មន្រ្តីកាំកុងត្រូលខ្មែរប្រចាំច្រកតំបន់ភ្នំដី ស្រុកសំពៅលូន ខេត្តបាត់ដំបងនៅថ្ងៃសុក្រនេះ បានត្រួតពិនិត្យ និង អឹបអូសផលិតផលអាហារខូចគុណភាព ដែលនាំចូលពីថៃ ក្នុងបំណងយកមកលក់នៅក្នុងប្រទេសកម្ពុជា។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា សមត្ថកិច្ចបានបង្រ្កាបផលិតផលម្ហូបអាហារ សង្ស័យផលិតផល ខូចគុណភាព រួមមាន ឆ្អឹងមាន់ សាច់មាន់ និង សាច់ជ្រូក ខ្លាញ់ជ្រូក ប្រហែលជាង៥០០គីឡូក្រាម ដឹកតាមរទះកម្មករ នាំពីផ្សារថៃចូលមកស្រុកសំពៅលូន។
បន្ទាប់ពីការឃាត់ទុក ហើយពិនិត្យឃើញថា ផលិតផលអាហារទាំងនោះខូចគុណភាព សមត្ថកិច្ចក៏បានដុតកំទេចផលិតផលទាំងនោះចោល នៅព្រឹកថ្ងៃទី៣០ខែមិថុនានេះ។