នុងពិធីបើកការដ្ឋានសាងសង់ផ្លូវក្រវ៉ាត់ក្រុងទី៣ នៅខេត្តកណ្តាល នៅថ្ងៃនេះ លោក ហ៊ុន សែន បញ្ជាក់ថា ការដាក់ទណ្ឌកម្មសេដ្ឋកិច្ចមកលើប្រទេសកម្ពុជា គឺមិនខុសពីសម្លាប់បក្សប្រឆាំងនោះទេ ហើយក៏លែងមានដែរ ចំពោះការនិយាយពីបញ្ហាសិទ្ធិមនុស្ស និងប្រជាធិបតេយ្យនៅកម្ពុជា។
លោកនាយករដ្ឋមន្ត្រី ហ៊ុន សែន មានប្រសាសន៍ថា នៅពេលនេះ លោកកំពុងបង្កើតយុទ្ធនាការពង្រឹងឯករាជ្យរបស់កម្ពុជាដើម្បីទប់ទល់នឹងការដកប្រព័ន្ធអនុគ្រោះពន្ធរបស់អឺរ៉ុបនិងអាមេរិក។
របាយការណ៍របស់សារព័ត៌មានអន្តរជាតិមួយ បានបន្ដចាត់ថ្នាក់កម្ពុជាថា មានស្ថានភាពប្រជាធិបតេយ្យធ្លាក់ចុះ និងឆ្ពោះទៅរករបបផ្ដាច់ការ បន្ទាប់ពីកម្ពុជាបញ្ចប់ការបោះឆ្នោតដ៍ចម្រូងចម្រាស់មួយ និងការរឹតត្បឹតផ្នែកនយោបាយ។
លោកនាយករដ្ឋមន្ត្រី ហ៊ុន សែន បានសម្រេចកាត់ឆ្វៀលដីទំហំជាង ១៣ហិកតា កាត់ចេញពីដែនគម្របព្រៃឈើ ស្ថិតនៅក្នុងខេត្តព្រះសីហនុ ឲ្យទៅក្រុមហ៊ុន ផាន អ៊ីម៉ិច របស់អ្នកស្រី ស៊ុយ សុផាន។ នេះបើតាមអនុក្រឹត្យមួយចេញកាលពីដើមខែវិច្ឆិកាឆ្នាំមុន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
