ផលិតកម្មមួយ បានសហការជាមួយក្រសួងវប្បធម៌វិចិត្រសិល្បៈ និងដៃគូផ្សេងទៀត រៀបចំការសម្តែងល្ខោនបែបអូប៉េរ៉ា នៅរាជធានីភ្នំពេញចុងសប្តាហ៍នេះ។
កម្មវិធីនេះ មានការសហការរវាងផលិតកម្ម Mozart at Angkor ក្រសួងវប្បធម៌វិចត្រសិល្បៈ គណប្រតិភូសហភាពអឺរ៉ុបប្រចាំប្រទេសកម្ពុជានិងអង្គការUNESCO។
បើតាមសេចក្តីប្រកាសព័ត៌មានរបស់ផលិតកម្មMozartឲ្យដឹងថា ល្ខោនអូរ៉ាបុរាណរឿង “ខ្លុយខ្មែរវេទមន្ត” នឹងត្រូវសម្តែងនៅសាលមហោស្រពចតុមុខនៅល្ងាចថ្ងៃទី១០ មីនានេះ។ កម្មវិធីនេះ មានសិល្បករ សិល្បការនីខ្មែរ ២៥នាក់ និង មានឧបករណ៍បុរាណខ្មែរជាច្រើន វង់ភ្លេងពិណពាទ្យ យីកេ ហើយរួមទាំងក្រុមរបាំរបស់អង្គការ Amrita Performing Arts ផងដែរ។
បើតាមផលិតកម្ម Mozart at Angkor គឺនៅក្នុងឆ្នាំ២០១៩ខាងមុខនេះ ល្ខោនអូប៉េរ៉ានេះនឹងត្រូវរៀបចំការសម្តែងឆាកខ្នាតធំនៅក្នុងទឹកដីប្រាសាទអង្គរ៕