ថ្ងៃទី១៧ ខែមេសា ឆ្នាំ១៩៧៥ កងទ័ពសាធារណៈរដ្ឋខ្មែររបស់សេនាប្រមុខ លន់ នល់ បានច្បាំងចាញ់កងទ័ពខ្មែរក្រហមក្នុងការវាយប្រយុទ្ធគ្នា។ ក្នុងពេលនេះដែរពួកខ្មែរក្រហមបានជម្លៀសប្រជាជនចេញពីទីក្រុងភ្នំពេញ ហើយកាន់កាប់ទីក្រុងភ្នំពេញទាំងស្រុងនៅម៉ោង១០ព្រឹក។ បន្ទាប់មកខ្មែរក្រហមក៏បានទាញទម្លាក់ទង់ជាតិ និងបទចម្រៀងជាតិរបស់របបសាធារណៈរដ្ឋខ្មែរនិងជំនួសមកវិញនូវទង់ជាតិនិងភ្លេងជាតិរបស់របបកម្ពុជាប្រជាធិបតេយ្យ។ យើងមានលោក ឌៀប សុផល ជាសាស្រ្តាចារ្យផ្នែកប្រវត្តិសាស្រ្ត។ សំណួរដំបូងដែលកញ្ញា កាន់ វិច្ឆិកា សួរទៅលោក ឌៀប សុផល ថាតើមូលហេតុអ្វីបានជារបបកម្ពុជាប្រជាធិបតេយ្យអាចយកឈ្នះរបបសាធារណរដ្ឋបាន?
