បុរសពីរនាក់មកកម្ពុជាវិញ បន្ទាប់ពីធ្វើអ្នកនេសាទ ទាំងយប់ទាំងថ្ងៃកណ្តាលសមុទ្រអាត្លង់ទិក ជាច្រើនខែ
ដោយ ជន ស្រីណុច និង អៀត ដារ៉ាវុធ ថ្ងៃពុធ ទី16 ឧសភា ឆ្នាំ2012 ម៉ោង17:46
បុរសពីរនាក់ ដែលបានទៅធ្វើការជាអ្នកនេសាទ នៅលើសមុទ្រអាត្លង់ទិក ក្នុងប្រទេសសេនេហ្គាល់ (Senegal) បានត្រឡប់មកដល់ប្រទេសកម្ពុជាវិញ នៅរសៀលថ្ងៃពុធនេះ បន្ទាប់ពីពួកគេបានធ្វើជាអ្នកនេសាទទាំងយប់ទាំងថ្ងៃ ដោយមិនទទួលបានប្រាក់កម្រៃ អស់រយៈពេលជាច្រើនខែ។
មន្ត្រីកម្មវិធីផ្នែកសិទ្ធការងារនៃមជ្ឈមណ្ឌលអប់រំច្បាប់សំរាប់សហគមន៍ (CLEC) លោក ហ៊ុយ ពេជ្រសុវណ្ណ ប្រាប់ VOD ថា កម្មករពីរនាក់នោះ គឺម្នាក់ឈ្មោះ ហាន ពេជ្រ មានស្រុកកំណើត នៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត និងម្នាក់ទៀតឈ្មោះ តយ គឿន រស់នៅភូមិកណ្តាល ឃុំឈើតុំ ស្រុកក្រគរ ខេត្តពោធិសាត់ បានត្រឡប់មកដល់កម្ពុជាវិញហើយ បន្ទាប់ពីពួកគេធ្វើជាអ្នកនេសាទអស់រយៈពេល៩ខែ នៅលើសមុទ្រអាត្លង់ទិក ក្នុងប្រទេសសេនេហ្កាល់។ លោក ហ៊ុយ ពេជ្រសុវណ្ណ បន្តថា អ្នកទាំងពីរនាក់ បានចេញទៅប្រទេសសេនេហ្កាល់ តាមរយៈក្រុមហ៊ុនហ្វូនិច អ៊ីនធើណេសិនណល ខូអិលធីឌី ដោយភាគីក្រុមហ៊ុនបានសន្យាថា ឲ្យពួកគេទៅធ្វើការងារនៅប្រទេសជប៉ុន ប៉ុន្តែជាក់ស្តែងពួកគេ ត្រូវបានគេបញ្ចូនទៅប្រទេសសេនេហ្កាល់ ដោយធ្វើជាកម្មករនៅលើទូកនេសាទរហូត។
សង្គមស៊ីវិលបារម្ភពីការប្រើពលកម្មកុមារ និងការជួញដូរផ្លូវភេទនៅតំបន់ទេសចរណ៍
ដោយ បូ សាវី និង អ៊ឹង ប៊ុនថន ថ្ងៃសុក្រ ទី11 ឧសភា ឆ្នាំ2012 ម៉ោង16:55
អង្គការសង្គមស៊ីវិលចំនួន ១៣ ដែលធ្វើការប្រឆាំងនឹងការប្រើកំលាំងពលកម្មលើកុមារ និងការជួញដូរផ្លូវភេទ ព្រួយបារម្ភពីការប្រើកំលាំងពលកម្មលើកុមារ និងការជួញដូរផ្លូវភេទ នៅក្នុងតំបន់ទេសចរណ៍ខេត្តសៀមរាប ។
ការលើកក្ដីព្រួយបារម្ភនេះ កើតឡើងខណៈមានកុមារជាច្រើននាក់ ដើរលក់វត្ថុអនុស្សាវរីយ៍ អោយភ្ញៀវទេសចរនៅក្នុងតំបន់រមណីយដ្ឋានអង្គរ។
ប្រធានក្រុមប្រឹក្សាយុវជនកម្ពុជា និងជាប្រធានគណៈកម្មការសង្គមស៊ីវិល ប្រឆាំងពលកម្មកុមារខេត្តសៀមរាប លោក ជា ផុង ប្រាប់សំឡេងប្រជាធិបតេយ្យ VOD នៅពេលលោកចូលរួមវេទិកាសាធារណៈ ស្ដីពី ការបញ្ជ្រាបពលកម្មកុមារ និងច្បាប់ការជួញដូរផ្លូវភេទលើកុមារដល់សហគមន៍ ដែលធ្វើនៅមុខប្រាសាទអង្គរវត្ដ សង្កាត់គោកចក ក្រុងសៀមរាប នាថ្ងៃសុក្រនេះថា តំបន់ទេសចរណ៍ប្រវត្ដិសាស្រ្ដមួយនេះ មានកុមារជាច្រើននាក់ បានប្រើកំលាំងពលកម្មរបស់ខ្លួនទៅលក់វត្ថុអនុស្សាវរីយ៍ និងបង្ខំឲ្យពួកគេបង់ការសិក្សា និងខ្វះការអប់ពីអាណាព្យាបាល។
រដ្ឋមន្ត្រីការងារអាស៊ានសន្យានឹងបង្កើតយន្តការ ការពារពលករចំណាកស្រុក
ដោយ ពៅ មេត្តា និង អ៊ឹង ប៊ុនថន ថ្ងៃសុក្រ ទី11 ឧសភា ឆ្នាំ2012 ម៉ោង11:33
រដ្ឋមន្ត្រីការងាររបស់ប្រទេសជាសមាជិកអាស៊ានទាំង១០ ព្រមព្រៀងគ្នានឹងបង្កើតយន្តការការពារសិទ្ធិ និងបណ្តុះបណ្តាលពលករឲ្យមានជំនាញ ដើម្បីងាយស្រួលគ្រប់គ្រងការចំណាកស្រុករកការងារធ្វើនៅក្នុងតំបន់ នៅពេលអាស៊ានក្លាយជាសហគមន៍តែមួយនៅឆ្នាំ២០១៥។
នៅក្នុងសន្នីសីទសារព័ត៌មាន បូកសរុបលទ្ធផលនៃការប្រជុំរដ្ឋមន្ត្រីការងារអាស៊ាន នៅព្រឹកថ្ងៃសុក្រនេះ លោក សាត សមុទ្រ អនុរដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ កម្ពុជាថ្លែងថា ឧត្តមមន្ត្រីការងារអាស៊ាន បានព្រមព្រៀងគ្នាថា នឹងជួបប្រជុំជារៀងរាល់ឆ្នាំ ដើម្បីជជែកពីសិទ្ធិ ផលប្រយោជន៍ និងការអភិវឌ្ឍជំនាញរបស់ពលករឲ្យកាន់តែប្រសើរ ៖ “យើងនូវមានការការពារពលករ ការពារសិទ្ធិសេរីភាពរបស់ពលករទេសន្តប្រវេសន៍ យើងនឹងជជែកវែកញែកទៅទៀត ការពារសិទ្ធិផលប្រយោជន៍ទាំងឡាយ ដែលមាននៅក្នុងទំនាក់ទំនងវិជ្ជាជីវៈ យើងនឹងមានការងារបណ្តុះបណ្តាលជំនាញដល់កម្មករនិយោជិក ទូទាំងបណ្តាប្រទេសអាស៊ាន ដូច្នេះដើម្បីធ្វើការរួមគ្នាបាន ក្លាយជាសមាគមតែមួយ វាសនាតែមួយ”។
សហគមន៍ព្រៃឈើនឹងជួបជុំគ្នា នៅកន្លែងគេបាញ់សម្លាប់លោក ឈុត វុទ្ធីនៅក្នុងខេត្តកោះកុង
ដោយ នួន បូរិន ថ្ងៃព្រហស្បតិ៍ ទី10 ឧសភា ឆ្នាំ2012 ម៉ោង09:41
ប្រជាពលរដ្ឋមកពីខេត្តចំនួន៨ ដែលរងផលប៉ះពាល់ពីការកាប់បំផ្លាញព្រៃឈើ បានចាប់ផ្ដើមទៅជួបប្រជុំគ្នានៅខេត្តកោះកុង នៅថ្ងៃព្រហស្បតិ៍នេះ ដើម្បីល្បាតព្រៃ និងប្រមូលភស្តុតាងអំពីការកាប់ឈើខុសច្បាប់នៅក្នុងតំបន់នោះ ខណៈពួកគេចង់ទៅពិនិត្យកន្លែងបាញ់សំលាប់សកម្មជន ឈុត វុទី្ធ។
លោក កែវ រតនៈ អ្នករាយការណ៍អោយសំឡេងប្រជាធិបតេយ្យ VOD ដែលបានចេញដំណើរជាមួយមជ្ឈមណ្ឌលសិទ្ធិមនុស្សកម្ពុជា ដើម្បីស្រង់យកព័ត៌មាន អំពីសកម្មភាពរបស់សហគមន៍ព្រៃឈើបានអោយដឹងថា សហគមន៍ព្រៃឡង់ និងសកម្មជនសង្គមស៊ីវិល មានគ្នាប្រមាណជា៣០០នាក់ ពួកគាត់ចាប់ផ្ដើមចេញដំណើរហើយ នៅព្រឹកថ្ងៃព្រហស្បតិ៍នេះ ហើយរំពឹងថានៅរសៀលបន្តិចពួកគាត់នឹងទៅដល់ស្រុងថ្មបាំង ខេត្តកោះ ហើយថ្ងៃស្អែកនឹងចាប់ផ្ដើមដើរល្បាតព្រៃ។
ដំណើរល្បាតព្រៃរបស់សហគមន៍ព្រៃឈើកម្ពុជា ត្រូវបានរៀបចំឡើងដោយ មជ្ឈមណ្ឌលសិទ្ធិមនុស្សកម្ពុជា។
អ្នករាយការណ៍ពិសេស អ.ស.ប ចាត់ទុកឃាតកម្មលើលោក ឈុត វុទ្ធី ថាជាសញ្ញា ព្រួយបារម្ភអំពីសុវត្ថិភាពអ្នកការពារសិទ្ធិមនុស្សនៅកម្ពុជា
ដោយ នូន បូរិន ថ្ងៃព្រហស្បតិ៍ ទី10 ឧសភា ឆ្នាំ2012 ម៉ោង09:10
អ្នករាយការណ៍ពិសេសរបស់អង្គការសហប្រជា ជាតិ បានហៅឃាតកម្មលើសកម្មជនការពារព្រៃឈើលោក ឈុត វុទ្ធី ថាជាសញ្ញាមួយ នៃការវាយលុក ទៅលើអ្នកការពារសិទ្ធិមនុស្ស និងសិទ្ធិរបស់ប្រជាពលរដ្ឋ ដ៏គួរឲ្យភ័យខ្លាច។
ថ្លែងក្នុងបទសំភាសន៍ខ្លីមួយជាមួយបណ្តាញទូរទស្សន៍ BBC លោក សូរិយា ប្រាសាទ ស៊ូប៊ែឌី បានថ្លែងថា លោកមានការសោកស្តាយជាខ្លាំង ចំពោះអ្នកការពារសិទ្ធិមនុស្សនៅកម្ពុជា ដែលកំពុងប្រឈមនឹងការធ្វើទុក្ខបុកម្នេញ។
មន្រ្តីUN ហៅករណីជម្លោះដីនៅបុរីកីឡាថាជាការរំលោភសិទ្ធិមនុស្ស និងអមនុស្សធម៌
ដោយ ញឹមសុខន និងអ៊ឹង ប៊ុនថន ថ្ងៃពុធ ទី09 ឧសភា ឆ្នាំ2012 ម៉ោង17:57
អ្នករាយកាណ៏ពិសេស របស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា លោក សុរិយា ស៊ូប៊ែឌី បានហៅការអភិវឌ្ឈន៍ ដោយបណ្តេញពលរដ្ឋនៅតំបន់បុរីកីឡា ថាជាការរំលោភសិទ្ធិមនុស្សធ្ងន់ធ្ងរ និងជាអំពើអមនុស្សធម៌។
ការថ្លែងបែបនេះរបស់អ្នករាយកាណ៏ពិសេស សិទ្ធិមនុស្សអង្គការសហប្រជាជាតិ បានធ្វើឡើង នៅថ្ងៃពុធ ទី៩ ខែឧសភានេះ ខណៈលោកចុះទៅពិនិត្យឃើញស្ថានភាពផ្ទាល់នៃទុក្ខលំបាក របស់អ្នកបុរីកីឡាដែលរងការបណ្តេញចេញ។ អតីតអ្នកភូមិបុរីកីឡារាប់រយនាក់ ដែលមិនព្រមចាកចេញ ពួកគេបានរស់នៅបណ្តោះអាសន្ន ក្រោមដំបូងតង់កៅស៊ូតូចៗ សង់នៅលើគំនរសំរាម ស្អុយរលួយ ជាប់របងដីចាស់របស់ពួកគេ ដែលពេលនេះក្លាយជារបស់ក្រុមហ៊ុនផានអ៊ីម៉ិច ប្រគល់ឲ្យអ្នកបុរីកីឡាផ្សេងទៀត។ លោក សុរិយា ស៊ូប៊ែឌី បន្តថា មកដល់ទស្សវត្សទី២០នេះហើយមិនសមមានមនុស្សរងគ្រោះបែបនេះទៀតទេ ៖ “ឃើញនូវទិដ្ឋភាពបែបនេះ គាត់មានការព្រួយបារម្ភ គិតគួរដល់បញ្ហាដែលបងប្អូនរស់នៅរបៀបនេះ។ បងប្អូនមិនមែនមានតែបញ្ហាសិទ្ធិមនុស្សនោះទេ បងប្អូនមានទាំងបញ្ហាមនុស្សធម៌ទៀត។”
អត្ថបទផ្សេងៗ...
- កម្ពុជាជំរុញដល់ប្រទេសសមាជិកអាស៊ានត្រូវបង្កើតយន្តការការពារពលករចំណាកស្រុក
- ប្រជាពលរដ្ឋប្រមាណ៦០០នាក់ នឹងជួបជុំគ្នា នៅកន្លែងគេបាញ់សម្លាប់លោក ឈុត វុទ្ធី
- មជ្ឈមណ្ឌលសិទ្ធិមនុស្ស៖ សមត្ថកិច្ច កាងក្រុមហ៊ុនចិន ឲ្យកកាយរករ៉ែ យ៉ាងអនាធិបតេយ្យ នៅតំបន់ព្រៃឡង់
- សង្គមស៊ីវិលទាមទារឲ្យស៊ើបអង្កេតឡើងវិញ ករណីបាញ់សម្លាប់មនុស្សនៅកោះកុង
- លទ្ធផលស៊ើបអង្កេតថា ប៉េអឹមបាញ់សម្លាប់លោក ឈុត វុទ្ធី តែលោក អ៊ិន រតនា មិនធ្វើអត្តឃាតទេ
ទំព័រទី 1 ទាំងអស់ 34 ទំព័រ
ស្តាប់វិទ្យុលើអ៊ីនធឺណិត
ដើម្បីស្តាប់ការផ្សាយផ្ទាល់វិទ្យុសារិកាអេហ្វអ៊ឹមសូម ចុចត្រង់នេះ ។
សម្រាប់ព័ត៌មានមុនៗសូម ចុចទីនេះ ។
រូបថតឯកសារ
បទយកការណ៍
- ធម្មយាត្រាដើម្បីសន្តិភាពផ្លូវចិត្តនិងសន្តិភាពក្នុងតំបន់
- សារៈប្រយោជន៍នៃសេរីភាពព័ត៌មាន និងព័ត៌មានឯករាជ្យ
- កម្មករស្នើឲ្យតំណាងរាស្ត្រជួយផ្តល់ភាពយុត្តិធម៌ក្នុងវិស័យការងារ
- សកម្មជនការពារព្រៃឈើនៅកម្ពុជាលែងបានឃើញមុខទៀតហើយ
- យុទ្ធនាការពណ៌ស្វាយ ប្រឆាំងកំពូលឃាតករស្ងប់ស្ងាត់ នៅយុគសម័យថ្មី
- កម្ពុជាចាប់ផ្តើមបើកយុទ្ធនាការអប់រំ អំពីការបង្ការជម្ងឺគ្រុនឈាម ខណៈរដូវវស្សាចូលមកដល់
ព័តមានបែបស៊ើបអង្កេត
- ភាពមិនប្រក្រតីនៃការធ្វើប័ណ្ណបើកបរ
- ការយកថ្លៃផ្ញើយាន្តជំនិះលើសតម្លៃកំណត់
- ការបង្កើនអាយុក្មេងស្រី ដើម្បីយកទៅធ្វើជាពលករ ត្រូវបានសង្ស័យថាជាប់ពាក់ព័ន្ធអំពើពុករលួយ
- ការដេញថ្លៃយឺតយ៉ាវក្នុងការបោះពុម្ពសៀវភៅ ការគ្រប់គ្រង ការបែងចែកមិនត្រឹមត្រូវ នាំឱ្យសិស្សខ្វះសៀវភៅមេរៀនសិក្សា
- ភាពមិនប្រក្រតី ក្នុងការធ្វើលិខិតឆ្លងដែន
វិភាគព្រឺត្តិការណ៍
- អ្នកវិភាគ៖ ការចោទអ្នកភូមិប្រមា ស្រុកឆ្លូង ខេត្តក្រចេះថា ប៉ុនប៉ងបង្កើតអបគមន៍ មិនត្រឹមត្រូវទេ
- ប្រតិកម្មរបស់លោកនាយករដ្ឋមន្ត្រីហ៊ុន សែន ចំពោះអ្នកដែលយកព្រះនាមព្រះរាជាទៅភ្ជាប់នឹងការឃោសនាបោះឆ្នោត
- តើជម្លោះដីធ្លីនៅកម្ពុជា មានការប្រែប្រួលយ៉ាងណា បន្ទាប់ពីរដ្ឋាភិបាលផ្អាកផ្តល់សម្បទានដី ខណៈការបោះឆ្នោតនោះ?
- វិភាគ៖ លទ្ធផលនៃការស្ទង់មតិរបស់វិទ្យាស្ថាន IRI ថានៅខែធ្នូឆ្នាំ២០១១ មានពលរដ្ឋ៨១ភាគរយ យល់ថាកម្ពុជាដើរលើផ្លូវត្រូវ
- លទ្ធផលនៃការស៊ើបអង្កេតមិនបានផ្តល់យុត្តិធម៌ជូនលោក ឈុត វុទ្ធី និងអ៊ិន រតនាទេ
បទសម្ភាសន៍
- បញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងស្ថានភាពមុនការបោះឆ្នោតឃុំសង្កាត់នៅកម្ពុជា
- បទសំភាសន៍ជាមួយនឹងលោកសៀន ប៉េងសែ៖ ការសម្រេចដោះដូរភូមិខ្មែរជាមួយនឹងវៀតណាម
- ជំហររបស់ លោក សម រង្ស៊ី ក្នុងការជួយពង្រឹងប្រព័ន្ធប្រជាធិបតេយ្យនៅអាស៊ី
- បទសម្ភាសន៍ជាមួយលោក ជា មុនី ជុំវិញការអនុញ្ញាតិរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក់ លោក ជា វិជ្ជា
- បទសម្ភាសន៍ ជាមួយលោក សម រង្ស៊ី ប្រធានគណបក្សប្រឆាំង ស្តីពីប្រព័ន្ធតុលាការនៅកម្ពុជា