នគរបាលថៃបានឃាត់ខ្លួនបុរសម្នាក់ដែលលួចរត់ពន្ធទឹកាម ច្រកតាមដបតួចៗចំនួន៦ដបមានបំណងយកទៅកាន់ប្រទេសឡាវ។
នគរបាលបានពិនិត្យរកឃើញដបទឹកកាមត្រូវបានបុរសនោះលាក់ក្នុងកាបូប ពេលឆ្លងកាត់ព្រំដែននៅភាគខាងជើងប្រទេសថៃនៅទីក្រុង Nong Khai ត្រៀមឆ្លងចូលឡាវ។ នេះបើតាមសារព័ត៌មាន BBC។
នគរបាលថ្លែងថា បុរសនោះបានសារភាពថា ទឹកកាមនោះប្រមូលពីតាមគ្លីនិកពិសោធន៍នៅក្នុងរដ្ឋធានីវៀតណាម និង របស់ឡាវ។ ឡាវមានការកក្រើកឡើងក្នុងការជួញដូរទឹកកាមបន្ទាប់ពីប្រទេសជិតខាងថៃ និង កម្ពុជាបានហាមឃាត់។
ប៉ុន្តែនគរបាលអះអាងថា ទឹកកាមទាំងនោះប្រមូលពីបុរសជនជាតិចិន និង វៀតណាម។ នគរបាលអះអាងថា បុរសនោះធ្លាប់ប្រមូលទឹកកាមពីគ្លីនិកនានានៅបាងកកហើយបញ្ជូនទៅឡាវ។ អ្នករត់ពន្ធរូបនោះក៏បានបញ្ជាក់ថា លោកធ្លាប់រត់ពន្ធទឹកកាមទាំងនេះមកកាន់កម្ពុជា ជាច្រើនលើកផងដែរ៕