ម៉ាឡេស៊ីច្រានចោលព័ត៌មានថា ចិនបំពាក់ប្រព័ន្ធការពារមីស៊ីលនៅរដ្ឋ Johor

រដ្ឋាភិបាលម៉ាឡេស៊ី បានច្រានចោលព័ត៌មានដែលផ្សព្វផ្សាយថា ​ចិនបានធ្វើសកម្មភាពរៀបចំប្រព័ន្ធការពារមីស៊ីល និង រ៉ាដា ប្រចាំនៅក្នុងរដ្ឋ Johor ជារដ្ឋមួយរបស់ម៉ាឡេស៊ីនៅក្បែរប្រទេសសិង្ហបុរី ក្រោមរូបភាពការពារសន្តិសុខពីពួកក្រុមភេរវកម្ម។

រដ្ឋមន្ត្រីការពារជាតិរបស់ម៉ាឡេស៊ីលោក Johari Baharum បានថ្លែងប្រាប់សារព័ត៌មាន Channel News Asia កាលពីម្សិលមិញថា ម៉ាឡេស៊ី មិនបានព្រមព្រៀងឲ្យចិនដាក់ប្រព័ន្ធការពារមីស៊ីល និង ដំឡើងរ៉ាដា ដូចការចុះផ្សាយរបស់ប្រព័ន្ធផ្សព្វផ្សាយមួយចំនួន​នោះទេ។​

មានការផ្សព្វផ្សាយថា កាលពីខែឧសភានាយករដ្ឋមន្ត្រីម៉ាឡេស៊ី លោក  ណាជីប រ៉ាហ្សាក់ បានបំពេញទស្សនកិច្ចនៅចិន ហើយបានព្រមព្រៀងជាមួយរដ្ឋអំណាចចិន ក្នុងការឲ្យដំឡើងប្រព័ន្ធការពារមីស៊ីល និង ដារ៉ា ដើម្បីជាផ្នែកការពារសន្តិសុខពីក្រុមភេរវកម្ម និង ពួកចារកម្មនានា។​

ជុំវិញការផ្សព្វផ្សាយនោះ លោក Johari Baharum ថ្លែងថា មិនមានទេ ហើយលោកក៏មិនដែលបានឮព័ត៌មាននោះដែរគឺទើបតែបានដឹងពេលដែលអ្នកសារព័ត៌មានសួរលោក៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ