រដ្ឋាភិបាលកម្ពុជាបានប្រកាសថា លោកសម្រេចបង្កើត និងអនុវត្តមូលនិធិត្រីចក្រយាន(ស៊ីក្លូ) ចាប់ពីថ្ងៃទី១៣ ខែមករាស្អែនេះ ដោយថាដើម្បីជួយទ្រទ្រង់ដល់អាជីពអ្នកធាក់ស៊ីក្លូ។
ក្នុងសេចក្តីប្រកាសព័ត៌មានស្តីពី លទ្ធផលនៃកិច្ចប្រជុំពេញអង្គគណៈរដ្ឋមន្រ្តី នារសៀលថ្ងៃទី១២ ខែមករា ឆ្នាំ២០១៨នេះ បានឲ្យដឹងថា លោកនាយករដ្ឋមន្ត្រី ហ៊ុន សែន បានប្រកាសថា លោកសម្រេចបង្កើត និងអនុវត្តមូលនិធិត្រីចក្រយាន(ស៊ីក្លូ) ចាប់ពីថ្ងៃទី១៣ ខែមករា ឆ្នាំ២០១៨នេះទៅ ។
លោក ហ៊ុន សែន កាលពីថ្ងៃទី៣មករា បានប្រកាសនៅមុខកម្មករថា ដើម្បីជួយអភិរក្សាស៊ីក្លូ និងជួយដល់ជីវភាពអ្នកធាក់ (ស៊ីក្លូ) លោកថានឹងបង្កើតមូលនិធិមួយដើម្បីគាំពារ ។
ប៉ុន្តែគិតត្រឹមថ្ងៃទី១២នេះ លោក វន់ ពៅ មិនទាន់មានការឆ្លើយតបថា ចូលរួមបង្កើតមូលនិធិ(ស៊ីក្លូ) នៅឡើយ ដោយលោកថា និង ពិនិត្យមើលក្ខខន្តិកៈរបស់សមាគមន៍លោកជាមុនសិន
លោក ហ៊ុន សែន ថ្លែងទៀតថា ជំហានដំបូងលោកនឹងទម្លាក់ថវិកា ១០០លានរៀល ហើយនឹងដាក់ប្រចាំខែ ប្រមាណ១០លានរៀលបន្ថែមទៀត និងអំពាវនាវ ឲ្យសាធារណជន ចូលរួមផ្តល់ថវិកា សម្រាប់ទ្រទ្រង់ដល់មូលនិធិត្រីចក្រយាន(ស៊ីក្លូ)នេះ និងអនុញាតឲ្យអ្នកធាក់ស៊ីក្លូទាំងអស់ព្យាបាលជម្ងឺដោយអត់បង់ថ្លៃ នៅមន្ទីរពេទ្យរដ្ឋទាំងអស់ ចាប់ពីថ្ងៃទី១៣ខែមករានេះទៅ៕