លោក យន្ត ថារ៉ូ ស្នើនាយករដ្ឋមន្ត្រីវៀតណាមចេញច្បាប់ឲ្យខ្មែរក្រោមបានសម្រាកនៅថ្ងៃបុណ្យចូលឆ្នាំ
ដោយ វិទ្យុវីអូឌី ថ្ងៃព្រហស្បតិ៍ ទី29 មីនា ឆ្នាំ2012 ម៉ោង15:25
អ្នកតំណាងរាស្ដ្រគណបក្សសមរង្ស៊ី ដែលមានដើមកំណើតជាខ្មែរកម្ពុជាក្រោម បានស្នើឲ្យនាយករដ្ឋមន្ត្រីវៀតណាម ចេញច្បាប់ឈប់សម្រាកដល់ខ្មែរកម្ពុជាក្រោម ក្នុងថ្ងៃបុណ្យចូលឆ្នាំខ្មែរ ខាងមុខនេះ។
ក្នុងលិខិតរបស់អ្នកតំណាងរាស្ត្រគណបក្សសមរង្ស៊ី លោក យន្ត ថារ៉ូ ផ្ញើជូននាយករដ្ឋមន្ត្រីវៀតណាម លោក ង្វៀង តឹងយ៉ុង (Nguyen Tan Dung) តាមរយៈក្រសួងការបរទេសកម្ពុជា កាលពីថ្ងៃទី១៤ ខែមីនា ឆ្នាំ២០១២ បានបង្ហាញថា ខ្មែរកម្ពុជាក្រោម គឺជាជនជាតិដើម មុនគេបង្អស់រស់នៅលើទឹកដីកម្ពុជាក្រោម ដែលបារាំងហៅថាកូសាំងស៊ិន ហើយជនជាតិខ្មែរកម្ពុជាក្រោម និងជនជាតិគីញ បានរួមគ្នាតស៊ូក្នុងសង្គ្រាមវៀតណាម រហូតដល់វៀតណាមបានទទួលជោគជ័យ នៅថ្ងៃទី៣០ ខែមេសា ឆ្នាំ១៩៧៥។
ខ្មែរកម្ពុជាក្រោមទាមទារឲ្យអគ្គលេខាបក្សកុម្មុយនីស្តវៀតណាម និងUN ចាត់វិធានការការពារសិទ្ធិខ្លួន
ដោយ អ៊ឹង ប៊ុនថន ថ្ងៃអង្គារ ទី06 ធ្នូ ឆ្នាំ2011 ម៉ោង18:06
អង្គការសមាគមខ្មែរកម្ពុជាក្រោម នៅប្រទេសកម្ពុជា ទាមទារឲ្យអគ្គលេខាធិការបក្សកុម្មុយនីស្តវៀតណាម ដែលកំពុងទស្សនៈកិច្ចផ្លូវរដ្ឋនៅកម្ពុជា និងលោក សូរិយ៉ា ស៊ូប៊ែឌី អ្នករាយការណ៍ពិសេសផ្នែកសិទ្ធិមនុស្សប្រចាំកម្ពុជា ចាត់វិធានការដើម្បីការពារសិទ្ធិមនុស្សខ្មែរកម្ពុជាក្រោម។
យោងតាមលិខិត របស់អង្គការសមាគមខ្មែរកម្ពុជាក្រោម នៅប្រទេសកម្ពុជា ដែលចុះហត្ថលេខា ដោយលោក សឺន យឿង ដែលVODទទួលបាននៅថ្ងៃអង្គារនេះបានសរសេរថា អាជ្ញាធរវៀតណាម បានធ្វើសកម្មភាព មកលើខ្មែរកម្ពុជាក្រោម ដោយកាប់សម្លាប់ដុតទាំងរស់ ចាប់ផ្សឹកព្រះសង្ឃខ្មែរយកទៅធ្វើទាហាន ហាមមិនឲ្យខ្មែរបួស តាមបែបព្រះពុទ្ធសាសនាខ្មែរ សាលារៀន និងអក្សរសាស្ត្រខ្មែរ ត្រូវបានបិទគ្រប់ទិសទីទាំងអស់។
ការឈឺចាប់នៅតែស្ថិតក្នុងចិត្តជនរងគ្រោះខ្មែរក្រោម ដោយសារសង្គ្រាមវៀតណាមឆ្នាំ១៩៧៦
ដោយ កែវ រតនៈ និងអ៊ឺង ប៊ុនថន ថ្ងៃពុធ ទី16 វិច្ឆិកា ឆ្នាំ2011 ម៉ោង11:56
ក្រុមជនរងគ្រោះក្នុងព្រឹត្តិការណ៍ផ្តួលរំលំរដ្ឋាភិបាលវៀតណាម កាលពីឆ្នាំ ១៩៧៦ នៅតែបង្ហាញការឈឺចាប់ របស់ខ្លួនមកដល់ពេលនេះ បើទោះជាព្រឹត្តិការណ៍នេះ បានកន្លងផុតទៅ៣៥ឆ្នាំមកហើយ។
កាលពីថ្ងៃទី១៦ ខែវិច្ឆិកា ឆ្នាំ១៩៧៦ ពលរដ្ឋខ្មែរកម្ពុជាក្រោម នៅខេត្តព្រះត្រពាំង ទឹកដីកម្ពុជាក្រោម បានក្រោកឡើងផ្តួលរំលំរដ្ឋាភិបាលបក្សកុម្មុយនីសវៀតណាម ដោយរណៈសិរ្សសេរីភាពជាតិ រំដោះខ្មែរកម្ពុជាក្រោម ក្នុងគោលបំណង រំដោះកម្ពុជាក្រោម ពីអាណានិគមរដ្ឋាភិបាលវៀតណាម។ ក៏ប៉ុន្តែការផ្តួលរំលំនោះ មិនបានសម្រេចឡើយ ព្រមទាំងធ្វើឲ្យ ព្រះសង្ឃ ខ្មែរ និងប្រជាពលរដ្ឋខ្មែរកម្ពុជាក្រោម ជាច្រើនរយនាក់ស្លាប់ និងត្រូវរដ្ឋាភិបាលវៀតណាមចាប់ខ្លូនបញ្ជូនទៅដាក់ពន្ធនាគារទៀតផង។
មន្រ្តីស្ថានទូតវៀតណាមមិនទទួលយកញត្តិរបស់អង្គការខ្មែរកម្ពុជាក្រោមជាថ្មីទៀត
ដោយ កែវ រតនៈ និង អៀត ដារាវុធ ថ្ងៃសុក្រ ទី14 តុលា ឆ្នាំ2011 ម៉ោង18:37
មន្រ្តីស្ថានទូតវៀតណាម មិនទទួលយកញត្តិ របស់អង្គការខ្មែរកម្ពុជាក្រោមជាថ្មីទៀត នៅថ្ងៃសុក្រ ទី១៤ ខែតុលានេះ ដែលញតិ្តនោះ បានសំដែងការព្រួយបារម្ភ ពីគោលការថ្មីរបស់វៀតណាម ដែលតំរូវឲ្យវត្តខ្មែរចំនួន១៤០ យកវត្ថុបុរាណ ទៅទុកនៅសារមន្ទីរវៀតណាម តាមខេត្តនិមួយៗ។
នេះជាលើកទី២ ដែលស្ថានទូតវៀតណាម មិនទទួលយកញត្តិ របស់អង្គការខ្មែរកម្ពុជាក្រោមនេះ ដូចកាលពីថ្ងៃទី០៧ ខែតុលា កន្លងទៅ។
ប្រធានមូនិធិជួយជនក្រីក្រ លោក យន្ត ថារ៉ូ បានប្រាប់សម្លេងប្រជាធិបតេយ្យថា ដោយសារតែមន្រ្តីស្ថានទូតវៀតណាមមិនទទួលយកញត្តិរបស់ខ្លួន ជាលើកទី២ទៀតនេះ លោកគ្រោងនឹងយកញត្តិដដែលនេះ ទៅដាក់នៅស្ថានទូតប្រទេសនានានៅកម្ពុជានៅសប្តាហ៍ក្រោយ។
សមាគមខ្មែរក្រោមព្រមានសុំអន្តរាគមន៍ ពីអន្តរជាតិបើទូតវៀតណាមមិនទទួលញត្តិជាថ្មីទៀត
ដោយ កែវ រតនៈ និង អ៊ឹង ប៊ុនថន ថ្ងៃព្រហស្បតិ៍ ទី13 តុលា ឆ្នាំ2011 ម៉ោង18:03
អង្គការ-សមាគមខ្មែរកម្ពុជាក្រោម ព្រមានសុំអន្តរាគមន៍ ពីបណ្តាស្ថានទូតបរទេសនានានៅកម្ពុជា ប្រសិនបើទូតវៀតណាមមិនព្រមទទួលញត្តិរបស់ខ្លួនជាថ្មីទៀត។ ញត្តិរបស់អង្គការ-សមាគមខ្មែរកម្ពុជាក្រោម នោះគឺមានខ្លឹមសារ ជំទាស់នឹងគោលការណ៍ថ្មី របស់វៀតណាម ដែលតំរូវឲ្យវត្តចំនួន១៤០ នៅកម្ពុជាក្រោម យកវត្ថុបុរាណទៅទុកនៅសារមន្ទីរវៀតណាម។
ប្រធានមូលនិធិជួយជនក្រីក្រខ្មែរកម្ពុជាក្រោម លោក យន្ត ថារូ មានប្រសាសន៍នៅក្នុងកិច្ចប្រជុំជាមួយអង្គការសមាគមខ្មែរកម្ពុជាក្រោម នៅទីស្នាក់ការ សមាគមដើម្បីសិទ្ធិមនុស្ស និងការអភិវឌ្ឍន៍ នៅរសៀលថ្ងៃព្រហស្បតិ៍នេះថា យកញត្តិសំដែងការព្រួយបារម្ភ ពីគោលការណ៍ថ្មីរបស់វៀតណាម ដែលតំរូវឲ្យវត្តចំនួន១៤០ យកវត្ថុបុរាណទៅទុកនៅសារមន្ទីរវៀតណាម នឹងត្រូវនាំយកទៅដាក់ នៅស្ថានទូតវៀតណាមជាថ្មីទៀត នៅថ្ងៃសុក្រស្អែកនេះ។
អង្គការសមាគមខ្មែរកម្ពុជាក្រោមខកខានមិនបានយកញត្តិទៅដាក់នៅស្ថានទូតវៀតណាមឡើយ
ដោយ កែវ រតនៈ និង នួន បូរិន ថ្ងៃសុក្រ ទី07 តុលា ឆ្នាំ2011 ម៉ោង18:20
អង្គការ-សមាគមខ្មែរកម្ពុជាក្រោម បានខកខានពីការយកញត្តិសំដែងការព្រួយបារម្ភ អំពីគោលការណ៍ថ្មីរបស់វៀតណាម ដែលតំរូវឲ្យវត្តចំនួន១៤០ នៅដែនដីកម្ពុជាក្រោមយកវត្ថុបុរាណទៅទុកនៅសារមន្ទីរវៀតណាម ដែលត្រូវទៅដាក់នៅស្ថានទូតវៀតណាមនៅភ្នំពេញ មិនត្រូវបានទូតវៀតណាមទទួលយកឡើយ។
ប្រធានសមាគមខ្មែរកម្ពុជាក្រោម ដើម្បីសិទ្ធិមនុស្សនិងការអភិវឌ្ឍន៍ លោក សឺន យឿង មានប្រសាសន៍ថា ស្ថានទូតវៀតណាមបានជូនដំណឹងមកអង្គការសមាគមខ្មែរកម្ពុជាក្រោម ថាស្ថានទូតវៀតណាម នឹងមិនទទួលញត្តិសំដែងការព្រួយបារម្ភនេះទេ ដូចនេះ អង្គការសមាគមខ្មែរកម្ពុជាក្រោម ចំនួន ១១ ក៏សម្រេចមិនដាក់ញត្តិនេះជាផ្លូវការឡើយ ក៏ប៉ុន្តែលោកថា លោកបានផ្ញើញត្តិនេះ តាមបុគ្គលិកស្ថានទូតវៀតណាមនេះ ដើម្បីឲ្យស្ថានទូតបានដឹងហើយ ៖ “មានព័ត៌មានថាយើងរៀបចំក្រដាសហើយ បានថាខាងស្ថានទូតវៀតណាម គេថាគេអត់ទទួលទេ អញ្ចឹងយើងផ្ញើតាមរយៈអ្នកនៅធ្វើការនៅទីនោះដែរ ប៉ុន្តែមិនដឹងថា បានទៅដល់ឬមិនដល់”។
អត្ថបទផ្សេងៗ...
- ក្រុមជនរងគ្រោះជម្រុញឲ្យសាលាក្តីខ្មែរក្រហមកំណត់ពេលចេញសាលដីកាករណី ឌុច
- ខ្មែរកម្ពុជាក្រោមអំពាវនាវរកជំនួយសាងសង់មជ្ឈមណ្ឌលសហគមន៍ខ្មែរកម្ពុជាក្រោម
- អាជ្ញាធររាជធានីភ្នំពេញ មិនទាន់អនុញ្ញាតអោយខ្មែរក្រោមធ្វើពិធីរំលឹកខួប១០ឆ្នាំជាសមាជិក UNPO
- សហមគន៍ខ្មែរកម្ពុជាក្រោមសំរេចធ្វើពិធីរំលឹក ខួបបាត់បង់ទឹកដីខ្មែរកម្ពុជាក្រោមនៅវត្តអង្គតាមិញ
- សហគមន៍ខ្មែរក្រោម លើកថ្ងៃរំលឹកខួបបាត់បង់ទឹកដី ទៅថ្ងៃទី១០
ទំព័រទី 1 ទាំងអស់ 3 ទំព័រ
ស្តាប់វិទ្យុលើអ៊ីនធឺណិត
ដើម្បីស្តាប់ការផ្សាយផ្ទាល់វិទ្យុសារិកាអេហ្វអ៊ឹមសូម ចុចត្រង់នេះ ។
សម្រាប់ព័ត៌មានមុនៗសូម ចុចទីនេះ ។
រូបថតឯកសារ
បទយកការណ៍
- ធម្មយាត្រាដើម្បីសន្តិភាពផ្លូវចិត្តនិងសន្តិភាពក្នុងតំបន់
- សារៈប្រយោជន៍នៃសេរីភាពព័ត៌មាន និងព័ត៌មានឯករាជ្យ
- កម្មករស្នើឲ្យតំណាងរាស្ត្រជួយផ្តល់ភាពយុត្តិធម៌ក្នុងវិស័យការងារ
- សកម្មជនការពារព្រៃឈើនៅកម្ពុជាលែងបានឃើញមុខទៀតហើយ
- យុទ្ធនាការពណ៌ស្វាយ ប្រឆាំងកំពូលឃាតករស្ងប់ស្ងាត់ នៅយុគសម័យថ្មី
- កម្ពុជាចាប់ផ្តើមបើកយុទ្ធនាការអប់រំ អំពីការបង្ការជម្ងឺគ្រុនឈាម ខណៈរដូវវស្សាចូលមកដល់
ព័តមានបែបស៊ើបអង្កេត
- ភាពមិនប្រក្រតីនៃការធ្វើប័ណ្ណបើកបរ
- ការយកថ្លៃផ្ញើយាន្តជំនិះលើសតម្លៃកំណត់
- ការបង្កើនអាយុក្មេងស្រី ដើម្បីយកទៅធ្វើជាពលករ ត្រូវបានសង្ស័យថាជាប់ពាក់ព័ន្ធអំពើពុករលួយ
- ការដេញថ្លៃយឺតយ៉ាវក្នុងការបោះពុម្ពសៀវភៅ ការគ្រប់គ្រង ការបែងចែកមិនត្រឹមត្រូវ នាំឱ្យសិស្សខ្វះសៀវភៅមេរៀនសិក្សា
- ភាពមិនប្រក្រតី ក្នុងការធ្វើលិខិតឆ្លងដែន
វិភាគព្រឺត្តិការណ៍
- អ្នកវិភាគ៖ ការចោទអ្នកភូមិប្រមា ស្រុកឆ្លូង ខេត្តក្រចេះថា ប៉ុនប៉ងបង្កើតអបគមន៍ មិនត្រឹមត្រូវទេ
- ប្រតិកម្មរបស់លោកនាយករដ្ឋមន្ត្រីហ៊ុន សែន ចំពោះអ្នកដែលយកព្រះនាមព្រះរាជាទៅភ្ជាប់នឹងការឃោសនាបោះឆ្នោត
- តើជម្លោះដីធ្លីនៅកម្ពុជា មានការប្រែប្រួលយ៉ាងណា បន្ទាប់ពីរដ្ឋាភិបាលផ្អាកផ្តល់សម្បទានដី ខណៈការបោះឆ្នោតនោះ?
- វិភាគ៖ លទ្ធផលនៃការស្ទង់មតិរបស់វិទ្យាស្ថាន IRI ថានៅខែធ្នូឆ្នាំ២០១១ មានពលរដ្ឋ៨១ភាគរយ យល់ថាកម្ពុជាដើរលើផ្លូវត្រូវ
- លទ្ធផលនៃការស៊ើបអង្កេតមិនបានផ្តល់យុត្តិធម៌ជូនលោក ឈុត វុទ្ធី និងអ៊ិន រតនាទេ
បទសម្ភាសន៍
- បញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងស្ថានភាពមុនការបោះឆ្នោតឃុំសង្កាត់នៅកម្ពុជា
- បទសំភាសន៍ជាមួយនឹងលោកសៀន ប៉េងសែ៖ ការសម្រេចដោះដូរភូមិខ្មែរជាមួយនឹងវៀតណាម
- ជំហររបស់ លោក សម រង្ស៊ី ក្នុងការជួយពង្រឹងប្រព័ន្ធប្រជាធិបតេយ្យនៅអាស៊ី
- បទសម្ភាសន៍ជាមួយលោក ជា មុនី ជុំវិញការអនុញ្ញាតិរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក់ លោក ជា វិជ្ជា
- បទសម្ភាសន៍ ជាមួយលោក សម រង្ស៊ី ប្រធានគណបក្សប្រឆាំង ស្តីពីប្រព័ន្ធតុលាការនៅកម្ពុជា