Voice of Democracy

កម្មវិធីវិទ្យុ

កម្មវិធីតួនាទីសង្គមស៊ីវិល ( 13 អត្ថបទ )

កម្មវិធីនេះបង្កើតឡើងក្នុងគោលបំណងចូលរួមលើកកំពស់សេរីភាពអង្គការសមាគម តាមរយៈបទយកការណ៍និងការជជែកតាមវិទ្យុចំពោះផលប៉ះពាល់ដែលអាចកើតមានពីសេចក្តីព្រាងច្បាប់ស្តីពីសមាគម និងអង្គការមិនមែនរដ្ឋាភិបាល។ ជាមួយគ្នានេះដែរ កម្មវិធីនេះ ក៏បង្កើតឡើងក្នុងគោលបំណងបង្កើនការយល់ដឹងអំពីតួនាទីរបស់សង្គមស៊ីវិល និងការបង្កើនការចូលរួមជាសាធារណៈ ក្នុងការអភិវឌ្ឍន៍ប្រទេសជាតិ។ កម្មវិធីនេះ ឧបត្តម្ភថវិការដោយអង្គការ Freedom House និងអង្គការសម្ព័ន្ឋខ្មែរជំរឿន និងការពារសិទ្ឋិមនុស្ស លីកាដូ រួមសហការផលិតដោយ សំលេងប្រជាធិបតេយ្យ VOD ។ ផ្សាយផ្ទាល់ នៅរៀងរាល់ថ្ងៃព្រហស្បតិ៍ វេលាម៉ោង ៤:០៥នាទី ដល់ម៉ោង ៤:៥៥នាទីល្ងាច និងផ្សាយឡើងវិញនៅថ្ងៃសៅរ៍ វេលាម៉ោង១១:០៥ ដល់ម៉ោង ១១:៥៥នាទីព្រឹក តាមរយៈវិទ្យុសារិកាភ្នំពេញ FM ១០៦.៥ និង៩៥.៥ ខេត្តសៀមរាប៕
វិភាគព្រឹត្តិការណ៍ប្រចាំសប្តាហ៍ ( 50 អត្ថបទ )

កម្មវិធីនេះ គឺជាការវិភាគទៅលើព្រឹត្តិការណ៍សំខាន់ៗ ដែលកើតមានឡើងថ្មីៗ នៅក្នុងប្រទេសកម្ពុជា និងពិភពលោក ដោយមានការចូលរួមពីអ្នកវិភាគឯករាជ្យលោក ប៉ា ងួនទៀង ប្រធានមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ CCIM និងលោក អ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា CCHR។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងមជ្ឈមណ្ឌលសិទ្ធិមនុស្សកម្ពុជា។ វិភាគព្រឹត្តការណ៍សំខាន់ប្រចាំសប្តាហ៍ មានផ្សាយផ្ទាល់រៀងរាល់ថ្ងៃច័ន្ទ និងថ្ងៃព្រហស្បតិ៍ ចាប់ពីម៉ោង ៦:៣០នាទី ដល់ម៉ោង៧:៣០នាទីល្ងាច និងចាក់ផ្សាយឡើងវិញ នៅថ្ងៃសៅរ៍ ចាប់ពីម៉ោង ១២:០០នាទី ដល់ម៉ោង ១២:៣០នាទីរសៀល និងចាប់ពីម៉ោង ៦:០០នាទី ដល់ម៉ោង៦:៣០នាទីល្ងាច។ ប្រិយមិត្តអ្នកស្តាប់ អាចទូរស័ព្ទចូលរួម នៅក្នុងកម្មវិធីនេះ បាននៅរៀងរាល់ថ្ងៃច័ន្ទ និងថ្ងៃព្រហស្បតិ៍។
កម្មវិធីចេះ ( 13 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) និយាយ ពីពលកម្មកុមារក្នុងវិស័យកសិកម្ម នៅក្នុងប្រទេសកម្ពុជា។ កម្មវិធីនេះ សហការផលិតរវាងសំលេងប្រជាធិបតេយ្យ VOD ជាមួយនឹងអង្គការ Winrock អន្តរជាតិ (Winrock International)។ កម្មវិធីនេះ មានផ្សាយផ្ទាល់រៀងរាល់ថ្ងៃសុក្រ ចាប់ពីម៉ោង ១១:០៥នាទី ដល់ម៉ោង ១១:៥៥នាទី។ ប្រិយមិត្តអ្នកស្តាប់ អាចទូរស័ព្ទចូលរួមនៅក្នុងកម្មវិធីនេះ។
កម្មវិធីសេវាល្អសង្គមល្អ ( 14 អត្ថបទ )

កម្មវិធីនេះ មានគោលបំណងពង្រីកការយល់ដឹង ដល់ប្រជាពលរដ្ឋ អំពីតួនាទី និងការទទួលខុសត្រូវ របស់មន្រ្តីសាធារណៈក្នុងមូលដ្ឋាន និងបង្កើនការចូលរួមរបស់ប្រជាពលរដ្ឋ នៅក្នុងការផ្តល់សេវារដ្ឋបាលសាធារណៈនៅក្នុងមូលដ្ឋាន។ កម្មវិធីសេវាល្អសង្គមល្អ មានផ្សាយជូនរៀងរាល់ថ្ងៃពុធ ចាប់ពីម៉ោង០៥:០៥នាទី ដល់ម៉ោង ០៦:៥៥នាទី និងមានផ្សាយជូនស្តាប់ឡើងវិញ នៅរៀងរាល់ថ្ងៃអាទិត្យ ចាប់ពីម៉ោង១១:០០នាទី ដល់ម៉ោង ១២:០០ថ្ងៃត្រង់។ សូមស្តាប់ស្ពតផ្សព្វផ្សាយរបស់កម្មវិធីសេវាល្អសង្គមល្អ៖
កម្មវិធីព័តមានបូក ( 62 អត្ថបទ )

កម្មវិធីនេះ មានគោលបំណងផ្តល់ព័ត៌មានឲ្យប្រជាពលរដ្ឋ បានដឹងពីព្រឹត្តិការណ៍បច្ចុប្បន្នភាពសំខាន់ៗនៅក្នុងសង្គម ដោយលើកយកបញ្ហាទាំងនោះ មកជជែកពិភាក្សា និងផ្តល់អំណាច ដល់ពួកគេចូលរួមវិភាគ វែកញែក និងចូលរួមផ្តល់យោបល់។ កម្មវិធីព៍ត៌មានបូក (News Plus) មានផ្សាយជូនប្រិយមិត្តអ្នកស្តាប់ ចាប់ពីម៉ោង ៧ ដល់ម៉ោង៨ព្រឹក ចាប់ពីថ្ងៃច័ន្ទ ដល់ថ្ងៃសុក្រ។
កម្មវិធីសិទ្ធិការងារ ( 19 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) ផ្តល់ព័ត៌មានជូនប្រជាពលរដ្ឋ ពីបញ្ហាការងារ និងសិទ្ធិការងារ របស់កម្មករវិស័យកាត់ដេរ និងសំណង់ នៅក្នុងប្រទេសកម្ពុជា។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងមជ្ឈមណ្ឌលអប់រំច្បាប់សម្រាប់សហគមន៍ (CLEC)។ កម្មវិធីនេះ មានផ្សាយផ្ទាល់រៀងរាល់ថ្ងៃពុធ ចាប់ពីម៉ោង១១:០៥នាទី ដល់ម៉ោង ១១:៥៥នាទី។ ប្រិយមិត្តអ្នកស្តាប់អាចទូរស័ព្ទ ចូលរួមនៅក្នុងកម្មវិធីនេះ។
កម្មវិធីសមធម៌ក្នុងវិស័យឧស្សាហកម្មនីស្សារណកម្ម ( 19 អត្ថបទ )

កម្មវិធីនេះ បង្កើតឡើងក្នុងគោលបំណងជំរុញអោយការប្រើប្រាស់ធនធានធម្មជាតិ នៅកម្ពុជា ប្រកបដោយតម្លាភាព និងសមធម៌។ កម្មវិធីនេះ សហការផលិតរវាងសំលេងប្រជាធិបតេយ្យ VOD ជាមួយនឹងអង្គការអភិវឌ្ឍន៍ និងភាពជាដៃគូ ក្នុងសកម្មភាព ហៅកាត់ថា DPA។ កម្មវិធីនេះ មានផ្សាយផ្ទាល់រៀងរាល់ថ្ងៃច័ន្ទ ចាប់ពីម៉ោង ១១:០៥នាទី ដល់ម៉ោង ១១:៥៥នាទី។ ប្រិយមិត្តអ្នកស្តាប់ អាចទូរស័ព្ទចូលរួមនៅក្នុងកម្មវិធីនេះ។
កម្មវិធីសុវត្ថិភាពការងារ ( 15 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show)។ ផលិតឡើងក្នុងគោលបំណងផ្សព្វផ្សាយឲ្យកម្មករយល់ដឹងពីការការពារសិទ្ធិ ទំនាក់ទំនងល្អរវាងនយោជក និងកម្មករ និងដើម្បីលើកកំពស់លក្ខខណ្ឌការងារឲ្យកាន់តែប្រសើរឡើង តាមរយៈប្រព័ន្ធផ្សព្វផ្សាយ។ កម្មវិធីនេះផលិតដោយសំលេងប្រជាធិបតេយ្យ VOD និងមជ្ឈមណ្ឌលអាមេរិកកាំង សំរាប់សាមគ្គីភាពអន្តរជាតិ ដែលទទួលបានការគាំទ្រថវិកាពីទីភ្នាក់ងារសហរដ្ឋអាមេរិក ដើម្បីការអភិវឌ្ឍន៍អន្តរជាតិ USAID។ ផ្សាយផ្ទាល់ នៅរៀងរាល់ថ្ងៃអង្គារ សប្តាហ៍ទី២ និងទី៤ វេលាម៉ោង ៤:០៥នាទី ដល់ម៉ោង ៤:៥៥នាទីរសៀល។
កម្មវិធីមាគ៌ាស្អាតស្អំ ( 11 អត្ថបទ )

កម្មវិធីនេះ មានគោលបំណងលើកកំពស់ការយល់ដឹង អំពីនិតិវិធីនៃការដាក់ពាក្យបណ្តឹង នៃការប្រឆាំងអំពើពុករលួយ ដែលសហការផលិត រវាងសំលេងប្រជាធិបតេយ្យ VOD ជាមួយនឹងសម្ព័ន្ធដើម្បីសុច្ចរិតភាព និងគណនេយ្យភាពសង្គម ហៅកាត់ថា CISA ឧបត្ថម្ភថវិការដោយអង្គការផេកកម្ពុជា។ កម្មវិធីនេះ មានផ្សាយផ្ទាល់រៀងរាល់ថ្ងៃព្រហស្បត្តិ៍ ចាប់ពីម៉ោង ០៤:០៥នាទី ដល់ម៉ោង ០៤:៥៥នាទីព្រឹក។ ប្រិយមិត្តអ្នកស្តាប់ អាចទូរស័ព្ទចូលរួម នៅក្នុងកម្មវិធីនេះ។
កម្មវិធីកញ្ចក់សង្គម ( 19 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) ផ្តល់ព័ត៌មានជូនប្រជាពលរដ្ឋ អំពីអ្វីទៅជាការទទួលខុសត្រូវសង្គម (Social Accountability)។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងបណ្តាញរួបរួម ដើម្បីគណនេយ្យភាពអាស៊ី បូព៌ា និងប៉ាស៊ីហ្វិក (ANSA-EAP)។ កម្មវិធីនេះ មានផ្សាយផ្ទាល់រៀងរាល់ថ្ងៃច័ន្ទ ចាប់ពីម៉ោង១៧:០៥នាទី ដល់ម៉ោង ១៧:៥៥នាទី។ ប្រិយមិត្តអ្នកស្តាប់អាចទូរស័ព្ទ ចូលរួមនៅក្នុងកម្មវិធីនេះ។
កម្មវិធីព័ត៌មាននៅជុំវិញតំបន់អាស៊ី ( 12 អត្ថបទ )

កម្មវិធីនេះ ជាបទយការណ៍សំខាន់ៗ ដែលរាយការណ៍ជូនដោយអ្នកយកព័ត៌មានរបស់ Asia Calling នៅក្នុងប្រទេសនៅតំបន់អាស៊ី។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងវិទ្យុ KBR 68H នៅក្នុងប្រទេសឥណ្ឌូនេស៊ី។ កម្មវិធីនេះ មានផ្សាយជាភាសារខ្មែរ រៀងរាល់ថ្ងៃអាទិត្យ ចាប់ពីម៉ោង១៧:០០នាទី ដល់ម៉ោង ១៧:៥៨នាទី។
កម្មវិធីសំលេងជនពិការ ( 13 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) ផ្តល់ព័ត៌មានជូនប្រជាពលរដ្ឋ ពីបញ្ហាជនពិការនៅក្នុងប្រទេសកម្ពុជា។ កម្មវិធីនេះ សហការផលិតរវាងសំលេងប្រជាធិបតេយ្យ VOD ជាមួយនឹងអង្គការជនពិការកម្ពុជា (CDPO)។ ផ្សាយផ្ទាល់ជារៀងរាល់ថ្ងៃអង្គារ និងពុធ ចាប់ពីម៉ោង ១០:០៥នាទី ដល់ម៉ោង ១១:៥៥នាទី។
កម្មវិធីពន្លកថ្មី ( 2 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ ក្នុងគោលបំណងលើកកម្ពស់ជីវិត របស់កុមារក្រីក្រ ដោយផ្តល់គំនិតអោយពួកគេចង់សិក្សា។ កម្មវិធីនេះ ផលិតដោយការិយាល័យផ្សព្វផ្សាយព័ត៌មានកាតូលិក CSC សហការជាមួយវិទ្យុសម្លេងប្រជាធិបតេយ្យ វីអូឌី ឧបត្ថម្ភដោយព្រះសហគមន៍កាតូលិកនៅកម្ពុជា។ កម្មវិធីនេះ ផ្សាយផ្ទាល់រៀងរាល់ថ្ងៃច័ន្ទ សប្តាហ៍ទី ១ និងទី ៣ ហើយចាក់ផ្សាយឡើងវិញ នៅសប្តាហ៍ទី ២ និងទី ៤ ក្នុងខែនិមួយៗ ចាប់ពីម៉ោង ៤:០៥នាទី ដល់ម៉ោង ៤:៥៥នាទីល្ងាច។ ប្រិយមិត្តអ្នកស្តាប់ អាចទូរស័ព្ទចូលរួមនៅក្នុងកម្មវិធីនេះ។
កម្មវិធីសិទ្ធិលំនៅដ្ឋាន ( 6 អត្ថបទ )

កម្មវិធីនេះ មានគោលបំណងរួមចំណែកជាមួយរាជរដ្ឋាភិបាលកម្ពុជា ដើម្បីពង្រឹងនិងបង្កើនការផ្សព្វផ្សាយព័តមាន ទាក់ទងទៅនឹងច្បាប់ជាតិ និងច្បាប់អន្តរជាតិស្តីអំពីលំនៅដ្ឋាន។ កម្មវិធីនេះ ផលិតដោយក្រុមការងារពិសេសសិទ្ធិលំនៅដ្ឋាន ឧបត្ថម្ភថវិកាដោយអង្គការដៃគូរអភិវឌ្ឍន៍អាឡឺម៉ង់ ហៅកាត់ថា DAD ដោយមានផ្សាយនៅថ្ងៃព្រហស្បតិ៍ រៀងរាល់សប្តាហ៍ទី៤ នៃខែនិមួយៗ។
កម្មវិធីសម្លេងគ្រូបង្រៀន ( 18 អត្ថបទ )

កម្មវិធីនេះ ជាកិច្ចពិភាគ្សាផ្សាយផ្ទាល់ (Talk Show) មានគោលបំណងលើកកំពស់វិស័យអប់រំនៅកម្ពុជា។ កម្មវិធីនេះ សហការផលិត រវាងសំលេងប្រជាធិបតេយ្យវីអូឌី ជាមួយនឹងសមាគមគ្រូបង្រៀនកម្ពុជាឯករាជ្យ ដោយមានការឧបត្ថម្ភថវិកា ដោយសមាគមគ្រូបង្រៀនអង់គ្លេស។ កម្មវិធីនេះ មានផ្សាយផ្ទាល់ជារៀងរាល់ថ្ងៃពុធ ចាប់ពីម៉ោង ១៦:០៥នាទី ដល់ម៉ោង ១៦:៥៥នាទីរសៀល។ ប្រិយមិត្តអ្នកស្តាប់ អាចទូរស័ព្ទចូលរួមនៅកម្នុងកម្មវិធីនេះបាន។
កម្មវិធីគ្រប់គ្រងកំហឹងបុរស ( 10 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) មានគោលបំណងដើម្បីកាត់បន្ថយអំពើហឹង្សាក្នុងគ្រួសារ ដោយធ្វើការតស៊ូមតិ និងលើកទឹកចិត្តបុរសអោយផ្លាស់ប្តូរអាកប្បកិរិយាហិង្សាទៅលើស្ត្រី និងកុមារ ដោយប្រកាន់យកគោលការណ៍អហិង្សា មានទំនាក់ទំនងល្អក្នុងគ្រួសារ និងដោះស្រាយបញ្ហាដោយសន្តិវិធី។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងអង្គការកម្ពុជាដើម្បីជួយស្ត្រីមានវិបត្តិ។ កម្មវិធីនេះ មានផ្សាយផ្ទាល់រៀងរាល់ថ្ងៃព្រហស្បត្តិ៍ ចាប់ពីម៉ោង ១១:០៥នាទី ដល់ម៉ោង ១១:៥៥នាទីព្រឹក។ ប្រិយមិត្តអ្នកស្តាប់ អាចទូរស័ព្ទចូលរួម នៅក្នុងកម្មវិធីនេះ។
កម្មវិធីឳកាសកសិករ ( 21 អត្ថបទ )

កម្មវិធីឳកាសកសិករ ជាកិច្ចពិភាក្សាផ្សាយផ្ទាល់ (Talk Show) មានគោលបំណងជួយលើកកំពស់ផលិតកម្មកសិកម្ម ប្រាក់ ចំណូលការប្រើប្រាស់ដីប្រកបដោយចិរភាព កសិកម្មចំរុះ និងការរកទីផ្សារ។ កម្មវិធីនេះ ក៏លើកទឹកចិត្តអ្នកស្តាប់អោយចាត់ទុករបរកសិកម្មរបស់ខ្លួន ថាជាមុខជំនួញមួយ ដែលអាចជួយដល់ពួកគាត់ សហគមន៍របស់ពួកគាត់ និងប្រទេសកម្ពុជាផងដែរ។ កម្មវិធីនេះ សហការផលិតដោយសំលេងប្រជាធិបតេយ្យ VOD និងអង្គការអភិវឌ្ឍន៍ជីវភាពកសិករ FLD ឧបត្ថម្ភថវិការដោយ ធនាគារពិភពលោក តាមរយៈសមាសភាគស្ថាប័នមិនមែនរដ្ឋ នៃគំរោងអភិបាលកិច្ចល្អមូលដ្ឋាន ក្រសួងមហាផ្ទៃ និងគាំទ្រដោយអង្គការមូលនិធិអាស៊ី។ កម្មវិធីនេះ មានផ្សាយជូនរៀងរាល់ថ្ងៃព្រហស្បតិ៍ ចាប់ពីម៉ោង ៥:០៥នាទី ដល់ម៉ោង ៦:០០ល្ងាច តាមរយៈវិទ្យុសារិកា FM ១០៦.៥ នៅរាជធានីភ្នំពេញ, វិទ្យុសារិកា FM ៩៥.៥ នៅខេត្តសៀមរាប, វិទ្យុខេត្តឧត្តរមានជ័យ និងវិទ្យុខេត្តព្រះវិហារ។ ប្រិយមិត្តអ្នកស្តាប់អាចទូរស័ព្ទចូលរួម ក្នុងកម្មវិធីនេះបានផងដែរ។
កម្មវិធីបញ្ចប់អំពើហឹង្សា លើស្ត្រី និងកុមារ ( 16 អត្ថបទ )

កម្មវិធីនេះ ជាកិច្ចពិភាក្សាតុមូល (Talkshow) មានគោលបំណងចូលរួមទប់ស្កាត់ និងលុបបំបាត់គ្រប់រូបភាពនៃអំពើហឹង្សា ដូចជាផ្លូវកាយ ផ្លូវចិត្ត ផ្លូវភេទ និងផ្លូវសេដ្ឋកិច្ច ព្រមទាំងហឹង្សាដោយទឹកអាស៊ីត ផលប៉ះពាល់ជាអវិជ្ជមានយ៉ាងធ្ងន់ធ្ងរនៃការរំលោភផ្លូវភេទ និងការជួញដូរមនុស្ស។ កម្មវិធីអាចដំណើរការទៅបាន ដោយទទួលប្រាក់ឧបត្ថម្ភ ពីអង្គការសម្ព័ន្ធខ្មែរជំរឿន និងការពារសិទ្ធមនុស្ស (LICADHO) និងមានផ្សាយផ្ទាល់នៅរៀងរាល់ថ្ងៃ សុក្រ ចាប់ពីម៉ោង ១៧:០៥ ដល់ម៉ោង ១៧:៥៥ ល្ងាច។ ប្រិយមិត្តអាចទូរស័ព្ទចូលរួមនៅក្នុងកម្មវិធីនេះ។
កម្មវិធីម្ចាស់ឆ្នោតម្ចាស់អនាគត ( 4 អត្ថបទ )

កម្មវិធីបង្កើតឡើង ក្នុងគោលបំណងលើកកំពស់ការចូលរួមក្នុងវិស័យនយោបាយ របស់ប្រជាពលរដ្ឋនៅក្នុងដំណើរការនៃលទ្ធិប្រជាធិបតេយ្យ ដើម្បីជំរុញអោយអ្នកធ្វើគោលនយោបាយផ្តោតការយកចិត្តទុកដាក់ដោះស្រាយបញ្ហាដែលជាក្តីបារម្ភបំផុតរបស់ប្រជាពលរដ្ឋ ចំនួន ៤ (សុខភាព, ភាពអត់ការងារធ្វើ, ដីធ្លី និង បំណុល) នៅមុនការបោះឆ្នោតឃុំ-សង្កាត់ឆ្នាំ២០១២។ កម្មវិធីនេះ ក៏មានបំណងជំរុញអោយមានការដោះស្រាយបញ្ហាជូនប្រជាពលរដ្ឋ ជាពិសេសស្ត្រី និងជនក្រីក្រ ដើម្បីអោយសំលេងរបស់ពួកគាត់ ត្រូវបានលឺ និងទទួលបានការឆ្លើយតបពីអ្នកតំណាងរាស្ត្រ នៅមុនការបោះឆ្នោតឃុំ-សង្កាត់ឆ្នាំ២០១២។ កម្មវិធីនេះ សហការផលិតដោយសម្លេងប្រជាធិបតេយ្យ VOD ឧបត្ថម្ភថវិកាដោយមូលនិតិកាណាដា តាមរយៈស្ថានទូតកាណាដាប្រចាំនៅកម្ពុជា មានផ្សាយជូននៅរៀងរាល់ថ្ងៃអង្គារ៍ វេលាម៉ោង ៥:០៥នាទី ដល់ម៉ោង ៥:៥៥នាទីល្ងាច។ ប្រិយមិត្តអ្នកស្តាប់អាចទូរស័ព្ទចូលរួមនៅសប្តាហ៍ទីពីរ និងទីបី។
កម្មវិធីសំលេងផែនដី ( 3 អត្ថបទ )

កម្មវិធីនេះ បង្កើតឡើងក្នុងគោលបំណង បង្កើនការយល់ដឹងជាសាធារណៈ ពីយុទ្ធសាស្ត្រក្នុងការបន្ស៊ាំ ទៅនឹងបំរែបំរួលអាកាសធាតុ និងធ្វើការរួមគ្នា ក្នុងការដោះស្រាយ ចំពោះហានិភ័យនៃបំរែបំរួលអាកាសធាតុក្នុងប្រទេសកម្ពុជា និងគោលនយោបាយរបស់រដ្ឋាភិបាលឆ្លើយតបទៅនឹងបំរែបំរួលអាកាសធាតុ និងរកឲ្យឃើញពីយុទ្ធសាស្ត្រសមស្របក្នុងការបន្ស៊ាំ ទៅនឹងបំរែបំរួលអាកាសធាតុ។ ផ្តល់ឱកាសដល់តំណាងសហគមន៍ អង្គការមិនមែនរដ្ឋាភិបាល និងតំណាងរដ្ឋាភិបាលពិភាក្សាដេញដោលទៅលើបញ្ហាបំរែបំរួលអាកាសធាតុ និងគោលនយោបាយបំរែបំរួលអាកាសធាតុ ដែលមានស្រាប់។ ផ្សាយផ្ទាល់នៅ ថ្ងៃអង្គារ សប្តាហ៍ទី១ នឹងសប្តាហ៍ទី ៣ និងចាក់ផ្សាយឡើងវិញនៅថ្ងៃសៅរ៍ វេលាម៉ោង ២:០០ដល់ម៉ោង ៣:០០រសៀល។
កម្មវិធីដីសុវត្ថិភាព ( 25 អត្ថបទ )

កម្មវិធីនេះ ជាកិច្ចពិភាក្សាផ្សាយផ្ទាល់ (Talk Show) មានគោល បំណងផ្តល់ព័ត៌មាន ជូនដល់់ប្រជាពលរដ្ឋ លើកយកបញ្ហាដីធ្លី នៅក្នុងប្រទេសកម្ពុជា មកជជែកនិងពិភាក្សា។ កម្មវិធីនេះ សហការផលិត រវាងសំលេងប្រជាធិបតេយ្យ VOD ជាមួយនឹងអង្គការរក្សាការពារសិទ្ធិមនុស្សកម្ពុជា (Vigilance)។ កម្មវិធីនេះ មានផ្សាយផ្ទាល់រៀងរាល់ថ្ងៃច័ន្ទ ចាប់ពីម៉ោង ១០:០៥នាទី ដល់ម៉ោង ១០:៥៥នាទីព្រឹក។ ប្រិយមិត្តអ្នកស្តាប់ អាចទូរស័ព្ទចូលរួម នៅក្នុងកម្មវិធីនេះ។
កម្មវិធីសិទ្ធិដឹង ( 8 អត្ថបទ )

កម្មវិធីនេះ ជាកិច្ចពិភាក្សាតុមូល ដែលបង្កើតឡើងក្នុងគោលបំណងលើកកម្ពស់ការយល់ដឹងពីសិទ្ធិទទួលព័ត៌មាន នៅក្នុងការអភិវឌ្ឍន៍ប្រទេសជាតិ និងតំរូវការចាំបាច់ដើម្បីធានាសិទ្ធិរបស់ប្រជាពលរដ្ឋ ក្នុងការទទួលបានព័ត៌មានសាធារណៈពីស្ថាប័នរដ្ឋាភិបាល។ កម្មវិធីនេះ សហការផលិតដោយសម្លេងប្រជាធិបតេយ្យ វីអូឌី និងក្រុមការងារដើម្បីសិទ្ធិទទួលព័ត៌មាន FOI ឧបត្ថម្ភថវិកាដោយអង្គការដានីដា តាមរយៈវិទ្យាស្ថានតស៊ូមតិនិងគោលនយោបាយ (API) និងអង្គការ Freedom House។ កម្មវិធីនេះ មានផ្សាយផ្ទាល់រៀងរាល់ថ្ងៃព្រហស្បតិ៍ ចាប់ពីម៉ោង ០៤:០៥នាទី ដល់ម៉ោង០៤:៥៥នាទី។ ប្រិយមិត្តអាចទូរស័ព្ទចូលរួមក្នុងកម្មវិធីនេះ។