Voice of Democracy

បទយកការណ៍

ធម្មយាត្រាដើម្បីសន្តិភាពផ្លូវចិត្តនិងសន្តិភាពក្នុងតំបន់

ដោយ ពៅ មេត្តា និង អ៊ឹង ប៊ុនថន ថ្ងៃអង្គារ ទី08 ឧសភា ឆ្នាំ2012 ម៉ោង16:02

នៅម៉ោង៨ព្រឹក ថ្ងៃទី៥ ខែឧសភា ឆ្នាំ២០១២ ត្រូវនឹងថ្ងៃ១៥កើតពេញបូរណ៌មីខែពិសាខ មានមនុស្សប្រុសស្រី ក្មេងចាស់ ប្រមាណ ៣០០នាក់ ឈររៀបជាជួរ ដៃកាន់ផ្កាភ្ញី បដា និងខ្លះកាន់រូបព្រះពុទ្ធជាដើម។ ពួកគេ ផ្ចង់អារម្មណ៍ស្តាប់អ្នកដឹកនាំដោយយកចិត្តទុកដាក់ ហាក់ដូចជាត្រៀមខ្លួនទទួលយកអ្វីមួយថ្មី នៅពេលបន្តិចទៀត។ ពួកគេចេញពីវត្តទេពនិមិត្ត ស្ថិតនៅភូមិ៣ សង្កាត់ស្មាច់មានជ័យ ក្រុងខេមរៈភូមិន្ទ ទៅដល់ពាក់កណ្តាលស្ពានឆ្លងដៃសមុទ្រខេត្តកោះកុង រួចត្រឡប់មកតាមផ្លូវក្បែរផ្សារដងទង់ មកបញ្ចប់ក្បួននៅវត្តទេពនិមិត្តវិញ។

ព្រឹត្តិការណ៏នោះ ត្រូវបានគេប្រសិទ្ធិនាមថា ជាអង្គធម្មយាត្រា ដើម្បីសន្តិភាពផ្លូវចិត្តនិងសន្តិភាពក្នុងតំបន់ ដែលប្រារព្ធឡើងចំថ្ងៃបុណ្យវិសាខបូជា។ អង្គធម្មយាត្រានោះ មានឧបករណ៍បំពងសម្លេង ដែលមានព្រះសង្ឃជាអ្នកណែនាំឲ្យមនុស្សយល់ដឹងពីគុណសម្បត្តិនៃសេចក្តីស្ងប់ សន្តិភាព ជៀសវាងការប្រើហិង្សាគ្រប់រូបភាព ៖ “មនុស្សត្រូវការសន្តិភាព កន្លែងនៃសនិ្តភាព មិនមែនឋិតនៅក្នុងកំពូលភ្នំ មិនមែនឋិតនៅក្នុងសមុទ្រទេ មិនមែនឋិតនៅមិនមែនឋិតនៅទីដ៏ទៃទេ មិនមែនឋិតនៅលើអាកាសឡើយ សន្តិភាពជាធម៌ដែលឋិតនៅក្នុងចិត្តរបស់មនុស្ស សន្តិភាពកើតចេញពីចិត្តរបស់មនុស្ស បើមនុស្សមានចិត្តអោយកើតសន្តិភាព សន្តិភាពនឹងមាន….”។

អានអត្ថបទទាំងស្រុង... បន្ថែមមតិយោបល់ថ្មី

សារៈប្រយោជន៍នៃសេរីភាពព័ត៌មាន និងព័ត៌មានឯករាជ្យ

ដោយ ថុល ស្រីលក្ខណ៍ និងអ៊ឹង ប៊ុនថន ថ្ងៃព្រហស្បតិ៍ ទី03 ឧសភា ឆ្នាំ2012 ម៉ោង17:17

សេរីភាពសារព័ត៌មាន គឺជាការបើកទូលាយរាល់ព័ត៌មានសារធារណៈ ឲ្យមហាជនគ្រប់ស្រទាប់វណ្ណៈ អាចទទួលបានដោយសេរី ហើយព័ត៌មានទាំងនោះទៀតសោធ ត្រូវតែជាព័ត៌មានពិត មានតុល្យភាព និងឯករាជ្យ មិនលំអៀងទៅរកភាគីណាមួយ ឬនៅក្រោមការគៀបសង្កត់របស់ស្ថាប័នណាមួយនោះឡើយ។

នេះជាសម្រែកតវ៉ារបស់អ្នកភូមិបឹងកក់ ចំពោះការចុះផ្សាយរបស់សារព័ត៌មានមួយ ដែលពួកគេចោទផ្សាយព័ត៌មានវាយប្រហារពួកគេ។

អានអត្ថបទទាំងស្រុង... បន្ថែមមតិយោបល់ថ្មី

កម្មករស្នើឲ្យតំណាងរាស្ត្រជួយផ្តល់ភាពយុត្តិធម៌ក្នុងវិស័យការងារ

ដោយ ពៅ មេត្តា និង អ៊ឹង ប៊ុនថន ថ្ងៃអង្គារ ទី01 ឧសភា ឆ្នាំ2012 ម៉ោង17:25

សំរ៉ែកទាមទាររបស់ក្រុមកម្មករ និងមន្រ្តីរាជការ មកពីវិស័យផ្សេងៗ បានលាន់ឮយ៉ាងកងរំពងនៅខាងមុខរដ្ឋសភា ជាកន្លែងធ្វើការរបស់តំណាងរាស្ត្រដែលជាប់ឆ្នោត ដោយសារការគាំទ្រពីពលរដ្ឋ។

ពួកគេប្រមាណជិត១ម៉ឺននាក់ បានស្រែកទាមទារដូចនេះ គឺបន្ទាប់ពីបានដើរក្បួនចេញពីម្តុំវត្តភ្នំ តាមផ្លូវព្រះស៊ីសុវត្ថិ មកប្រមូលផ្តុំ នៅមុខរដ្ឋសភា ក្នុងថ្ងៃទិវាពលកម្មអន្តរជាតិ ១ឧសភាខួបលើកទី ១២៦ឆ្នាំ ។

ការប្រមូលផ្តុំនៅមុខរដ្ឋសភានៅព្រឹកថ្ងៃអង្គារនេះ គឺដឹកនាំដោយសហភាពការងារកម្ពុជា ដែលមានកម្មករប្រមាណ៦ពាន់នាក់ ដង្ហែចេញពីមុខក្រុមប្រឹក្សាអភិវឌ្ឍន៍កម្ពុជាក្បែរវត្តភ្នំ ឆ្ពោះមកមុខរដ្ឋសភា និងក្រុមមួយទៀត ដឹកនាំដោយសម្ព័ន្ធសហជិពចលនាកម្មករ មានកម្មករប្រមាណជាង២ពាន់នាក់ ប្រមូលផ្តុំនៅមុខរដ្ឋសភា។

អានអត្ថបទទាំងស្រុង... បន្ថែមមតិយោបល់ថ្មី

សកម្មជនការពារព្រៃឈើនៅកម្ពុជាលែងបានឃើញមុខទៀតហើយ

ដោយ កែវ រតនៈ និងនួន បូរិន ថ្ងៃច័ន្ទ ទី30 មេសា ឆ្នាំ2012 ម៉ោង18:04

churt-vuthy-rattanak ភ្លេងខ្លងខែកដ៏រន្ធត់ និងក្រៀមក្រំហែរសព លោក ឈុត វុទី្ធ សកម្មជនព្រៃឈើកម្ពុជា ដែលត្រូវបានបាញ់សំលាប់ កាលពីថ្ងៃទី២៦ ខែមេសា នៅតំបន់ព្រៃមួយនៅខេត្តកោះកុង បានបន្លឺឡើង ខណៈក្បួនហែរសព ដែលមានជួរដ៏វែង បានចាប់ចេញពីផ្ទះសពនៅ ភូមិស្វាយមាស ឃុំវិហារសួគ៌ ស្រុកខ្សាច់កណ្តាល វេលាម៉ោង ៨ព្រឹក នៅថ្ងៃច័ន្ទទី៣០ ខែមេសា ឆ្នាំ២០១២។ កម្រងផ្កាធំៗជាច្រើន ដែលជារបស់ក្រុមអង្គការស៊ីវិល ត្រូវបានហែរហមនៅខាងមុខម្ឈូស ដោយមានរៀបជាជួរតាមរបៀបរៀបរយ។