ប្រធានាធិបតីសហរដ្ឋអាមេរិក លោក ដូណល ត្រាំ ព្រមានថា កូរ៉េខាងជើង នឹងជួបគ្រោះមហន្តរាយធំ ប្រសិន ជាប្រទេសនេះធ្វើសកម្មភាពណាមួយប៉ះពាល់ដល់អាមេរិក ដែលការព្រមាននេះធ្វើឡើងបន្ទាប់ពីប្រទេសទាំងពីរប្រឈមមុខដាក់គ្នាខ្លាំង។
លោកត្រាំថ្លែងថា របបកូរ៉េខាងជើងនឹងប្រឈមមុខគ្រោះថ្នាក់កាន់តែខ្លាំង បើសិនជាមិនព្រមធ្វើការងារជាមួយគ្នាក្នុងការដោះស្រាយជម្លោះកំពុងកើតមាន។នេះបើតាមសារព័ត៌មានBBC។
លោកត្រាំ ថ្លែងបែបនេះ បន្ទាប់ពី ទីក្រុងព្យុងយ៉ាងបានប្រកាសថា នឹងបាញ់មីស៊ីលចំនួន៤គ្រាប់ទៅកោះGuam ជាមូលដ្ឋានទ័ពអាកាសរបស់សហរដ្ឋអាមេរិក។
នាយករដ្ឋមន្ត្រីអូស្ត្រាលី Malcolm Turnbull ថ្លែងថា អូស្ត្រាលីបានត្រៀមខ្លួនជាស្រេចក្នុងការត្រៀមធ្វើសង្គ្រាមប្រឆាំងកូរ៉េខាងជើង នៅពេលដែលមានសង្គ្រាមផ្ទុះឡើង៕