អាជ្ញាធរឧតុនិយមកម្ពុជា បានព្រមានទៅដល់ប្រជាពលរដ្ឋ ឲ្យប្រុងប្រយ័ត្នខ្ពស់ចំពោះបាតុភូតរន្ទះបាញ់ និងខ្យល់កន្ត្រាក់ ចាប់ពីថ្ងៃនេះរហូតដល់សប្ដាហ៍ក្រោយ ខណៈដែលរដូវវស្សាភ្លៀងធ្លាក់បានចូលមកដល់។
ក្នុងសេចក្ដីប្រកាសព័ត៌មានកាលពីល្ងាចម្សិលមិញនេះ ក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី០២ ដល់ថ្ងៃទី១១ ខែឧសភា ប្រទេសកម្ពុជានឹងទទួលរងទឹកភ្លៀងធ្លាក់ពីតិចរហូតដល់ច្រើននៅទូទាំងប្រទេស ខណៈដែលសីតុណ្ហភាពក៏នឹងថយចុះផងដែរ។
ក្រសួងបានប្រកាសប្រាប់ប្រជាពលរដ្ឋឲ្យប្រុងប្រយ័ត្នខ្ពស់ចំពោះបាតុភូតរន្ទះ និងខ្យល់កន្ត្រាក់ ដែលអាចបន្តកើតមាននៅតំបន់វាលទំនាប និងតំបន់ខ្ពង់រាប៕