វៀតណាមបង្ហាញផែនទីថាកោះមានជម្លោះជាមួយចិនជាកម្មសិទ្ធិរបស់ខ្លួ​ន

នៅ​ពិធីតាំងពិពណ៌របស់សារមន្ទីរប្រវត្តិសាស្រវៀតណាម មានការបង្ហាញផែនទីមួយដែលពួកគេអះអាងថា មានតម្លៃមិនអាចកាត់ថ្លៃបានគឺផែនទីបោះពុម្ពនៅឆ្នាំ១៨២៧ ដែលបញ្ជាក់ថា កោះ ហុង សា ឬ កោះប៉ារ៉ាសែល ដែលវៀតណាម​កំពុងមានជម្លោះជាមួយចិនគឺស្ថិតនៅក្នុងដែនអធិបតេយ្យភាពរបស់វៀតណាម។​

តាមសារព័ត៌មានវៀតណាម​ញូ ចុះផ្សាយនៅថ្ងៃនេះ បានឲ្យដឹងថា ផែនទីនោះមានការចាប់អារម្មណ៍ខ្លាំង ដែលបោះពុម្ពឡើងក្នុងឆ្នាំ១៨២៧។​

ផែនទីនោះ មានទំហំ​១,២ គុណ​០,៨៥ម៉ែត្រ ជាផែនទីមួយដែលមានការបកស្រាយលម្អិតពីដែនអធិបតេយ្យភាពរបស់វៀតណាម​ ហើយបញ្ជាក់ថា ដែនកោះប៉ារ៉ាសែល ឬ វៀតណាមហៅកោះហុងសា ជាកម្មសិទ្ធិរបស់វៀតណាម។ ប្រភពដដែលបញ្ជាក់ថា ផែនទីនោះយកពីអឺរ៉ុបកាលពីឆ្នាំ២០១២។​

វៀតណាមឲ្យដឹងទៀតថា ផែនទីនោះគូសដោយអ្នកជំនាញលោក Philippe Vandermaelen ជនជាតិប៊ែលហ្សីក ដែលលោក​កើតនៅឆ្នាំ ១៧៩៥ ហើយបានស្លាប់នៅឆ្នាំ ១៨៦៩៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ