អាជ្ញាធរខេត្ដរតនគិរីចាប់ខ្លួនជនជាតិចិន៥នាក់ ករណីលួចជីកយករ៉ែខុសច្បាប់

អាជ្ញាធរខេត្តរតនគិរីបានចាប់ឃាត់ខ្លួនជនជាតិចិន៥នាក់ និងជនជាតិខ្មែរម្នាក់ ពាក់ព័ន្ធករណីជីកយករ៉ែខុសច្បាប់។

កម្លាំងសមត្ថកិច្ចស្រុកលំផាត់ ខេត្តរតនគិរី បានឃាត់ខ្លួនជនជាតិចិន៥នាក់និងខ្មែរម្នាក់ ហើយបញ្ជូនពួកគេទៅសាលាដំបូងខេត្ត ដោយចោទថាបានចូលជីកយករ៉ែដោយខុសច្បាប់ នៅចំណុចអូរល្វាក់ ក្នុងភូមិថ្មី ឃុំជ័យឧត្តម ស្រុកលំផាត់ កាលពីទី២០ខែមេសាម្សិលមិញ។ នេះបើតាមវេបសាយអគ្គស្នងការនគរបាលជាតិ ចេញផ្សាយនៅថ្ងៃសុក្រនេះ។

បើតាមវេបសាយអគ្គស្នងការនគរបាលជាតិ អាជ្ញាធរខេត្តរតនគិរី បានចុះត្រួតពិនិត្យ​និងឃាត់ខ្លួនជនសង្ស័យទាំង៦នាក់ ខណៈពួកគេយកគ្រឿងចក្រកាយដី ទៅឈូសឆាយជីកយករ៉ែ រួមជាមួយនឹងរថយន្ដម៉ាកលិចស៊ីសមួយគ្រឿងទៀត។

បើតាមអគ្គស្នងការនគរបាលជាតិ មកទល់ពេលនេះ អាជ្ញាធរខេត្តរតនគិរីបានឃាត់ខ្លួនជនសង្ស័យទាំង៦នាក់ខាងលើ រួមទាំងរថយន្ដមួយគ្រឿង​ ដើម្បីកសាងសំណុំរឿងបញ្ជូនទៅតុលាការ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ