ខេត្ត​ពីរ​របស់​កម្ពុជាទទួល​ពាន​រង្វាន់​អាស៊ាន​ផ្នែក​បរិស្ថាន

ខេត្ត​ចំនួន​ពីរ​របស់​កម្ពុជា ​ត្រូវបាន​សមាជិក​អាស៊ាន ជ្រើស​រើ​ស​ជា​ខេត្ត ​ដែល​មាន​បរិស្ថាន​ល្អ​ជាង​គេ ​នៅ​ក្នុងពិធី «​និរន្តរភាព​បរិស្ថាន​ទីក្រុងអាស៊ាន» នៅ​ប្រទេសប៊ុយ​ណេ​។

ក្រសួង​បរិស្ថាន បាន​ឲ្យ​ដឹងក្នុង​ហ្វេស​បុក​របស់​ខ្លួន​ថា ខេត្ត​កែប និង​ខេត្តពោធិសាត់ ​របស់​កម្ពុជា ​កាលពី​ថ្ងៃ​ទី១២ខែកញ្ញា ត្រូវបានគណ​កម្មការវាយ​តម្លៃ​បរិស្ថាន​អាស៊ាន បាន​ជ្រើស​រើស​ជា​ខេត្ត ដែល​មាន​បរិស្ថាន​​​ល្អ ក្នុង​ចំណោម​ខេត្ត​ របស់​សមាជិក​អាស៊ាន​ផ្សេង​ទៀត​។ ខេត្ត​កែប បាន​ទទួល​ពាន​រង្វាន់ជា​ទី «ក្រុងនិរន្តរភាពបរិស្ថានអាស៊ាន» ចំណែក​​ ខេត្ត​ពោធិសាត់ ​បាន​ទទួល​ពានង្វាន់ «​ផ្នែកនិរន្តរភាពទឹកស្អាតអាស៊ាន»។

ក្រសួងបរិស្ថាន ​បាន​បញ្ជាក់​ថា ពាន​រង្វាន់នេះ ​ជា​ពាន​រង្វាន់​លើក​ដំបូង​ ​ដែល​កម្ពុជា​ទទួល​បាន។

ក្នុង​គេ​ហទំព័រកិច្ច​សហ​ការ​បរិស្ថាន​អាស៊ាន បាន​ឲ្យ​ដឹង​ថា​ ខេត្ត​កែប ជា​ខេត្ត​មួយ​ក្នុង​ចំណោម​ខេត្ត​១០​ផ្សេង​ទៀត ​ដែល​ទទួលបាន​ពាន​រង្វាន់​នេះ ហើយ​ខេត្តពោធិសាត់ បាន​ទទួល​ជា​ខេត្ត ​ដែល​និរន្ត​រភាព​ទឹក​ស្អាតជា​មួយគ្នា ​នឹង​​ខេត្ត​ភូកេត​របស់​ប្រទេស​ថៃ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ