កម្សាន្ត, កីឡា

កីឡាការិនីប៉េតង់ខ្មែរ ឈ្នះមេដាយមាសពិភពលោក

លោក ហួត វុទ្ធី
| ១៧ មេសា ២០១៧
ម៉ោង ១១:៣៤

កីឡាការិនីប៉េតង់ អ៊ុក ស្រីមុំ (រូបភាព Patrick Maton, Willy Vancolen, Charlotte Cortvriend)

កីឡាការិនីប៉េតង់ អ៊ុក ស្រីមុំ ឈ្នះមេដាយមាសពិភពលោកនៅទីក្រុងហ្សែន្ត (Ghent) ប្រទេសបែលហ្ស៊ិក។

បើតាមហ្វេសប៊ុក ជើងឯកប៉េតង់ឆ្នាំ២០១៧ទីក្រុងហ្សែន្ត (World Championships Petanque 2017 Ghent) កាលពីយប់ថ្ងៃទី១៦ខែមេសា បានផ្សាយឲ្យដឹងថា កីឡាការិនីប៉េតង់ អ៊ុក ស្រីមុំ មកពីប្រទេសកម្ពុជា គឺជាម្ចាស់ជើងឯកពិភពលោកថ្មី ប្រកួតលើវិញ្ញាសាឯកត្តជនស្ត្រី។

នៅវគ្គផ្តាច់ព្រ័ត្រ កីឡាការិនីប៉េតង់កម្ពុជា បានយកឈ្នះកីឡាការិនីប្រទេសទុយនីស៊ី នាង Mouna BEJI ក្នុងលទ្ធផល ១៣-៧។

អ៊ុក ស្រីមុំ គឺជាកីឡាការិនីទីពីររបស់កម្ពុជា ដែលទទួលមហាជោគជ័យដ៏ធំធេងបែបនេះ។

កាលពីយប់ថ្ងៃទី១០មេសាកន្លងទៅនេះ សហព័ន្ធប៉េតង់កម្ពុជាបានបញ្ជូនកីឡាករ ២រូប និងកីឡាការិនី២រូប ទៅចូលរួមប្រកួតកីឡាជើងឯកពិភពលោកនៅប្រទេសប៊ែលហ្ស៊ីក។ ការប្រកួតបានចាប់ផ្ដើមពីថ្ងៃទី១៣ដល់១៧ ខែមេសា ឆ្នាំ២០១៧៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។