ក្រសួងមហាផ្ទៃចោទប្រកាន់ឈ្មោះប៊ុន រដ្ឋា ជាមេក្លោងប្រព្រឹត្តិល្មើសច្បាប់
ដោយ អ៊ឹង ប៊ុនថន ថ្ងៃពុធ ទី16 ឧសភា ឆ្នាំ2012 ម៉ោង17:40
ក្រសួងមហាផ្ទៃ បានចោទប្រកាន់ពលរដ្ឋម្នាក់ ឈ្មោះប៊ុន រដ្ឋា ជាមេក្លោងប្រព្រឹត្តិល្មើសច្បាប់រដ្ឋធម្មនុញ្ញនិងច្បាប់នានា ខណៈសមត្ថកិច្ចចុះបង្រ្កាបនិងតាមចាប់ខ្លួនមេដឹកនាំចលនាតវ៉ាជម្លោះដីធ្លីនោះ។
សេចក្តីថ្លែងការណ៏របស់ អ្នកនាំពាក្យក្រសួងមហាផ្ទៃ នៅរសៀលថ្ងៃពុធនេះ បានសរសេរថា នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ មានពួកអាណាធិបតេយ្យមួយក្រុមមានតួនាទីជាអ្នកដឹកនាំ និងជាសមាជិករបស់សមាគមអ្នកប្រជាធិបតេយ្យ ដែលឈ្មោះប៊ុន រដ្ឋា ជាមេក្លោងប្រព្រឹត្តិល្មើសច្បាប់រដ្ឋធម្មនុញ្ញនិងច្បាប់នានា។
ក្រសួងមហាផ្ទៃបានចោទលោក ប៊ុន រដ្ឋា ថាបានតាំងខ្លួន ធ្វើតួនាទីជាអាជ្ញាធររដ្ឋ ដោយវាស់ដីចែកប្រជាពលរដ្ឋ ដែលខ្លួនបោកបញ្ឆោត ឲ្យចូលជាសមាជិកសមាគមអ្នកប្រជាធិបតេយ្យ។
ក្មេងស្រីម្នាក់ស្លាប់ក្នុងហេតុការណ៍ផ្ទុះអាវុធ ខណៈសមត្ថកិច្ចចុះអន្តរាគមន៍ជម្លោះដីនៅខេត្តក្រចេះ
ដោយ ញឹម សុខន និង អ៊ឹង ប៊ុនថន ថ្ងៃពុធ ទី16 ឧសភា ឆ្នាំ2012 ម៉ោង16:59
ប្រជាពលរដ្ឋ នៅស្រុកឆ្លូង ខេត្តក្រចេះ អះអាងថា យ៉ាងហោចណាស់ មានក្មេងស្រីម្នាក់អាយុ១៥ឆ្នាំ បានត្រូវគ្រាប់កាំភ្លើងស្លាប់ ក្នុងហេតុការណ៍ផ្ទុះអាវុធ ខណៈសមត្ថកិច្ចចុះបង្ក្រាបពលរដ្ឋទាំងនោះ ដោយចោទថាចូលកាន់កាប់ដីរដ្ឋខុសច្បាប់។
ពលរដ្ឋដែលអះអាងថា បានឃើញហេតុការណ៍ផ្ទុះអាវុធ នៅថ្ងៃពុធនេះ ហើយសុំមិនបញ្ចេញឈ្មោះ បានឲ្យVODដឹងនៅថ្ងៃទី១៦ ខែឧសភានេះថា នៅម៉ោងប្រហែល៨និង៣០នាទីព្រឹកនេះ មានទាហានជាច្រើននាក់បានចូលទៅក្នុងភូមិច្រកដំបង ឃុំកំពង់ដំរី ស្រុកឆ្លូង ខេត្តក្រចេះ ហើយបានផ្ទុះអាវុធប្រហែលជាង៣០គ្រាប់ ដោយមិនដឹងមូលហេតុ បណ្តាលឲ្យក្មេងម្នាក់អាយុប្រហែល១៥ឆ្នាំ ដែលកំពុងអង្គុយនៅលើផ្ទះ បានធ្លាក់មកក្រោមផ្ទះស្លាប់ភ្លាមៗ ៖ “ទាហានបាញ់ប្រជាពលរដ្ឋងាប់ម្នាក់ហើយ បាញ់ងាប់ហើយឥឡូវ បងប្អូនប្រជាពលរដ្ឋកំពុងតែដង្ហែខ្មោចទៅអោយសម្តេច ហ៊ុន សែន គាត់ចុះមកមើល។ ខ្ញុំអត់បានដឹងដែរ ស្រាប់តែលឺ ពេលបាញ់ទៅឃើញត្រូវក្មេងម្នាក់ហ្នឹងទៅ”។
ក្រុមហ៊ុនចំនួន៦ រងការចោទថា រំលោភយកដីព្រៃហាមឃាត់នៅខេត្តកំពង់ធំ
ដោយ បូ សាវី និង អ៊ឹង ប៊ុនថន ថ្ងៃពុធ ទី16 ឧសភា ឆ្នាំ2012 ម៉ោង16:18
ដីព្រៃរនាម ជាច្រើនហិកតា នៅតំបន់បី ក្នុងឃុំកំពង់គោ ស្រុកកំពង់ស្វាយ ខេត្តកំពង់ធំ ដែលរដ្ឋាភិបាលទុកសំរាប់ជាជំរកត្រីពងកូន និងជំរកសត្វគ្រប់ប្រភេទនោះ ត្រូវបានក្រុមហ៊ុនចំនួន៦ ឈូសឆាយយកធ្វើជាកម្មសិទ្ធិរបស់ខ្លួន ដោយពុំមានការអនុញ្ញាតិ។
ប្រធានសហគមន៏សាមគ្គីឃុំកំពង់គោ លោក ទុយ យ៉ុង បា្រប់សំឡេងប្រជាធិបតេយ្យ VOD នៅថ្ងៃពុធនេះថា ក្រុមហ៊ុននោះ បានយកគ្រឿងចក្រ ចំនួន៦គ្រឿង ធ្វើការឈូសឆាយដីព្រៃរនាម ជាប់បឹងទន្លេសាបរាប់ពាន់ហិកតា យកធ្វើជាកម្មសិទ្ធិផ្ទាល់ខ្លួន ហើយជួលអោយប្រជាពលរដ្ឋមកពីខេត្ដផ្សេងធ្វើស្រែប្រាំង ដោយពុំមានច្បាប់ពីអាជ្ញាធរឡើយ។ លោកទុយ យ៉ុង អះអាងថា ដីព្រៃនោះជាតំបន់ដែលរដ្ឋាភិបាល កំណត់ថា ជាតំបន់អភិរក្ស សំរាប់ជំរកសត្វគ្រប់ប្រភេទ ៖ "ប្រមាណបីបួន ប្រាំប្រាំមួយម៉ែត្រ ប៉ិនដឹងម៉េចចេះក៏នៅតែគេបន្ត ការហាមឃាត់ហើយ ក៏នៅមានលួចឆ្លៀតឱកាសហ្នឹង ខ្ញុំដូចឆ្ងល់ដែរនៀក បំពានលើដីព្រៃយកធ្វើដីស្រែតែម្តង កម្មសិទ្ធិតែម្តង ពីរបីរយកហិកតា ប្រាំរយហិកតាអីម្នាក់ ហើយនិងជួលអោយប្រជាពលរដ្ឋឆ្ងាយស្រុក ឆ្ងាយខែត្រអីខ្លះមក បួនដប់ ម្ភៃហិកតាអីម្នាក់ៗទៅ ហើយខ្លះជួលស្រែអោយគេ ក្នុងស្រែមួយហិកតា គេប្រមាណ យកប្រហែល១០០ដុល្លារ"។
គណបក្សសមរង្ស៊ី ថ្កោលទោសអាជ្ញាធរខេត្តក្រចេះ ដែលបានបាញ់ប្រហារប្រជាពលរដ្ឋ
ដោយ អៀត ដារ៉ាវុធ ថ្ងៃពុធ ទី16 ឧសភា ឆ្នាំ2012 ម៉ោង16:09
គណបក្សសមរង្ស៊ី ថ្កោលទោសយ៉ាងខ្លាំង ចំពោះការបាញ់ប្រហារ លើប្រជាពលរដ្ឋស្លូតត្រង់ រាប់រយនាក់ ដែលបានកើតឡើង នៅក្នុងឃុំកំពង់ដំរី ស្រុកឆ្លូង នៅព្រឹកថ្ងៃពុធនេះ ពីសំណាក់អាជ្ញាធរខេត្តក្រចេះ ។
យោងតាមសេចក្តីថ្លែងការណ៍របស់គណបក្សសមរង្ស៊ី ដែលបានចេញផ្សាយនៅរសៀលថ្ងៃពុធនេះ បានបង្ហាញថា កម្លាំងអាជ្ញាធររបស់ខេត្តក្រចេះ រាប់រយនាក់ បានចុះបង្ក្រាបប្រជាពលរដ្ឋ នៅក្នុងឃុំកំពង់ដំរី ហើយបានធ្វើឲ្យប្រជាពរលដ្ឋម្នាក់ស្លាប់ និងរបួសជាច្រើននាក់ ហើយថាទង្វើនេះ ជាទង្វើមួយ ដែលត្រូវតែថ្កោលទោសយ៉ាងខ្លាំងក្លាបំផុត ។
អាជ្ញាធរនៅមិនទាន់ចាប់ខ្លួនលោក ប៊ុន រដ្ឋា ជាមេដឹកនាំការទាមទាររឹបអូសដីនៅស្រុកឆ្លូង បាននៅឡើយទេ
ដោយ នួន បូរិន ថ្ងៃពុធ ទី16 ឧសភា ឆ្នាំ2012 ម៉ោង13:34
អាជ្ញាធរនៅមិនទាន់ចាប់ខ្លួនមេដឹកនាំ កាន់កាប់ដីធ្លីមួយដោយស្វយ័តនៅស្រុកឆ្លូង ខេត្តក្រចេះ នៅឡើយទេ ខណៈប្រជាពលរដ្ឋប្រហែលជា ៣០នាក់ ត្រូវបានចាប់ខ្លួន នៅក្រោមប្រតិបត្តិការចុះបង្គ្រាប ដោយកំលាំងចំរុះខេត្ត នៅព្រឹកថ្ងៃពុធនេះ។
លោក អូ ហិម ប្រជាពលរដ្ឋម្នាក់ ដែលរស់នៅក្បែរតំបន់កើតហេតុ បានប្រាប់សំលេងប្រជាធិបតេយ្យថា គាត់បានដឹងថា ផែនការរៀបចំដើម្បីរឹបអូសដីធ្វើជាតំបន់ស្វយ័ត្វនេះ គឺប្រហែលជា លោក ប៊ុន រដ្ឋា ជាអ្នកដឹកនាំ ទើបអាជ្ញាធរតាមចាប់ខ្លួនខ្លាំងជាងគេ។
តែលោក អូ ហិម ប្រាប់ថា រហូតមកដល់ពេលនេះ លោក ប៊ុន រដ្ឋា មិនទាន់ត្រូវបានអាជ្ញាធរចាប់ខ្លួនបាននៅឡើយទេ ខណៈចុះទៅបង្រ្គាបដោយ សមត្ថកិច្ចចំរុះរាប់រយនាក់ នៅព្រឹកមិញនេះ មានប្រជាពលរដ្ឋ ជាច្រើនរយនាក់បានចាប់ពង្រត់ លោក ប៊ុន រដ្ឋា បាត់មកដល់ពេលនេះ។
អ្នកបុរីកីឡាដែលបណ្តេញចេញសុំពន្លឿនដោះស្រាយ ខណៈមានមនុស្សស្លាប់ព្រោះអត់ជម្រក
ដោយ ញឹម សុខន និង អ៊ឹង ប៊ុនថន ថ្ងៃអង្គារ ទី15 ឧសភា ឆ្នាំ2012 ម៉ោង12:05
អតីតអ្នកភូមិបុរីកីឡាជាង១០០គ្រួសារ ដែលកំពុងរស់នៅក្បែរគំនរសំរាម ក្រោយពីការបណ្តេញចេញទាំងបង្ខំនោះ បានអំពាវជាថ្មីទៀត ទៅអាជ្ញាធរពាក់ព័ន្ធឲ្យពន្លឿនដំណោះស្រាយ ជូនពួកគេ ខណៈមានអ្នកភូមិជាច្រើននាក់ កំពុងធ្លាក់ខ្លួនឈឺនិងមានកុមារខ្លះស្លាប់។
តំណាងអ្នកភូមិបុរីកីឡា អ្នកស្រី ជុំ ង៉ាន់ មានប្រសាសន៍ថា ពួកគេ ១១៧គ្រួសារ ដែលបាត់បង់ផ្ទះ ដោយសារការបណ្តេញចេញទាំងបង្ខំពីសំណាក់ក្រុមហ៊ុនផានអ៊ីម៉ិច កាលពីដើមឆ្នាំ២០១២នោះ ពេលនេះពួកគេជាច្រើននាក់ បានធ្លាក់ខ្លួនឈឺជាបន្តបន្ទាប់ ក្នុងនោះមានទារកអាយុ ៩ខែម្នាក់ បានស្លាប់នៅថ្ងៃច័ន្ទម្សិលម៉ិញ។ អ្នកស្រី ជុំ ង៉ាន់ ហៅការស្លាប់ទារកនេះថា អាចបណ្តាលមកពីពួកគេរស់នៅក្រោមតង់កៅស៊ូក្តៅ លើគំនរសំរាមដែលមានក្លិនស្អុយ ៖ "អ្នកឈឺនិយាយរឿងនៅក្រោមជណ្តើរវិញ ម្នាក់នោះពោះធំ ឈ្មោះ ចាន់ ស្រីភាព ប្តីឈ្មោះ យាន់ ភឿន ហ្នឹងកំពុងតែក្អក ក្អកស្ងួតតែម្តង ឈឺបំពង់ករ ហើយនិងកូន អាត សំណាង នោះកូនពីរនាក់ហ្នឹង ឈឺទាំងពីរនាក់ហ្នឹង ឥឡូវមិនដឹងគិតម៉េចទេ ហើយម៉ែឪគ្មានរកស៊ីអី ក្មេងម្នាក់ស្លាប់ ហើយនៅក្រៅៗជណ្តើរ ខ្ទមតូចៗហ្នឹង ឥឡូវហ្នឹងឈឺជាបន្តបន្ទាប់ទៀតហើយ”។
អត្ថបទផ្សេងៗ...
- អាជ្ញាធរខេត្តកំពង់ធំ ចាប់តំណាងពលរដ្ឋម្នាក់ក្នុងចំណោម២០នាក់ពីបទចូលរានដីរបស់គេ
- អ្នកភូមិនៅឃុំជីខលើ ខេត្តកោះកុង ២០០នាក់ បិទកំណាត់ផ្លូវ៤៨ ដើម្បីបង្ខំអាជ្ញាធរឲ្យដោះស្រាយបញ្ហាដីធ្លី
- តុលាការខេត្តកំពង់ឆ្នាំងសម្រេចឲ្យពលរដ្ឋចាញ់ក្តីក្រុមហ៊ុនខេឌីស៊ី
- សមត្ថកិច្ចមិនទាន់មានវិធានការ ចំពោះការចុះល្បាតព្រៃរបស់ប្រជាសហគមន៍នៅខេត្តកោះកុង
- អ្នករាយការណ៍ពិសេស អង្គការសហប្រជាជាតិទៅជួបប្រជាពលរដ្ឋបុរីកីឡានៅព្រឹកនេះ
ទំព័រទី 1 ទាំងអស់ 41 ទំព័រ
ស្តាប់វិទ្យុលើអ៊ីនធឺណិត
ដើម្បីស្តាប់ការផ្សាយផ្ទាល់វិទ្យុសារិកាអេហ្វអ៊ឹមសូម ចុចត្រង់នេះ ។
សម្រាប់ព័ត៌មានមុនៗសូម ចុចទីនេះ ។
រូបថតឯកសារ
បទយកការណ៍
- ធម្មយាត្រាដើម្បីសន្តិភាពផ្លូវចិត្តនិងសន្តិភាពក្នុងតំបន់
- សារៈប្រយោជន៍នៃសេរីភាពព័ត៌មាន និងព័ត៌មានឯករាជ្យ
- កម្មករស្នើឲ្យតំណាងរាស្ត្រជួយផ្តល់ភាពយុត្តិធម៌ក្នុងវិស័យការងារ
- សកម្មជនការពារព្រៃឈើនៅកម្ពុជាលែងបានឃើញមុខទៀតហើយ
- យុទ្ធនាការពណ៌ស្វាយ ប្រឆាំងកំពូលឃាតករស្ងប់ស្ងាត់ នៅយុគសម័យថ្មី
- កម្ពុជាចាប់ផ្តើមបើកយុទ្ធនាការអប់រំ អំពីការបង្ការជម្ងឺគ្រុនឈាម ខណៈរដូវវស្សាចូលមកដល់
ព័តមានបែបស៊ើបអង្កេត
- ភាពមិនប្រក្រតីនៃការធ្វើប័ណ្ណបើកបរ
- ការយកថ្លៃផ្ញើយាន្តជំនិះលើសតម្លៃកំណត់
- ការបង្កើនអាយុក្មេងស្រី ដើម្បីយកទៅធ្វើជាពលករ ត្រូវបានសង្ស័យថាជាប់ពាក់ព័ន្ធអំពើពុករលួយ
- ការដេញថ្លៃយឺតយ៉ាវក្នុងការបោះពុម្ពសៀវភៅ ការគ្រប់គ្រង ការបែងចែកមិនត្រឹមត្រូវ នាំឱ្យសិស្សខ្វះសៀវភៅមេរៀនសិក្សា
- ភាពមិនប្រក្រតី ក្នុងការធ្វើលិខិតឆ្លងដែន
វិភាគព្រឺត្តិការណ៍
- អ្នកវិភាគ៖ ការចោទអ្នកភូមិប្រមា ស្រុកឆ្លូង ខេត្តក្រចេះថា ប៉ុនប៉ងបង្កើតអបគមន៍ មិនត្រឹមត្រូវទេ
- ប្រតិកម្មរបស់លោកនាយករដ្ឋមន្ត្រីហ៊ុន សែន ចំពោះអ្នកដែលយកព្រះនាមព្រះរាជាទៅភ្ជាប់នឹងការឃោសនាបោះឆ្នោត
- តើជម្លោះដីធ្លីនៅកម្ពុជា មានការប្រែប្រួលយ៉ាងណា បន្ទាប់ពីរដ្ឋាភិបាលផ្អាកផ្តល់សម្បទានដី ខណៈការបោះឆ្នោតនោះ?
- វិភាគ៖ លទ្ធផលនៃការស្ទង់មតិរបស់វិទ្យាស្ថាន IRI ថានៅខែធ្នូឆ្នាំ២០១១ មានពលរដ្ឋ៨១ភាគរយ យល់ថាកម្ពុជាដើរលើផ្លូវត្រូវ
- លទ្ធផលនៃការស៊ើបអង្កេតមិនបានផ្តល់យុត្តិធម៌ជូនលោក ឈុត វុទ្ធី និងអ៊ិន រតនាទេ
បទសម្ភាសន៍
- បញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងស្ថានភាពមុនការបោះឆ្នោតឃុំសង្កាត់នៅកម្ពុជា
- បទសំភាសន៍ជាមួយនឹងលោកសៀន ប៉េងសែ៖ ការសម្រេចដោះដូរភូមិខ្មែរជាមួយនឹងវៀតណាម
- ជំហររបស់ លោក សម រង្ស៊ី ក្នុងការជួយពង្រឹងប្រព័ន្ធប្រជាធិបតេយ្យនៅអាស៊ី
- បទសម្ភាសន៍ជាមួយលោក ជា មុនី ជុំវិញការអនុញ្ញាតិរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក់ លោក ជា វិជ្ជា
- បទសម្ភាសន៍ ជាមួយលោក សម រង្ស៊ី ប្រធានគណបក្សប្រឆាំង ស្តីពីប្រព័ន្ធតុលាការនៅកម្ពុជា