ពលករខ្មែរដែលធ្វើការស៊ីឈ្នួលបេះផ្លែឈើ នៅក្នុងខេត្តត្រាតនៃប្រទេសថៃ ១នាក់ស្លាប់ និងចំនួន១៥នាក់ផ្សេងទៀតបានរងរបួស ដោយសារការប្រឡាប់រថយន្ត ពេលធ្វើដំណើរទៅចំការកាលពីព្រឹកថ្ងៃព្រហស្បតិ៍ម្សិលមិញ។
គេហទំព័រអគ្គស្នងការដ្ឋាននគរបាលជាតិចុះផ្សាយឲ្យដឹងថា ហេតុការណ៍ក្រឡាប់រថយន្តនោះ កើតឡើងនៅម៉ោងប្រមាណ៧ព្រឹកម្សិលមិញ ដោយសាររថយន្តបែកកង់ពេលកំពុងបើកលឿន ហើយរេចង្កូតទៅបុកជាមួយគល់ពេញទំហឹង។
ក្នុងហេតុការណ៍នោះពលការនីខ្មែរ ម្នាក់បានស្លាប់ ពេលនេះសមត្ថកិច្ចថៃកំពុងរៀបចំឯកសារបញ្ជូនមកស្រុកកំណើតនៅកម្ពុជាវិញ។ ប៉ុន្តែអគ្គស្នងការដ្ឋាននគរបាលជាតិបញ្ជាក់ថា អត្តសញ្ញាណពលការនីនៅខេត្តណាមួយនោះ មិនទាន់បានដឹងច្បាស់នៅឡើយ៕
