Voice of Democracy

ព្រំដែន

អ្នកច្បាប់ថៃសិក្សាហើយ អំពីផ្លូវច្បាប់ដើម្បីតតាំងក្ដីជាមួយកម្ពុជាលើសំនុំរឿងប្រាសាទព្រះវិហារ

ដោយ នួន បូរិន ថ្ងៃសុក្រ ទី11 ឧសភា ឆ្នាំ2012 ម៉ោង13:36

preah-vihea-temple ប្រទេសថៃ អះអាងថា អ្នកជំនាញច្បាប់របស់ខ្លួនអំពីប្រាសាទព្រះវិហារ បានជួបប្រជុំគ្នាហើយជាមួយនឹងនាយករដ្ឋមន្ត្រី យីងឡាក់ ស៊ីណាវ៉ាត្រា ដើម្បីសិក្សាពីអង្គហេតុនិងអង្គច្បាប់តតាំងក្តី ជាមួយប្រទេសកម្ពុជា នៅឯតុលាការយុត្តិធម៌អន្តរជាតិ ICJ ក្រុងឡាអេ។

រដ្ឋមន្ត្រីការបរទេសថៃ ស៊ូរ៉ាក់ពង្ស តូវីចក្រចៃគល់ បាននិយាយកាលពីថ្ងៃព្រហស្បតិ៍ថា កិច្ចប្រជុំរវាងអ្នកច្បាប់ថៃ និងគណៈរដ្ឋមន្ត្រីរបស់អ្នកស្រី យីងឡាក់ សំដៅធ្វើការផ្លាស់ប្តូរបទពិសោធន៍រវាងគ្នា និងដើម្បីត្រៀមលក្ខណៈជាមុននៃការទប់ទល់ផ្លូវច្បាប់ជាមួយប្រទេសកម្ពុជា។

អានអត្ថបទទាំងស្រុង...

កម្ពុជាបដិសេធសម្តីរបស់មន្រ្តីថៃ រឿងពលរដ្ឋខ្មែរឆ្លងដែន

ដោយ អ៊ឹង ប៊ុនថន ថ្ងៃពុធ ទី09 ឧសភា ឆ្នាំ2012 ម៉ោង09:38

ក្រសួងការបរទេសកម្ពុជា បដិសេធចំពោះពាក្យសម្តីរបស់អ្នកនាំពាក្យក្រសួងការបរទេសថៃ ដែលបានថ្លែងថា ដើម្បីរក្សាចំណងទាក់ទងទ្វេភាគីឲ្យបានល្អ រដ្ឋាភិបាលកម្ពុជា គួរតែទទួលស្គាល់ថាប្រជាជនខ្លួនទៅកាប់ឈើគ្រញូងនៅតំបន់ព្រំដែន។

នៅក្នុងសេចក្តីថ្លែងការណ៏របស់ក្រសួងការបរទេសកម្ពុជា កាលពីថ្ងៃទី៨ ខែឧសភានេះ បានបដិសេធ នូវការឡើងរបស់អ្នកនាំពាក្យក្រសួងការបរទេសថៃ លោក ថានី ថោងភក្តី ដែលថ្លែងថា ដើម្បីរក្សាចំណងទាក់ទងទ្វេភាគីឲ្យបានល្អ រដ្ឋាភិបាលកម្ពុជា គួរតែទទួលស្គាល់ថាប្រជាជនខ្លួនទៅកាប់ឈើគ្រញូងនៅតំបន់ព្រំដែន ហើយត្រូវបានកាសែតបាងកកប៉ុស្តិ៍ចុះផ្សាយកាលពីថ្ងៃទី៧ ខែឧសភា។

អានអត្ថបទទាំងស្រុង...

ក្រសួងការបរទេសកម្ពុជា បដិសេធចំពោះការលើកឡើងរបស់ថៃ ដែលថាកម្ពុជាបន្តដាក់គ្រាប់មីននៅតាមព្រំដែន

ដោយ ពេជ្រ សុធារី ថ្ងៃសៅរ៍ ទី05 ឧសភា ឆ្នាំ2012 ម៉ោង12:43

ក្រសួងការបរទេស និងកិច្ចសហប្រតិបត្តិការអន្តរជាតិនៃព្រះរាជាណាចក្រកម្ពុជា បដិសេធយ៉ាងដាច់អហឹង្កាចំពោះការលើកឡើងរបស់អ្នកនាំពាក្យក្រសួងការបទេសថៃ ដែលបានចោទប្រកាន់ថា កម្ពុជាបន្តការប្រឹងប្រែងដាក់គ្រាប់មីននៅតាមព្រំដែនកម្ពុជា-ថៃ។

យោងតាមសេចក្តីថ្លែងការណ៍ របស់អ្នកនាំពាក្យក្រសួងការបរទេសកម្ពុជា និងសហប្រតិបត្តិការអន្តរជាតិកម្ពុជា ចេញផ្សាយនៅព្រឹកថ្ងៃសៅរ៍ ទី០៥ ខែឧសភា ឆ្នាំ២០១២នេះ បានសរសេរថា កាលពីថ្ងៃទី៤ ខែឧសភា ឆ្នាំ២០១២ តាមរយៈកាសែតបាងកកប៉ុស្តិ៍ អ្នកនាំពាក្យក្រសួងការបរទេសថៃ លោក ថានី ថោងភក្តី បានចោទប្រកាន់កម្ពុជាថា “កម្ពុជាបន្តការប្រឹងប្រែងដាក់គ្រាប់មីននៅតាមព្រំដែនកម្ពុជា-ថៃ” ដែលជាពាក្យសម្តីគ្មានមូលដ្ឋានច្បាស់លាស់ ខណៈដែលការផ្ទុះគ្រាប់មីនជាបញ្ហា នៅកើតមានជារឿយៗ សូម្បីតែកន្លែងដែលប្រជាជនបានទៅតាំងទីលំនៅ និងបង្កបង្កើនផលរាប់ឆ្នាំមកហើយក្រោយពីចប់សង្គ្រាម ក៏នៅមានគ្រាប់មីនផ្ទុះដែរ។

អានអត្ថបទទាំងស្រុង...

មន្រ្តីរដ្ឋាភិបាល៖ ទាហានថៃបាញ់សម្លាប់ពលរដ្ឋខ្មែរចំនួន១០នាក់

ដោយ អ៊ឹង ប៊ុនថន ថ្ងៃសុក្រ ទី04 ឧសភា ឆ្នាំ2012 ម៉ោង14:57

មន្រ្តីក្រសួងការបរទេសកម្ពុជា អះអាងថា ពលរដ្ឋខ្មែរដែលថៃបាញ់សម្លាប់ ដោយសារឆ្លងចូលទឹកដីថៃ មានចំនួនត្រឹមតែ១០នាក់ប៉ុណ្ណោះ នៅបីខែដើមឆ្នាំ២០១២នេះ។

ថ្លែងបន្ទាប់ពីជំនួបរវាងរដ្ឋមន្រ្តីការបរទេសកម្ពុជា លោក ហោ ណាំហុង និងអនុរដ្ឋមន្រ្តីក្រសួងការបរទេសជប៉ុន លោក ចូណាកូម៉ូ នាព្រឹកថ្ងៃសុក្រនេះ អ្នកនាំពាក្យក្រសួងការបរទេសកម្ពុជា លោក កុយ គួង ប្រាប់អ្នកសារព័ត៌មានថា គិតមកដល់ពេលនេះ របាយការណ៍ផ្លូវការ ដែលក្រសួងនេះទទួលបានគឺមានប្រជាពលរដ្ឋខ្មែរតែ១០នាក់ប៉ុណ្ណោះ ដែលទាហានថៃបាញ់សម្លាប់ ក្នុងនោះរួមទាំងលោក សម រៀម ដែលថៃបានបាញ់សម្លាប់ កាលពីថ្ងៃទី២ ខែឧសភានេះផងដែរ។

អានអត្ថបទទាំងស្រុង...