លោកនាយករដ្ឋមន្ដ្រី ហ៊ុន សែន អះអាងថា អតីតគណបក្សសង្គ្រោះជាតិអាចនឹងរស់ឡើងវិញបាននៅអាណត្តិក្រោយតែប៉ុណ្ណោះ ខណៈ​លោក សម រង្ស៊ី ជំរុញឲ្យរដ្ឋាភិបាលផ្លាស់ប្ដូរជំហររបស់ខ្លួនជាបន្ទាន់ ដើម្បីកែប្រែស្ថានការណ៍​ និងបញ្ចៀសទណ្ឌកម្មសេដ្ឋកិច្ចពីអឺរ៉ុប។

អ្នកតំណាងជាន់ខ្ពស់សហភាពអឺរ៉ុប(EU)លោកស្រី​ Federica Mogherini ជួបផ្ទាល់ជាមួយ លោកនាយករដ្ឋមន្ត្រីហ៊ុន សែន ប្រាប់ពីដំណើរបណ្តោះអាសន្ននៃការដកប្រព័ន្ធអនុគ្រោះពន្ធ (EBA)ពីកម្ពុជា។

លោកនាយករដ្ឋមន្ត្រីថ្លែងថា មានប្រទេសជាង៥០គាំទ្រឲ្យកម្ពុជាធ្វើជាម្ចាស់ផ្ទះនៃកិច្ចប្រជុំកំ ពូលអាស៊ី-អឺរ៉ុបប្រចាំឆ្នាំ២០២០ហើយថា នេះជាមោទនភាពរបស់ជាតិខ្មែរទាំងមូលនៅលើ ឆាកអន្តរជាតិ។​

សហភាពអន្តរសភា ថា​នឹងបញ្ជូនគណៈប្រតិភូរបស់ខ្លួនមកកាន់ប្រទេសកម្ពុជា ដើម្បីពិនិត្យមើលភាពជាក់ស្តែងជាថ្មីម្តងទៀត ប្រសិនអាជ្ញាធរកម្ពុជាអនុញ្ញាតឲ្យ​​ពួកគេបានជួបជាមួយ អតីតមេបក្សសង្រ្គោះជាតិ លោក កឹម សុខា។

សហភាពអន្តរសភា(IPU)បានជំរុញដល់អាជ្ញាធរកម្ពុជាឲ្យដោះលែង លោក កឹម សុខា អតីតប្រធានគណបក្សសង្គ្រោះជាតិឲ្យមានសេរីភាពពេញលេញវិញ ដោយថា ការចាប់ខ្លួនអតីតមេដឹកនាំគណបក្សប្រឆាំងរូបនេះមិនមានភស្តុតាងគ្រប់គ្រាន់ទេ។

ប្រធាន​សហភាពអន្តរសភា IPU លោកស្រី Gabriela Cueva Barron បាន​អះ​អាង​ថា អ្នកស្រី​ពុំ​បាន​សាទរ​ចំពោះ​ការ​បោះឆ្នោត​នៅ​កម្ពុជា​នោះ​ឡើយ អំឡុង​ជំនួប​​ជាមួយ​សមាជិក​សភា​កម្ពុជា​មក​ពី​បក្ស​កាន់​អំណាច ដែល​ផ្ទុយ​ទៅ​នឹង​ការ​ចុះ​ផ្សាយ​របស់​សារព័ត៌មាន​ក្នុង​ស្រុក។

តំណាងរដ្ឋសភាកម្ពុជា ប្រាប់សហភាពអន្តរសភា IPU ដែលមានសមាជិក១៧៣ប្រទេសថា កម្ពុជាបានគោរពគោលការណ៍​ប្រជា​ធិ​​ប​​តេយ្យយ៉ាងមុតមាំ ខ​ណៈ​​​​​សហគ​ម​ន៍​​​​​អ​ន្តរជាតិ កំពុងដាក់សម្ពាធឲ្យស្តារប្រជាធិបតេយ្យឡើងវិញ ក្រោយពីផាត់ប​ក្សប្រឆាំ​​ង​ចេ​​​ញ​​​ពី​ឆាកនយោបាយ។