បទសម្ភាសន៍

បញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងស្ថានភាពមុនការបោះឆ្នោតឃុំសង្កាត់នៅកម្ពុជា

ដោយ អៀត ដារ៉ាវុធ ថ្ងៃព្រហស្បតិ៍ ទី17 ឧសភា ឆ្នាំ2012 ម៉ោង17:09

sorya-interview-by-vuth កាលពីថ្ងៃសុក្រសប្តាហ៍មុនអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្ស លោក សូរិយា ប្រាសាទ ស៊ូប៊ែឌី បានបញ្ចប់ដំណើរបំពេញកិច្ចការរបស់លោក ក្នុងរយៈពេល៨ថ្ងៃ។ នៅក្នុងដំណើរបេសកកម្មនេះ លោក ស៊ូប៊ែឌី បានពិនិត្យមើលលើការផ្តល់ដីសម្បទានសេដ្ឋកិច្ចរបស់រដ្ឋាភិបាលឲ្យទៅក្រុមហ៊ុន។

កាលពីថ្ងៃសុក្រ លោក ស៊ូប៊ែឌី បានផ្តល់បទសំភាសន៍ដាច់ដោយឡែកមួយ ជាមួយនឹងលោក អៀត ដារ៉ាវុធ ដែលជាអ្នកព័ត៌មានរបស់សម្លេងប្រជាធិបតេយ្យ VOD ។ ក្នុងបទសំភាសន៍នេះ លោកបាននិយាយជាច្រើន «ទាក់ទងនឹងបញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងបញ្ហាបោះឆ្នោត»។

សូមស្តាប់បទសម្ភាសន៍ភាគទីមួយដូចតទៅ៖

សូមស្តាប់បទសម្ភាសន៍ភាគទីពីរដូចតទៅ៖

បទសំភាសន៍ជាមួយនឹងលោកសៀន ប៉េងសែ៖ ការសម្រេចដោះដូរភូមិខ្មែរជាមួយនឹងវៀតណាម

ដោយ អ៊ឹង ប៊ុនថន ថ្ងៃពុធ ទី28 មីនា ឆ្នាំ2012 ម៉ោង16:19

ប្រទេសកម្ពុជានិងវៀតណាម ទើបបានចុះហត្ថលេខារួមគ្នាមួយ កាលពីថ្ងៃទី១៤ ខែមីនា ឆ្នាំ២០១២នេះ ដើម្បីធ្វើការដោះដូរភូមិគ្នាមួយចំនួន នៅតាមព្រំដែននៃប្រទេសទាំងពីរ។

ប្រធានគណៈកម្មការព្រំដែនកម្ពុជា អះអាងថា មានភូមិខ្មែរខ្លះ នៅខេត្តតាកែវ ស្វាយរៀង និងកំពង់ចាម គឺស្ថិតក្នុងទឹកដីវៀតណាម ដោយផ្អែកតាមផែនទី ដែលភាគីទាំងពីរបានព្រមព្រៀងគ្នា កាលពីឆ្នាំ២០០៥។

ករណីនេះ តំណាងរាស្ត្រគណបក្សជំទាស់ និងសង្គមស៊ីវិលមួយចំនួន បានស្នើឲ្យលោកនាយករដ្ឋមន្រ្តី ហ៊ុន សែន ចូលឆ្លើយបំភ្លឺ ចំពោះរដ្ឋសភា អំពីការសម្រេច របស់ លោក វ៉ា គឹមហុង ប្រធានគណៈកម្មការព្រំដែនកម្ពុជា ដែលបានព្រមព្រៀងគ្នាជាមួយនឹងអនុរដ្ឋមន្រ្តីការបរទេសវៀតណាម លោក Ho Xuan Son កាលពីថ្ងៃទី១៤ ខែមីនា ឆ្នាំ២០១២នេះ ក្នុងការដោះដូរភូមិគ្នាមួយចំនួននៅតាមព្រំដែន ដោយមិនបានឆ្លងកាត់ ប្រជុំសភាអនុម័ត។

អានអត្ថបទទាំងស្រុង...

ជំហររបស់ លោក សម រង្ស៊ី ក្នុងការជួយពង្រឹងប្រព័ន្ធប្រជាធិបតេយ្យនៅអាស៊ី

ដោយ នួន បូរិន ថ្ងៃពុធ ទី14 មីនា ឆ្នាំ2012 ម៉ោង09:41

som-raingsy មេដឹកនាំបក្សប្រឆាំងនៅកម្ពុជា ធ្វើប្រធានក្រុមប្រឹក្សាអ្នកសេរីនិយម និងប្រជាធិបតេយ្យនៅអាស៊ី ហៅកាត់ថា CALD រយៈពេលពីរឆ្នាំ គឺឆ្នាំ២០១២ និង២០១៣ ចំពេលមេបក្សប្រឆាំងរូបនេះ ស្ថិតនៅក្រៅប្រទេស។

ការជ្រើសតាំងមេដឹកនាំបក្សប្រឆាំង ដែលនិរទេសខ្លួន បានធ្វើឡើងតាមរយៈសន្និសីទក្រុងកូឡំបឹស ប្រទេសស្រីលង្គការ ដែលទើបបិទបញ្ចប់ កាលពីថ្ងៃអាទិត្យទី១១ ខែមិនា ឆ្នាំ២០១២នេះ។

អានអត្ថបទទាំងស្រុង...

បទសម្ភាសន៍ជាមួយលោក ជា មុនី ជុំវិញការអនុញ្ញាតិរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក់ លោក ជា វិជ្ជា

ដោយ នួន បូរិន ថ្ងៃព្រហស្បតិ៍ ទី05 មករា ឆ្នាំ2012 ម៉ោង14:37

chea-moni ពាក្យចាស់ ពោលថា តក់ៗ ពេញបំពង់ គឺជារឿងពិត។ ការពិតនោះ គឺការតស៊ូដើម្បីបានយុត្តិធម៌មួយផ្នែក សំរាប់ លោក ជា វិជ្ជា អតីតប្រធានសហជីពកម្មករសេរីនៃព្រះរាជាណាចក្រកម្ពុជា ដែលត្រូវបានឃាតករបាញ់សំលាប់ កាលពីថ្ងៃទី២២ ខែមករា ឆ្នាំ២០០៤ បានលេចស្រមោលបន្តិចហើយ តាមរយៈការអនុញ្ញាតរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក លោក ជា វិជ្ជា។

លោក ជា មុនី អ្នកស្នងតំនែងជំនួសបងប្រុស ក្នុងឋានៈជាប្រធានសហជីព បាននិយាយថា ការតស៊ូរបស់លោកនិងកម្មករ របស់លោករួមនឹងដៃគូរមួយចំនួន ក្នុងការតវ៉ាដើម្បីសិទិ្ធកម្មករ និង ការទាមទារអោយមានរូបសំណាក់ របស់លោក ជា វិជ្ជា ដែលជាវិរៈជនកម្មករ គឺជាយុត្តិធម៌មួយផ្នែក ដែលលោកអាចទទួលយកបាន ប៉ុន្តែការតស៊ូរបស់លោកនៅតែបន្ត គឺការកាត់ទោស ជនដៃដល់ និងអ្នកនៅពីក្រោយនៃការសំលាប់ ជា វិជ្ជា ត្រូវតែធ្វើឡើង ហើយថា នៅថ្ងៃទី២២ ខែមករា ខួប៦ឆ្នាំ លោកនឹងដឹកនាំកម្មករ ដាក់កម្រផ្កា នៅទីកន្លែងដែលលោក ជា វិជ្ជា ត្រូវបានបាញ់សំលាប់។

សូមស្ដាប់បទសំភាសន៍របស់ លោកនួន បូរិន និងលោក ជា មុនី ដូចតទៅ៖

ចែករំលែកបទសម្ភាសន៍នេះ