ក្រសួងសុខាភិបាលកំណត់ភូមិសាស្ត្រ​ខេត្តបន្ទាយមានជ័យមួយទៀត​ជាភូមិសាស្ត្រ​ដែលតម្រូវឱ្យ​ពាក់ម៉ាសនិងកាតព្វកិច្ចរក្សាគម្លាតសុវត្ថិភាព ខណៈភូមិសាស្ត្រខេត្តនេះកំពុងមានការឆ្លងរាលដាល​ជំងឺកូវីដ-១៩។

រដ្ឋាភិបាលណែនាំ​ទៅគណៈអភិបាលខេត្តទាំងអស់ត្រូវយកសំណាកធ្វើតេស្តរហ័សលើអ្នកដំណើរឆ្លងកាត់ឬវិល ត្រឡប់មករស់នៅ និងស្នាក់នៅរយៈពេលវែងឬរយៈពេលខ្លី ក្នុងភូមិសាស្ត្ររបស់ខ្លួន ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

មន្ត្រីជាន់ខ្ពស់នៃអគ្គស្នងការដ្ឋាននគរបាលជាតិ ឱ្យដឹងថា មនុស្សជាង១៧០នាក់​ត្រូវបានឃាត់ខ្លួនពាក់​ព័ន្ធ​នឹង​ការ​នាំ​ពលករ​ឆ្លង​ដែនខុសច្បាប់ក្នុងអំឡុង​ពេលនៃការរឹតបន្តឹងច្រក​ព្រំដែនតាមវិធានសុខាភិបាល រយៈពេលជាងពីរខែមកនេះ។

អភិបាលរាជធានីភ្នំពេញ បានឱ្យដឹងថា អាជ្ញាធរនឹងពិចារណាពន្យារពេលក្នុងការបិទខ្ទប់ភូមិសាស្រ្តក្រុងភ្នំពេញបន្ថែមទៀត ប្រសិនបើចំនួនអ្នកឆ្លងកូវីដ-១៩ នាពេលបច្ចុប្បន្ននៅតែមិនថយចុះនោះ។

អ្នកនាំពាក្យក្រសួងយុត្តិធម៌ លោក គឹម សន្តិភាព បញ្ជាក់ថា អ្នករស់នៅតំបន់ក្រហមដែលត្រូវបិទខ្ទប់ដោយសារការឆ្លងរាលដាលនៃជំងឺកូវីដ-១៩នោះ មិនត្រូវបានអនុញ្ញាតឱ្យចេញទៅផ្សារឡើយ ហើយក៏មិនមានការចែកបណ្ណសម្រាប់ពួកគាត់ដែរ។

អាជ្ញាធរខេត្តព្រះសីហនុ បានសម្រេចបិទក្រុងព្រះសីហនុទាំងស្រុងរយៈពេល១៤ថ្ងៃ ដោយ​​គិតចាប់តាំងពីថ្ងៃនេះទៅ​ ខណៈភូមិចំនួន៥ត្រូវបានដាក់ជា «តំបន់ក្រហម» ដោយអាជ្ញាធររំពឹងថា វិធានការនេះនឹងអាចជួយគ្រប់គ្រងស្ថានភាពជំងឺកូវីដ-១៩ នៅតំបន់បិទខ្ទប់បានល្អប្រសើរឡើងវិញ។

អាជ្ញាធរក្រុងប៉ោយប៉ែត ផ្អាកមិនឱ្យពលរដ្ឋធ្វើដំណើរចេញ-ចូលជាបណ្តោះអាសន្ននៅក្នុងបុរី «រស្មីដួងច័ន្ទ» ស្ថិតនៅក្នុងភូមិសាមគ្គីមានជ័យ ក្រោយពីរកឃើញមនុស្ស៣នាក់មានវិជ្ជមានកូវីដ-១៩ ក្នុងនោះមាន​​ជនជាតិ​ឥណ្ឌូនេស៊ីម្នាក់ផងដែរ។