សាលារាជធានីភ្នំពេញប្រកាសបញ្ឈប់ការអនុញ្ញាតឲ្យក្រុមហ៊ុននានា ដែលបានដាក់របារកាត់ទទឺងផ្លូវក្នុងរាជធានីផ្សាយពាណិជ្ជកម្មទាំងអស់ ត្រូវរុះរើចេញ ដោយហេតុផលថាដើម្បីសុវត្ថិភាពនិងសោភ័ណភាពនៅក្នុងរាជធានីទាំងមូល។
សេចក្តីប្រកាសព័ត៌មានរបស់សាលារាជធានីភ្នំពេញកាលពីថ្ងៃទី១៨ ខែមករា បានបញ្ជាក់ថាក្រុមហ៊ុននានាត្រូវពិនិត្យឡើងវិញនូវផ្សាយណិជ្ជកម្មនៅក្នុងភូមិសាស្រ្តរាជធានីដោយផ្ទាំងខ្លះធ្វើមិនមានគុណភាព ខុសបច្ចេកទេស ខុសច្បាប់ បង្កគ្រោះថ្នាក់ដល់អ្នកធ្វើដំណើរតាមដងផ្លូវ និងខូចសោភ័ណភាពរាជធានី។
ក្នុងសេចក្តីប្រកាសនោះ សាលារាជធានីទុកពេលមួយខែឲ្យក្រុមហ៊ុនដាក់ផ្សាយពាណិជ្ជកម្មមិនមានការអនុញ្ញាតឲ្យទៅសុំច្បាប់និងឲ្យក្រុមហ៊ុនដាក់របារកាត់ផ្លូវផ្សាយពាណិជ្ជកម្មទាំងអស់ត្រូវរុះរើចេញ រយៈពេលមួយខែនោះ គឺចាប់ពីថ្ងៃជូនដំណឹង៕
