បន្ទប់ដាក់ឯកសារ និងសំភារៈនៅសាលាក្រុងកំពង់ឆ្នាំងត្រូវបានភ្លើងឆេះ បណ្តាលឱ្យ ខូចខាតសម្ភារមួយចំនួន ដោយសារឆ្លងចរន្តអគ្គិសនីកាលពីព្រឹកថ្ងៃទី ១២ ខែឧសភា ម្សិលមិញនេះ។
អភិបាលខេត្តកំពង់ឆ្នាំងលោក ឈួរ ច័ន្ទឌឿន បានប្រាប់វីអូឌីថានៅម៉ោង ៦និង៤៥នាទីព្រឹកថ្ងៃទី ១២ ខែឧសភាម្សិលមិញនេះនៅក្នុងបន្ទប់ដាក់ឯកសារ និងសម្ភារប្រើប្រាស់របស់រដ្ឋបាលសាលាក្រុងត្រូវបានភ្លើងឆេះអស់មួយចំនួនធំដោយសារមូលហេតុឆ្លងចរន្តអគ្គិសនី។
លោកថាហេតុការណ៍នេះបានបំផ្លាញកុំព្យូទ័រ២គ្រឿង ម៉ាស៊ីនព្រីនឯកសារ១គ្រឿង តុ ដាក់កុំព្យូទ័រ ២ និងឯកសារសំខាន់ៗមួយចំនួនផងដែរ៕