ប្រជាពលរដ្ឋម្នាក់ឈ្មោះ នាង មករា ភេទប្រុស អាយុ២១ឆ្នាំ នៅថ្ងៃទី៣១ ខែសីហានេះ បានដាក់ពាក្យបណ្ដឹងប្ដឹងនាយរងប៉ុស្តិ៍នគរបាលនិងរដ្ឋបាលសង្កាត់និមិត្ត ក្រុងប៉ោយប៉ែត ឈ្មោះ ឬទ្ធី ពិសិដ្ឋ ចូលទៅកាន់សាលាដំបូងខេត្តបន្ទាយមានជ័យ ចោទពីបទ«មនុស្សឃាតដោយចេតនានិងប្រើប្រាស់អាវុធខុសច្បាប់»។
អាជ្ញាធរខេត្តបាត់ដំបងបានឱ្យដឹងថា តូបលក់ដូររបស់អាជីវករដល់ទៅ៣៣តូបបានរងការខូចខាតទាំងស្រុង បន្ទាប់ពីអគ្គិភ័យឆាបឆេះផ្សារធំបាត់ដំបងកាលពីថ្ងៃម្សិលមិញនេះ។
រដ្ឋមន្រ្តីក្រសួងការពារជាតិកម្ពុជា លោក ទៀ បាញ់ ប្រកាសមិនអត់ឱនឱ្យអ្នកដែលញុះញង់និងចោទប្រកាន់រដ្ឋាភិបាលកម្ពុជាថា ធ្វើឱ្យបាត់បង់ទឹកដីទៅប្រទេសវៀតណាមនោះទេ ខណៈដែលរដ្ឋាភិបាលបានខិតខំដោះស្រាយបញ្ហាព្រំដែនជាមួយប្រទេសជិតខាងយ៉ាងមានប្រសិទ្ធភាព។
ក្រសួងសាធារណការ និងដឹកជញ្ជូន និងសហការជាមួយស្ថាប័នពាក់ព័ន្ធ ចាត់វិធានការតឹងរ៉ឹង ក្នុងការលុបបំបាត់យានដ្ឋានកែច្នៃយានយន្តខុសច្បាប់និងយានយន្តដឹកជញ្ជូនលើសទម្ងន់កម្រិតកំណត់ ដែលជាមូលហេតុចម្បងធ្វើឱ្យមានគ្រោះថ្នាក់ចរាចរណ៍និងការខូចខាតផ្លូវមុនអាយុកាល។
ក្រសួងសាធារណការ និងដឹកជញ្ជូន បានណែនាំដល់ម្ចាស់រថយន្តដឹកទំនិញធុនធ្ងន់ យានយន្តុបករណ៍ រ៉ឺម៉ក និងសឺមីរ៉ឺម៉ក បិទស្លាកសញ្ញាចាំងពន្លឺ ដើម្បីបង្ការនិងទប់ស្កាត់គ្រោះថ្នាក់ចរាចរណ៍ផ្លូវគោក ពាក់ព័ន្ធនឹងយានជំនិះធុនធ្ងន់ដែលមានទម្ងន់សរុបអតិបរមាលើសពី៣,៥តោន។
តុលាការខេត្តកំពង់ស្ពឺ នៅថ្ងៃកំពុងសាកសួរក្រុមប៉ូលីសនៅស្រុកសំរោងទងចំនួន៧នាក់ ដែលប្រើកំាភ្លើងបាញ់បោះសេរី កាលពីថ្ងៃទី១៨ និង១៩ ខែសីហានេះ។
មន្ត្រីអគ្គស្នងការនគរបាលជាតិអះអាងថា គ្រោះថ្នាក់ចរាចរណ៍ទូទាំងប្រទេសក្នុងអំឡុងពេលចូលឆ្នាំ៥ថ្ងៃ បានបណ្តាលឱ្យមនុស្សស្លាប់ចំនួន២១នាក់។
ស្នងការនគរបាលរាជធានីភ្នំពេញ បានណែនាំដល់កងកម្លាំងទាំងអស់ត្រៀមប្រចាំការនិងបង្កើនការចេញល្បាតនៅតាមគោលដៅ ដើម្បីទប់ស្កាត់បទល្មើសនានា កំឡុងពេលឈប់សំរាកជំនួសថ្ងៃបុណ្យចូលឆ្នាំចំនួន៥ថ្ងៃ។
អាជ្ញាធរកម្ពុជាបានប្រាប់ទៅអង្គការសហប្រជាជាតិ(អ.ស.ប.)ថា ទិដ្ឋាការបុរសជនជាតិថៃ លោក វ៉ានចាឡឺម សាត់សក្តិសីទ សកម្មជនប្រឆាំងដែលរស់នៅភៀសខ្លួននៅរាជធានីភ្នំពេញនោះ បានផុតសុពលភាពកាលពីជិត៣ឆ្នាំមុន នៅពេលមានការចោទសួរអំពីការចាប់ពង្រាត់សកម្មជនរូបនេះនៅខាងក្រៅទីកន្លែងស្នាក់នៅរបស់លោកពីសំណាក់បុរសមួយក្រុមប្រដាប់ដោយអាវុធកាលពីខែមិថុនាកន្លងមក។
នៅឯភូមិគីឡូម៉ែត្រលេខ៤ ស្ថិតក្នុងក្រុងប៉ោយប៉ែតជាប់ព្រំដែនកម្ពុជា-ថៃ កាលពីថ្ងៃម្សិលមិញនេះ ឧបករណ៍បំពងសំឡេងបានបន្លឺភ្លេងបុណ្យសពដែលអាចឱ្យគេស្ដាប់ឮពីចម្ងាយ។ នោះគឺជាពិធីបុណ្យសពដែលគ្រួសារជនរងគ្រោះ កំពុងរៀបចំសម្រាប់ជនរងគ្រោះ៣នាក់ ខណៈសពជនរងគ្រោះ២នាក់ទៀត ត្រូវបាននាំយកទៅរៀបចំធ្វើបុណ្យតាមប្រពៃណីនៅឯភូមិកំណើតរបស់ពួកគេស្ថិតនៅក្នុងសង្កាត់និម្មិតក្បែរនោះ និងនៅឯខេត្តកំពង់ចាម។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
