ទូតកម្ពុជានៅថៃប្រកាសមិនយកកម្រៃធ្វើលិខិតបញ្ជាក់ឲ្យពលករ​

ស្ថានទូតកម្ពុជាប្រចាំនៅប្រទេសថៃ ប្រកាសប្រាប់ពលករខ្មែរដែលកំពុង​ធ្វើការនៅទីនោះ​អំ​ពីការ​បញ្ជាក់លិខិតស្របច្បាប់ឬហៅថា លិខិតបញ្ជាក់បុគ្គលតែមួយដោយមិនគិតថ្លៃ ចំពោះ​អ្នក​ដែលមានឯកសារតម្រូវតាមលក្ខខណ្ឌមួយចំនួន​នៃ​ច្បាប់បានកំណត់។​

នៅក្នុងសេចក្តីប្រកាសចុះថ្ងៃទី ៩ខែសីហា ស្ថានទូតកម្ពុជានៅថៃ​បានឲ្យដឹងថា នៅពេលពលករទាំងអស់មកទទួលយកលិខិតឆ្លងដែន លិខិតធ្វើដំណើរពលករកម្ពុជាធ្វើការនៅបរទេស(TD)​ ប័ណ្ណពលករកម្ពុជាទៅធ្វើការនៅបរទេស(OCWC)​ ការស្នើសុំទិដ្ឋាការស្នាក់នៅ និងប័ណ្ណអនុញ្ញាតការងារពីភាគីថៃ ស្ថានទូតនឹងភ្ជាប់លិខិតបុគ្គលតែមួយ(លិខិតបញ្ជាក់ភាពស្របច្បាប់) ជាមួយលិខិតឆ្លងដែននិងលិខិតធ្វើដំណើររបស់ពលករតែម្តង ដោយមិនមានការយកកម្រៃសេវាអ្វីទាំងអស់។

ស្ថានទូតកម្ពុជាប្រចាំនៅប្រទេសថៃ បានបញ្ជាក់ដល់សាធារណជន ជាពិសេសពលករដែលកំពុងស្នាក់នៅ ឬធ្វើការនៅប្រទេសថៃ អាចទំនាក់ទំនងព័ត៌មានលម្អិត​បន្ថែម ពី​មន្ត្រីស្ថានទូតកម្ពុជានៅទីក្រុងបាងកកបាន តាមរយៈលេខទូរស័ព្ទ​ ០២៩ ៥៧៥ ៨៥១/០៩២ ៨០៥ ០៥៦១/០៩៤ ០៩២ ៥៩០៥/០៨៦ ៧៩៩ ៩៩៥៧/០៦៤ ៧៥៤ ៧៤០១។

ម៉ាប់ ស៊ុយ [email protected]

 

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ