អាជ្ញាធរធនធានទឹកបានឲ្យដឹងថា កម្ពុជានឹងទទួលរងឥទិ្ធពលពីបាតុភូត ឡានីណា (La Nina) នាំឲ្យមានភ្លៀងធ្លាក់រាយប៉ាយ ពេញផ្ទៃប្រទេស នៅអំឡុងខែមីនា ដល់ខែមិថុនា ឆ្នាំ២០១៨នេះ។
ក្នុងសេចក្តីជូនដំណឹងរបស់ក្រសួងធនធានទឹក និងឧតុនិយម ចុះកាលពីថ្ងៃទី១មីនា ឲ្យដឹងថា ស្ថានភាពអាកាសធាតុលើកទី១ ក្នុងរដូវប្រាំង និងដើមរដូវវស្សា ឆ្នាំ២០១៨ ដោយចាប់ពីខែមីនា ដល់ខែមិថុនា ឆ្នាំ២០១៨ កម្ពុជានឹងទទួលរងនូវឥទិ្ធពលពីបាតុភូត ឡានីណា (La Nina) នាំឲ្យមានភ្លៀងធ្លាក់រាយប៉ាយ ក្នុងបរិមាណពីបង្គួរទៅច្រើនពេញផ្ទៃប្រទេស ជាពិសេសតំបន់វាលទំនាប់ និងតំបន់មាត់សមុទ្រអាចនឹងមានភ្លៀងធ្លាក់ច្រើនជាងគេ។
ចំណែក បាតុភូតធម្មជាតិ នៅក្នុងខែមេសា ខែឧសភា និងខែមិថុនា ឆ្នាំ២០១៨ អាចនឹងមានបាតុភូត ផ្គរ រន្ទះ និងខ្យល់កន្ត្រាក់កើតឡើងច្រើន ពិសេសនៅតំបន់ទំនាបកណ្តាល៕