ពលករខ្មែរ១៧០នាក់ត្រូវបានយកសំណាកទៅពិនិត្យ ខណៈរាប់រយនាក់ទៀតត្រូវដាក់ឱ្យធ្វើចត្តាឡីស័កបន្ទាប់ពីវិលត្រឡប់ពីថៃ
ក្រុមមន្ត្រីនៃបណ្ដាខេត្តជាប់ព្រំដែនជាមួយប្រទេសថៃ បានឱ្យដឹងថា ពលករកម្ពុជាដល់ទៅ១៧០នាក់នៅក្នុងចំណោមពលកររាប់រយនាក់ផ្សេងទៀត ត្រូវបានប្រមូលយកសំណាកសម្រាប់ធ្វើតេស្តរកវីរុសកូរ៉ូណា បន្ទាប់ពីពួកគេវិលត្រឡប់ពីប្រទេសថៃចូលមកកម្ពុជាវិញ តែប៉ុន្មានថ្ងៃប៉ុណ្ណោះក្រោយពីថៃបានរកឃើញមនុស្សដល់ទៅជិត៦០០នាក់បានឆ្លងវីរុសកូរ៉ូណាកាលពីចុងសប្ដាហ៍កន្លងមកនេះ។