Voice of Democracy

ព័ត៌មានអន្តរជាតិ

ប្រធានាធិបតីហ្វីលីពីនអំពាវនាវឲ្យអ្នកតវ៉ាហ្វិលីពិន កុំទៅឆកសមុទ្រ shoal ដែលកំពុងមានជំលោះជាមួយចិន

ដោយ Peter Heng និងនូន បូរិន ថ្ងៃសុក្រ ទី18 ឧសភា ឆ្នាំ2012 ម៉ោង16:17

ប្រធានាធិបតីប្រទេសហ្វីលីពីន Benigno Aquino បានប្រកាសប្រាប់អ្នកតវ៉ាឲ្យបញ្ឈប់ផែនការចេញដំណើរនាវា ទៅសមុទ្រចិនខាងត្បូង ដែលជាកន្លែងដែលមានបញ្ហាជាមួយចិន នេះបើយោងតាមសម្តីរអ្នកដឹកនាំក្រុម អ្នកតវ៉ា ។

ក្រុមមនុស្សប្រហែលជា ២០នាក់ នេះ ដឹកនាំដោយអតីតមន្រ្តីដែនសមុទ្រ Nicanor Faeldon ដោយក្នុងនោះមានអ្នកយកសារពត៌មាន ទូរទស្សន៍ មានគម្រោងធ្វើដំណើរបន្តទៅ តំបន់Scaborough Shoal ដោយចេញដំណើរពីឈូងសមុទ្រខាងជើង នៃ Masinloc។

អានអត្ថបទទាំងស្រុង... បន្ថែមមតិយោបល់ថ្មី

ប្រទេសមហាអនុតំបន់ទន្លេមេគង្គ បើកកិច្ចប្រជុំពង្រឹងអទិភាពបរិស្ថាន

ដោយ Peter Heng និងនូន បូរិន ថ្ងៃសុក្រ ទី18 ឧសភា ឆ្នាំ2012 ម៉ោង15:42

មន្ត្រីជាន់ខ្ពស់ផ្នែកបរិស្ថាន មកពីប្រទេសមហាអនុតំបន់ទន្លេមេគង្គ បានបើកប្រជុំរបស់ខ្លួនថ្ងៃនេះ នៅក្រុង Jinghong ប្រទេសចិន ស្តីពីសកម្មភាពអទិភាពនៃកិច្ចសហប្រតិបត្តិការសេដ្ឋកិច្ចតាមប្រព័ន្ធដងទន្លេមេគង្គ។

របាយការណ៍នៃកិច្ចប្រជុំ បានលើកឡើងថា រយៈពេល ៥ឆ្នាំដំបូង គេបានបង្កើតការយល់ដឹង និងការទទូលយកការអភិវឌ្ឍសំដៅការគ្រប់គ្រងបរិស្ថាន តាមដងទន្លេមេគង្គអោយមានប្រសិទ្ធភាព ហើយ ឥឡូវគេបានផ្តោតលើការពង្រឹងបន្ថែមទៀត នូវអ្វីដែលមិនទាន់បានសំរេចក្នុងពេលប្រជុំកន្លងមក។

របាយការណ៍ បានអោយដឹងទៀតថា មន្ត្រីក្រុមការងារបរិស្ថាន បានកំពុងបញ្ចប់នូវផែនការ សម្រាប់រយៈពេល ១៨ខែ ដែលជាកម្មវិធីស្នូរនៃការអភិរក្សជីវចំរុះ បរិស្ថាន សំដៅការពារខ្សែរទឹកដ៏សំខាន់ ក្នុងការអភិវឌ្ឍសេដ្ឋកិច្ចតាមដងទន្លេមេគង្គ ដែលមានរយៈពេលយូរ។

អានអត្ថបទទាំងស្រុង... បន្ថែមមតិយោបល់ថ្មី

មានមនុស្ស ៣៤ស្លាប់ ក្នុងឧបទ្ទវហេតុ គ្រោះថ្នាក់ចរាចរនៅវៀតណាម

ដោយ នូន បូរិន ថ្ងៃសុក្រ ទី18 ឧសភា ឆ្នាំ2012 ម៉ោង11:47

ពួកនគរបាលនិយាយថា មានអ្នកដំណើរចំនួន ៣៤នាក់ បានស្លាប់ភ្លាមកន្លែងកើតហេតុ និង ២០នាក់ ទៀតរងរបួសធ្ងន់ ដោយសារតែឡានដែលពួកគេបានជិះ ទៅបុកស្ពានហើយ ក្រឡាប់ផ្ទុះឆេះយ៉ាងខ្លាំង ហើយបានធ្លាក់ចូលក្នុងទឹកទន្លេ នៅតំបន់មួយនៅភាគខាងត្បូង ក្រុងហូជីមិញ។

ពួកនគរបាល បានប្រាប់ AFP ថា រថយន្តក្រុងដឹងអ្នកដំណើរនេះ បានជួបគ្រោះថា្នក់ កាលពីយប់ថ្ងៃព្រហស្បតិ៍មិ្សលមិញនេះ។

ករណីនេះអាជ្ញាធរនិយាយថា ខ្លួននឹងស៊ើបអង្កេត ថាវាកើតឡើងដោយសារអ្វី អ្នកបើកបរស្រវាំង ឬយ៉ាងម៉េច?

ផ្ញើរព័ត៌មាននេះ

បន្ថែមមតិយោបល់ថ្មី

លោកស្រី Clinton ចង់ឃើញអ្នកទោសនយោបាយនៅភូមាមានសេរីភាព

ដោយ Peter Heng និងនូន បូរិន ថ្ងៃសុក្រ ទី18 ឧសភា ឆ្នាំ2012 ម៉ោង11:32

haralli-clinton-afp រដ្ឋមន្ត្រីការបរទេសសហរដ្ឋអាមេរិក Hillary Clinton បានអំពាវនាវ កាលពីថ្ងៃព្រហស្បត្តិ៍ដល់ប្រទេសភូមា ឲ្យដោះលែងអ្នកទោសនយោបាយទាំងអស់ឲ្យរួចពីការឃុំឃាំង។

លោកស្រីរដ្ឋមន្ត្រីការបរទេសអាមេរិក និយាយថាអាមេរិកពិតចង់ឃើញ អ្នកទោសនយោបាយដែលនៅសេសសល់ទាំងអស់ ត្រូវបានដោះលែង ហើយថា ប្រការនេះ គឺជាផ្នែក មួយដ៏ធំនៃការកែទម្រង់ប្រទេស ។

លោក Hillary Clinton ថ្លែងដូចនេះបានធ្វើឡើង នៅចំពោះមុខលោក Wunna Maung Lwin រដ្ឋមន្ត្រីការបរទេស ភូមា ដែលកំពុងធ្វើទស្សនកិច្ចនៅក្រុងវ៉ាស៊ីនតោន។

ប្រទេសភូមាបានឲ្យដឹងថា ខ្លួនបានដោះលែងអ្នកទោសនយោបាយជាង ២០០នាក់ នៅខែតុលា ២០១១ ហើយក្រោយមកអ្នកទោសនយោបាយជាង ៣០០នាក់ ត្រូវបានដោះលែងកាលពីខែមករា ដើមឆ្នាំ២០១២ នេះ គឺធ្វើឡើង ដើម្បីឲ្យអាមេរិកស្តារចំនងការទូតពេញលេញទ្បើងវិញ៕

ផ្ញើព័ត៌មាននេះ

បន្ថែមមតិយោបល់ថ្មី

អាមេរិកចាប់ផ្ដើមដាក់វិនិយោគទុននៅប្រទេសភូមា

ដោយ Peter Heng និងនូន បូរិន ថ្ងៃសុក្រ ទី18 ឧសភា ឆ្នាំ2012 ម៉ោង10:56

barak-afp ប្រធានាធិបតីអាមេរិក លោក បារាក់ អូបាម៉ា កាលពីថ្ងៃព្រហស្បតិ៍ម្សិលមិញ បានសំរួលវិបត្តិប្រទេសភូមា ដោយសំរេចអោយមានការធ្វើវិនិយោគ និងការដាក់ទូតអាមេរិកប្រចាំប្រទេស ដែលធ្លាប់គ្រប់គ្រងដោយពួកយោធា អស់រយៈពេលជាង២០ឆ្នាំ ។

ប៉ុន្តែអ្នកវិភាគនិយាយថា ការសំរេចរបស់លោកប្រធានាធិបតី បារាក់ អូបាម៉ា គឺជាការសំឡឹងមើលពីអានុភាពភាពដ៏ច្រើន គឺទៅលើការគ្រប់គ្រងរបស់រដ្ឋាភិបាលមួយបែបស៊ីវិល ដោយលោកព្យាយាមរក្សាទុកនូវការកត់ត្រាទុកឈ្មោះពួកឧត្តមសេនីយ៍យោធា ដែលមានប្រាក់ស្ដុកស្តម្ភបានមកពីការកេងប្រវ័ញ្ចមូលនិធិរបស់រដ្ឋ។ នេះបើយោងតាមទីភ្នាក់ងារសារពត៌មាន AFP។

អាមេរិកបន្ថូរបន្ថយ ការដាក់ទណ្ឌកម្មសេដ្ឋកិច្ចទៅលើប្រទេសភូមា គឺធ្វើឡើងបន្ទាប់ពីការព្យួរការដាក់ទណ្ឌកម្មសេដ្ឋកិច្ច របស់សហភាពអឺរ៉ុប និងប្រទេសនៅអាស៊ី ៕

ផ្ញើពត៌មាននេះ

បន្ថែមមតិយោបល់ថ្មី