អន្តរជាតិ

ជប៉ុនស្នើម៉ាឡេស៊ីចូលរួមដាក់សម្ពាធលើកូរ៉េខាងជើង

លោក ឌិត សុខធី
| ០១ ធ្នូ ២០១៧
ម៉ោង ១០:០៩

អគ្គរាជទូតជប៉ុនប្រចាំម៉ាឡេស៊ី កាលពីថ្ងៃម្សិលមិញនេះ បានអំពាវនាវទៅរដ្ឋាភិបាលម៉ាឡេស៊ី ឲ្យចូលរួមជាមួយក្រុងតូក្យូ ក្នុងការដាក់សម្ពាធលើកូរ៉េខាងជើង ដើម្បីបញ្ឈប់សកម្មភាពបង្កហេតុខាងមីស៊ីល និងគ្រាប់នុយក្លេអ៊ែររបស់ក្រុងព្យុងយ៉ាង។ នេះដោយយោងតាមសេចក្ដីរាយការណ៍របស់សារព័ត៌មាន Channel News Asia។

ថ្លែងនៅឯសន្និសីទសារព័ត៌មាននៅក្រៅវេទិកា Nikkei Business Forum ឆ្នាំ២០១៧ នៅទីក្រុងគួឡាឡុំពួរ អគ្គរាជទូតជប៉ុន លោក Makio Miyagawa បានថ្លែងថា ម៉ាឡេស៊ីគួរតែចូលរួមជាមួយជប៉ុន ក្នុងការដាក់សម្ពាធលើកូរ៉េខាងជើង ដើម្បីឲ្យក្រុងព្យុងយ៉ាងបញ្ឈប់ទង្វើខុសច្បាប់។

លោក Miyagawa បានថ្លែងដូច្នេះ ជាការឆ្លើយតបទៅនឹងការចោទសួរអំពីក្ដីបារម្ភជុំវិញការបាញ់គ្រាប់មីស៊ីលជាថ្មីម្ដងទៀតរបស់កូរ៉េខាងជើង កាលពីថ្ងៃពុធកន្លងមកនេះ ដែលគ្រាប់មីស៊ីលនោះអាចរត់ដល់ទឹកដីអាមេរិក និងបំពាក់ដោយក្បាលគ្រាប់នុយក្លេអ៊ែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។