Voice of Democracy

នយោបាយ

អ្នកជំនាញអំពាវនាវឲ្យផ្តល់ព័ត៌មានបោះឆ្នោតឲ្យបានទូលាយ

ដោយ ពៅ មេត្តា និង អ៊ឹង ប៊ុនថន ថ្ងៃពុធ ទី16 ឧសភា ឆ្នាំ2012 ម៉ោង11:51

អ្នកជំនាញខាងសារព័ត៌មាន និងជំនាញការងារបោះឆ្នោត អំពាវនាវរួមគ្នាដល់អ្នកពាក់ព័ន្ធទាំងអស់ ត្រូវផ្តល់ព័ត៌មានជុំវិញដំណើរការបោះឆ្នោតឲ្យបានទូលាយ ដល់ប្រជាពលរដ្ឋ ដើម្បីងាយស្រួលវាយតម្លៃពីភាពត្រឹមត្រូវ។

នៅក្នុងវេទិកាតុមូលស្តីពីការត្រៀមរៀបចំការបោះឆ្នោត និងការទទួលបានព័ត៌មាន នៅព្រឹកថ្ងៃពុធនេះ ប្រធានក្លឹបអ្នកកាសែតកម្ពុជា លោក ប៉ែន សមិទ្ធិ ថ្លែងថា ការដែលផ្នែកពាក់ព័ន្ធ រួមមាន គ.ជ.ប ឬគណបក្សនយោបាយ ផ្តល់ព័ត៌មានបានគ្រប់ជ្រុងជ្រោយដល់សាធារណៈជននោះ ជាធាតុសំខាន់ក្នុងការវាយតម្លៃពីភាពត្រឹមត្រូវនៃដំណើរការបោះឆ្នោត ៖ "ដើម្បីយើងអាចដឹងថា តើនៅចន្លោះនៃការបោះឆ្នោតក្រុមប្រឹក្សាឃុំសង្កាត់ ពីអាណត្តិទីពីរ មកទល់នឹងសំរាប់អាណត្តិទីបីនេះ វាមានអ្វីដែលវិវត្តន៍ថ្មី ដើម្បីអស់លោកលោកស្រីដែលជាអ្នកសារព័ត៌មានទាំងអស់ អាចនឹងក្តាប់បាន ហើយនិងបំពេញការងារអោយបានល្អប្រសើរ ដើម្បីរួមចំណែកក្នុងការឲ្យពិន្ទុទៅលើអ្វី ដែលគេហៅថា ភាពយុត្តិធម៌ ត្រឹមត្រូវ និងអាចទទួលយកបាននៃការបោះឆ្នោតមួយនៅក្នុងប្រទេសកម្ពុជា”។

អានអត្ថបទទាំងស្រុង...

លោកហ៊ុន សែន ព្រមានគណបក្សដទៃកុំឲ្យយកព្រះនាមសម្តេចសីហនុទៅរកសំឡេងឆ្នោត

ដោយ ពៅ មេត្តា និង អ៊ឹង ប៊ុនថន ថ្ងៃអង្គារ ទី15 ឧសភា ឆ្នាំ2012 ម៉ោង17:07

ប្រមុខរដ្ឋាភិបាលខ្មែរ ព្រមានអ្នកនយោបាយដទៃ កុំឲ្យយកព្រះកិត្តិនាម របស់អតីតព្រះមហាក្សត្រ សម្តេចសីហនុ ទៅភ្ជាប់ជាមួយនឹងគណបក្សរបស់ខ្លួន ដើម្បីឃោសនារកសំឡេងឆ្នោត ដែលចាប់ផ្តើមនៅចុងសប្តាហ៍នេះ។

ក្នុងពិធីសំណេះសំណាលជាមួយអាចារ្យ-អាចារិនី ស្តីពី តួនាទីនិងភារកិច្ចអាចារ្យក្នុងប្រពៃណីទំនៀមទម្លាប់ខ្មែរ នៅសាលមហោស្រពកោះពេជ្រ នាព្រឹកថ្ងៃទី១៥ ខែឧសភា ឆ្នាំ២០១២ លោកនាយករដ្ឋមន្ត្រី ហ៊ុន សែន បានព្រមានខ្លាំងៗចំនួន៣ដង ក្នុងពេលតែមួយទៅលើគណបក្សមួយចំនួន ដែលលោកមិនបញ្ចេញឈ្មោះនោះ កុំឲ្យប្រើព្រះនាមសម្តេចឪដើម្បីប្រយោជន៍បក្សរបស់ខ្លួនតទៅទៀត ៖ "ហើយបើហ៊ាននិយាយតទៅទៀត ខ្ញុំនឹងឡើងទូរទស្សន៍ ដាក់យកម៉ង នេះជាការប្រមាថព្រះមហាក្សត្រ ដែលយើងជាមហាក្សត្រទាំងអស់គ្នា ហើយកុំនិយាយតទៅទៀត គណបក្សរាជានិយម គណបក្សរាជានិយមមកចាញ់គណបក្សរាស្ត្រហ្នឹង តើអាម៉ាស់ទេហ្នឹង? អញ្ចឹងចាត់ទុករាជានិយមហ្នឹងជារបស់ផ្ទាល់ របស់គណបក្សនយោបាយមួយឬម៉េច? គួរជំរាស់មន្ទិលសង្ស័យមុនការបោះឆ្នោតហ្នឹងតិច មិនមែនចង់ថាអោយទេ ប៉ុន្តែមិនថាមិនកើត”។

អានអត្ថបទទាំងស្រុង...

លោក ហ៊ុន សែន រិះគន់ដល់សម្តេចក្រុមព្រះ ដែលយកព្រះរាជាឃោសនាទាក់ទាញការគាំទ្រ

ដោយ អៀត ដារ៉ាវុធ ថ្ងៃអង្គារ ទី15 ឧសភា ឆ្នាំ2012 ម៉ោង15:07

លោកនាយករដ្ឋមន្ត្រី ហ៊ុន សែន បានរិះគន់ដោយមិនលើកចំឈ្មោះ ដល់សម្តេចក្រុមព្រះនរោត្តមរណឫទ្ធិថា ចេះតែប្រមាថព្រះរាជា ដើម្បីទាក់ទាញការគ្រាំទ្រពីប្រជារាស្ត្រឲ្យបោះឆ្នោតថ្វាយ។

នៅក្នុងពិធីសំណេះសំណាល ជាមួយអាចារ្យ នៅថ្ងៃអង្គារនេះ លោកនាយករដ្ឋមន្ត្រី ហ៊ុន សែន បានលើកយកសម្តីសម្តេចក្រុមព្រះនរោត្តម រណឬទ្ធិ មកថ្លែងថា មិនចេះរាងចាល គឺតែងតែលើកពាក្យថា ខ្លួនឯងមិនធ្វើស្តេចទេ ទុកឲ្យប្អូន ប្រាប់ដល់ប្រជាពលរដ្ឋតាមមូលដ្ឋាន។ លោកនាយករដ្ឋមន្ត្រី ហ៊ុន សែន បញ្ជាក់ថា ភាសានេះ ជាភាសាប្រមាថដល់ព្រះមហាក្សត្រ ហើយថាសម្តេចក្រុមព្រះមិនចេះរាងចាល ហើយនៅហ៊ាននិយាយភាសានេះទៀត។

អានអត្ថបទទាំងស្រុង...

ការត្រៀមឃោសនារបស់គណបក្សសម្រាប់បោះឆ្នោតឃុំ-សង្កាត់

ដោយ ពៅ មេត្តា និង អ៊ឹង ប៊ុនថន ថ្ងៃអង្គារ ទី15 ឧសភា ឆ្នាំ2012 ម៉ោង11:49

គណបក្សនយោបាយមួយចំនួន ដែលដាក់បេក្ខភាពប្រកួតប្រជែង សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅថ្ងៃទី៣ ខែមិថុនានេះ បានត្រៀមលក្ខណៈ រួចរាល់ហើយ សម្រាប់ការឃោសនារកការគាំទ្រ។

គណៈកម្មាធិការជាតិរៀបចំការបោះឆ្នោត គ.ជ.ប បានកំណត់ពេល១៥ថ្ងៃ ដើម្បីផ្តល់ឱកាសឲ្យគណបក្សនីមួយៗ ឃោសនាផ្សព្វផ្សាយគោលនយោបាយគណបក្ស ឲ្យប្រជាពលរដ្ឋបានដឹង មុនសម្រេចចិត្តបោះឆ្នោត។

ប្រធាននាយកដ្ឋានសរុប នៃខុទ្ទកាល័យគណៈកម្មាធិការកណ្តាល ទទួលបន្ទុកការងារបោះឆ្នោត គណបក្សប្រជាជនកម្ពុជា លោក អ៊ គឹមហាន បានឲ្យដឹងថា មន្ត្រីនៅឃុំ-សង្គាត់ របស់បក្សកាន់អំណាចនេះ បានត្រៀមលក្ខណៈឃោសនារួចហើយ គឺមានការចែកខិតប័ណ្ណ និងហែរជាក្បួន ៖ "មានអី មានតែហែក្បួន មានតែប្រជុំ មានតែចុះឃោសនា តាមផ្ទះតាមគ្រួសារអីហ្នឹង”។

អានអត្ថបទទាំងស្រុង...