ការចុះឈ្មោះ ក្នុងបញ្ជីឈ្មោះបោះឆ្នោតថ្មីដែលមានរយៈពេល៧០ថ្ងៃត្រូវបានបញ្ចប់ហើយកាលពីថ្ងៃទី ០៩ វិច្ឆិកា ម្សិលមិញ ក្នុងចំណោមពលរដ្ឋដែលគ្រប់អាយុជាង១លាន៦សែននាក់ហើយមិនទាន់មានឈ្មោះនោះគឺ មានអ្នកទៅចុះឈ្មោះ ត្រឹមតែជាងកន្លះលាននាក់ប៉ុណ្ណោះ។
ការចុះឈ្មោះថ្មីមានចំនូនទាបនេះត្រូវបានសង្គមស៊ីវិលបន្ទោសលើការមិនយកចិត្តទុកដាក់របស់រដ្ឋាភិបាលលើការអនុញ្ញាតឲ្យពលរដ្ឋក្រៅប្រទេសបានចុះឈ្មោះ បញ្ហានយោបាយដែលរកាំរកូស និងនីតិវិធីនៃការចេញលិខិតបញ្ជាក់ទីលំនៅខានរបស់ក្រសួងមហាផ្ទៃមានការលំបាកជាងការរៀបចំបញ្ជីឆ្នាំ២០១៦។
តទៅនេះសូមស្តាប់បទសម្ភាសន៍រវាងលោក ហ៊ុន សិរីវឌ្ឍន៍ ជាមួយមន្ត្រីផ្នែកច្បាប់ និងអង្កេតនៃគណៈកម្មាធិកា ដើម្បីការបោះឆ្នោតដោយសេរី និងយុត្តិធម៌នៅកម្ពុជា លោក យឿង សុធារ៉ា ដូចតទៅ៖