Voice of Democracy

វិភាគព្រឹត្តិការណ៍

អ្នកវិភាគ៖ ការចោទអ្នកភូមិប្រមា ស្រុកឆ្លូង ខេត្តក្រចេះថា ប៉ុនប៉ងបង្កើតអបគមន៍ មិនត្រឹមត្រូវទេ

ដោយ អៀត ដារ៉ាវុធ ថ្ងៃសុក្រ ទី18 ឧសភា ឆ្នាំ2012 ម៉ោង13:12

chlong-kratie-pov កាលពីថ្ងៃពុធ កម្លាំងទាហាន នគរបាល និងកងរាជអាវុធហត្ថ ប្រមាណ ២០០នាក់ បានធ្វើប្រតិបត្តិការណ៍ដ៏ធំមួយ ដើម្បីបណ្តេញអ្នកភូមិប្រមាណ ៦០០គ្រួសារ នៅភូមិប្រមា ឃុំកំពង់ដំរី ស្រុកឆ្លូង ខេត្តក្រចេះ។ នៅក្នុងប្រតិបត្តិការណ៍ដែលមានប្រើឧទ្ធម្ភាគចក្រផងនោះ កងកម្លាំងប្រដាប់អាវុធ បានបាញ់សម្លាប់កុមារីម្នាក់ អាយុ ១៤ឆ្នាំ និងមានមនុស្សជាច្រើននាក់ទៀតរងរបួស។

ហេតុផលដែលនាំឲ្យមានប្រតិបត្តិការណ៍បែបនេះ គឺក្រសួងមហាផ្ទៃបានចោទគ្រួសារក្រីក្រទាំងនោះ ថាជាក្រុមអាណាធិបតេយ្យ ហើយបានប៉ុនប៉ងដើម្បីឈានទៅបង្កើតដំបន់អបគមន៍។

អានអត្ថបទទាំងស្រុង... មតិយោបល់ (1)

ប្រតិកម្មរបស់លោកនាយករដ្ឋមន្ត្រីហ៊ុន សែន ចំពោះអ្នកដែលយកព្រះនាមព្រះរាជាទៅភ្ជាប់នឹងការឃោសនាបោះឆ្នោត

ដោយ អៀត ដារ៉ាវុធ ថ្ងៃពុធ ទី16 ឧសភា ឆ្នាំ2012 ម៉ោង15:22

hunsen-moniroth ដូចជាលើកមុនៗអញ្ចឹងដែរ គឺកាលពីថ្ងៃអង្គារ លោកនាយករដ្ឋមន្ត្រី ហ៊ុន សែន បានប្រតិកម្មខ្លាំងៗជាថ្មី ទៅនឹងមេដឹកនាំគណបក្សនយោបាយមួយ ដែលទំនងជាសម្តេចក្រុមព្រះនរោត្តម រណឫទ្ធិ គណបក្សនរោត្តមរណឫទ្ធិ ដែលបានយកព្រះនាមព្រះមហាក្សត្រ និងព្រះវររាជបិតាជាតិទៅភ្ជាប់នឹងការឃោសនាបោះឆ្នោត ៖ “ហើយកុំនិយាយតទៅទៀត គណបក្សរាជានិយម គណបក្សរាជានិយមមកចាញ់គណបក្សរាស្ត្រហ្នឹង តើអាម៉ាស់ទេហ្នឹង? អញ្ចឹងចាត់ទុករាជានិយមហ្នឹងជារបស់ផ្ទាល់ របស់គណបក្សនយោបាយមួយឬម៉េច?”។

សង្គ្រាមពាក្សសម្តីបែបនេះ មិនមែនជារឿងថ្មីទេ គឺអាណត្តិបោះឆ្នោតមុនៗ ក៏កើតមានដូចគ្នាអញ្ចឹងដែរ ថែមទាំងសម្តេចក្រុមព្រះធ្លាប់មានបន្ទូលថា ប្អូនអើយកុំធ្វើបាបបងពេក ទៀតផង។

តើមូលហេតុអ្វី បានជាលោកនាយករដ្ឋមន្ត្រី តែងតែប្រតិកម្មទៅនឹងគណបក្សនយោបាយ ដែលជាប់សែស្រឡាយស្តេចដូចនេះ?

អានអត្ថបទទាំងស្រុង... បន្ថែមមតិយោបល់ថ្មី

តើជម្លោះដីធ្លីនៅកម្ពុជា មានការប្រែប្រួលយ៉ាងណា បន្ទាប់ពីរដ្ឋាភិបាលផ្អាកផ្តល់សម្បទានដី ខណៈការបោះឆ្នោតនោះ?

ដោយ អ៊ឹង ប៊ុនថន ថ្ងៃច័ន្ទ ទី14 ឧសភា ឆ្នាំ2012 ម៉ោង11:11

របាយការណ៏ស្តីពីស្ថានភាពជម្លោះដីធ្លីឆ្នាំ២០១១ របស់សមាគមអាដហុក បានកត់សំគាល់ថា ជម្លោះដីធ្លីនៅក្នុងដំណាក់កាលចុងក្រោយនេះ មានសភាពកាន់តែធ្ងន់ធ្ងរឡើង និងមានភាពសាហាវជាងមុន។ បញ្ហានេះ បានស្តែងឲ្យឃើញតាមរយៈការតវ៉ាដែលឈានដល់ការបិទកំណាត់ផ្លូវជាតិ បណ្តាលឲ្យកកស្ទះចរាចរណ៏ច្រើនរាប់ម៉ោង។ ករណីជាក់ស្តែង ការបិទកំណាត់ផ្លូវជាតិនៅស្រុកឧត្តុង ខេត្តកំពង់ស្ពឺ កាលពីឆ្នាំ២០១១ ហើយឈានដល់ការប្រើដំបង កាំបិត ពូថៅ វាយតបតនឹងក្រុមសមត្ថកិច្ច បណ្តាលឲ្យរបួសធ្ងន់ច្រើននាក់។ ការបិទផ្លូវនៅចំណុចស្រុកស្នួល ខេត្តក្រចេះ ម្តងហើយម្តងទៀត ដែលសន្តិសុខក្រុមហ៊ុនTTY បាញ់ប្រហារលើពលរដ្ឋឲ្យរបួសធ្ងន់៣នាក់។ ចុងក្រោយនេះ ការបិទផ្លូវជាតិជាលើកទី២ នៃផ្លូវលេខ៤៨ នៅឃុំជីខលើ ស្រុកស្រែអំបិល ខេត្តកោះកុង ដែលពលរដ្ឋមានជម្លោះជាមួយនឹងក្រុមហ៊ុនរបស់លោកលីយ៉ុងផាត់ សមាជិកជាន់ខ្ពស់គណបក្សកាន់អំណាច។

ជម្លោះដីធ្លីដែលបរាជ័យក្នុងការដោះស្រាយហើយអូសបន្លាយច្រើនឆ្នាំមកនេះ ត្រូវបានសង្គមស៊ីវិលស្តីបន្ទោសទៅលើការផ្តល់សម្បទានដីសេដ្ឋកិច្ច លើសច្បាប់ភូមិបាលកំណត់ និងមិនមានការសិក្សាពីផលប៉ះពាល់ជាក់ស្តែងឲ្យបានត្រឹមត្រូវ។ ក៏ប៉ុន្តែកាលពីថ្ងៃទី៧ ខែឧសភានេះ រដ្ឋាភិបាលកម្ពុជា បានសម្រេចដាក់បទបញ្ជាថ្មីមួយ ផ្អាកផ្តល់ដីសម្បទានបណ្តោះអាសន្ន និងព្រមានចាត់វិធានការលើក្រុមហ៊ុនណា ដែលទទួលបានដីសម្បទានកន្លងមក តែមិនអនុវត្តតាមកិច្ចសន្យាឬរំលោភបំពានច្បាប់។

អានអត្ថបទទាំងស្រុង... បន្ថែមមតិយោបល់ថ្មី

វិភាគ៖ លទ្ធផលនៃការស្ទង់មតិរបស់វិទ្យាស្ថាន IRI ថានៅខែធ្នូឆ្នាំ២០១១ មានពលរដ្ឋ៨១ភាគរយ យល់ថាកម្ពុជាដើរលើផ្លូវត្រូវ

ដោយ អៀត ដារ៉ាវុធ ថ្ងៃសុក្រ ទី11 ឧសភា ឆ្នាំ2012 ម៉ោង16:30

វិទ្យាស្ថានសាធារណរដ្ឋអន្តរជាតិ (IRI) បានបង្ហាញពីការស្ទង់មតិថ្មីមួយទៅលើប្រជាពលរដ្ឋខ្មែរថា នៅខែកក្កដា ឆ្នាំ២០១០ ក្នុងចំណោមប្រជាពលរដ្ឋ១០០នាក់ មាន៧៦នាក់ (៧៦%) យល់ថា កម្ពុជាកំពុងឆ្ពោះទៅមុខក្នុងទិសដៅត្រូវ។ ចំណែកនៅខែធ្នូឆ្នាំ២០១១ IRI រកឃើញថា ក្នុងចំណោមប្រជាពលរដ្ឋខ្មែរ១០០នាក់ គឺមាន៨១នាក់ (៨១%) យល់ថា កម្ពុជាកំពុងឆ្ពោះទៅមុខក្នុងទិសដៅត្រូវ។

របាយការណ៍នេះ បានសាទរដោយអ្នកវិភាគមួយចំនួន នៅក្នុងប្រទេសកម្ពុជា ថាការស្ទង់មតិរបស់ IRI គឺធ្វើឡើងត្រឹមត្រូវតាមបែបវិទ្យាសាស្ត្រ ប៉ុន្តែថា បើវិភាគទៅលើបញ្ហាសង្គមជាក់ស្តែងវិញ គឺមិនត្រឹមត្រូវទេ។

អានអត្ថបទទាំងស្រុង... បន្ថែមមតិយោបល់ថ្មី

លទ្ធផលនៃការស៊ើបអង្កេតមិនបានផ្តល់យុត្តិធម៌ជូនលោក ឈុត វុទ្ធី និងអ៊ិន រតនាទេ

ដោយ អៀត ដារ៉ាវុធ ថ្ងៃពុធ ទី09 ឧសភា ឆ្នាំ2012 ម៉ោង16:01

នៅថ្ងៃទី២៦ ខែមេសា ឆ្នាំ២០១២ សកម្មជនការពារបរិស្ថានលោក ឈុត វុទ្ធី ត្រូវប៉េអិមម្នាក់ឈ្មោះ អ៊ិន រតនា បាញ់មួយគ្រាប់ចំពោះស្លាប់នៅក្នុងឡាន ហើយប៉េអិម ដែលបាញ់លោកឈុត វុទ្ធី ឈ្មោះ អ៊ិន រតនា នោះ ក៏ត្រូវគ្រាប់កាំភ្លើងមួយគ្រាប់ចំពោះ និងមួយគ្រាប់ទៀតចំដើមទ្រូងស្លាប់ដែរ។ នៅពេលនោះមានការសន្និដ្ឋានផ្សេងៗគ្នា បានកើតឡើងទាក់ទងនឹងឃាតកម្មនោះ ដោយស្ថាប័នខ្លះថា លោក អ៊ិន រតនា បានបាញ់សម្លាប់លោក ឈុត វុទ្ធី រួចហើយ គាត់បាញ់សម្លាប់ខ្លួនឯង។ រីឯស្ថាប័នខ្លះថា លោក ឈុត វុទ្ធី បាញ់សម្លាប់គ្នាជាមួយលោក អ៊ិន រតនា ជាដើម។

អានអត្ថបទទាំងស្រុង... បន្ថែមមតិយោបល់ថ្មី