វល្លិ៍ល្មៀតក្នុងក្រុមហ៊ុនកាប់ឈើនៅកោះកុងអាចយកទៅធ្វើគ្រឿងញៀន?
ដោយ អ៊ឹង ប៊ុនថន ថ្ងៃអង្គារ ទី15 ឧសភា ឆ្នាំ2012 ម៉ោង09:59
វល្លិ៍ឈើព្រៃមួយប្រភេទ ឈ្មោះថា វល្លិ៍ល្មៀត ដែលគេរកឃើញជាច្រើនគំនរ និងដាក់ត្រាំយ៉ាងចម្លែក ក្នុងអាងរបស់ក្រុមហ៊ុនធីមប៊ើហ្គ្រីន ចម្ងាយប្រមាណជា ១០០ម៉ែត្រ ពីកន្លែងដែលបាញ់សម្លាប់លោក ឈុត វុទ្ធី នោះ ត្រូវគេសង្ស័យថា វល្លិ៍ល្មៀតនេះ គឺជាសារធាតុម្យ៉ាង សម្រាប់ផលិតគ្រឿងញៀន ដែលមានឥទ្ធិពលខ្លាំងជាងប្រេងម្រះព្រៅ ដែលរដ្ឋាភិបាលកំពុងបង្ក្រាបទៅទៀត។
កាសែតភ្នំពេញប៉ុស្តិ៍ កាលពីថ្ងៃច័ន្ទ បានស្រង់សំដី លោក Marcus Hardtke អ្នកសម្របសម្រួលប្រចាំតំបន់ នៃអង្គការ ARA ដែលបានរួមដំណើរជាមួយប្រជាសហគមន៍ ទៅរុកល្បាតព្រៃ នៅកន្លែងដែលខ្មាន់កាំភ្លើង បានបាញ់សម្លាប់ លោក ឈុត វុទ្ធី។ នៅពេលនោះ លោក Marcus Hardtke បានប្រាប់ថា លោកនឹងយកវល្លិ៍ល្មៀតដែលគេកាប់មកទុក ក្នុងក្រុមហ៊ុនកាប់ឈើឈ្មោះធីមប៊ើហ្គ្រីននេះ ទៅធ្វើពិសោធន៍ ព្រោះសង្ស័យថា វល្លិ៍ល្មៀតនេះអាចយកទៅផលិតសារធាតុញៀន ហើយដែលបញ្ហានេះ លោកសង្ស័យថា មានជាប់ពាក់ព័ន្ធនឹងការបាញ់សម្លាប់សកម្មជនការពារព្រៃឈើ។
អ្នកដំណើរចោទក្រុមហ៊ុនចិនឈ្មោះតុងមិន ថាយកលុយខុសប្រក្រតី
ដោយ ថុល ស្រីលក្ខណ៍ និង នួន បូរិន ថ្ងៃអង្គារ ទី15 ឧសភា ឆ្នាំ2012 ម៉ោង09:28
អ្នកដំណើរឆ្លងកាត់ផ្លូវ ពីខេត្តក្រចេះទៅខេត្តមណ្ឌលគីរី ចោទក្រុមហ៊ុនចិន ឈ្មោះ តុងមិន ដែលទទួលសិទ្ធិម៉ៅការផ្លូវនោះថា បានយកលុយក្នុងឡានមួយគ្រឿង ២ម៉ឺនរៀល ដោយមិនបានបញ្ជាក់ពីមូលហេតុច្បាស់លាស់។
អ្នកដំណើរសុំមិនបញ្ចេញឈ្មោះបានប្រាប់ VOD តាមទូរស័ព្ទ នៅថ្ងៃអង្គារនេះថា ក្រុមហ៊ុនចិន ឈ្មោះតុងមិន បានស្ទាក់ឡានរបស់គាត់ យកលុយចំនួន២ម៉ឺនរៀល នៅចំណុចភូមិស្រែត្រែង ឃុំក្បាលដំរី ស្រុកសំបូរខេត្តក្រចេះ ដោយគ្រាន់តែដឹកគ្រែមួយគ្រឿង។ អ្នកដំណើររូបនោះបន្តថា មានឡានធ្វើដំណើរឆ្លងកាត់ផ្លូវជាច្រើនទៀត ក៏ត្រូវបានគេស្ទាក់ចាប់ឲ្យលុយដូចគ្នាដែរ ដោយមិនមានមូលហេតុ ៖ "ចិនគេទារលុយ អោយតែឆ្លងកាត់អញ្ចឹង អោយតែឃើញគេដឹងតែយកលុយហ្មង។ រឿងហ្នឹងជាការជាក់ស្តែង ឥឡូវគេកំពុងតែឃាត់រថយន្ត។ ពាកព័ន្ធនឹងរឿងហ្នឹង ខ្ញុំទិញគ្រែមួយយកទៅសំរាប់ទៅគេង គ្រែតែមួយ ឥឡូវចេញមកហ្នឹងឃើញក្រុមហ៊ុនតុងមិន គេឃាត់គេចាប់ផាកពិន័យយើង អញ្ចឹងខ្ញុំសុំសួរថា តើច្បាប់ហ្នឹងវាពាក់ព័ន្ធវាជាមួយរាជរដ្ឋាភិបាល ឬក៏អោយច្បាប់ខាងក្រុមហ៊ុន គ្រប់គ្រងលើច្បាប់ប្រទេសយើងវិញ”។
សង្គមស៊ីវិលនឹងបើកយុទ្ធនាការធំជម្រុញឲ្យតុលាការផ្តល់យុត្តិធម៌ដល់កម្មកររងរបួស
ដោយ ញឹម សុខន និង អ៊ឹង ប៊ុនថន ថ្ងៃច័ន្ទ ទី14 ឧសភា ឆ្នាំ2012 ម៉ោង12:59
សហភាពការងារកម្ពុជា ហៅកាត់ CLC និងអង្គការសង្គមស៊ីវិលមួយចំនួន គ្រោងបើកយុទ្ធការធំមួយនៅសប្តាហ៍នេះ ដើម្បីជំរុញឲ្យតុលាការខេត្តស្វាយរៀង ផ្តល់យុត្តិធម៌ ពិត ជូនកម្មករបីនាក់ដែលគេបាញ់ឲ្យរងរបួស នៅក្រុងបាវិត អំឡុងតវ៉ាទាមទារឲ្យគោរពសិទ្ធិការងារ។
ប្រធានសហភាពការងារកម្ពុជា លោក អាត់ ធន់ មានប្រសាសន៍នៅថ្ងៃទី១៤ ខែឧសភានេះថា យុទ្ធនាការនេះ គ្រោងធ្វើនៅថ្ងៃទី១៨ ខែឧសភានេះ ខណៈកម្មការិនីបីនាក់ដែលគេបាញ់ឲ្យរងរបួស នឹងចូលបំភ្លឺនៅតុលាការខេត្តស្វាយរៀងនេះម្តងទៀត តាមដីកាកោះរបស់ចៅក្រមសាកសួរ។ លោក អាត់ ធន់ បន្តថា ក្នុងថ្ងៃនោះដែរ ខាងសហភាពការងារកម្ពុជា របស់លោក សហជីពរបស់លោក រ៉ុង ឈុន និងក្រុមការងារសហជីពមួយចំនួនទៀត រួមទាំង មជ្ឈមណ្ឌលអប់រំច្បាប់សម្រាប់សហគមន៍ ជាច្រើននាក់នឹងទៅដល់ទីនោះដែរ។
ការដឹកឈើល្មើសច្បាប់នៅតែមាន ដោយម្ចាស់ឈើថាបង់លុយអោយសមត្ថកិច្ច
ដោយ បូ សាវី និង អ៊ឹង ប៊ុនថន ថ្ងៃច័ន្ទ ទី14 ឧសភា ឆ្នាំ2012 ម៉ោង12:45
សកម្មភាពដឹកជញ្ជូនឈើល្មើសច្បាប់ ពីស្រុកអន្លង់វែង ខេត្តឧត្តរមានជ័យ តាមបណ្ដោយផ្លូវជាតិលេខ៦៧ ទៅខេត្តកំពង់ចាម កំពុងកើតមានយ៉ាងអាណាធិបតេយ្យ ដោយពុំមានសមត្ថកិច្ចណាធ្វើការបង្រ្កាបនិងទប់ស្កាត់ឡើយ។
បទល្មើសដែលនៅតែកើតនេះ ត្រូវបានក្រុមឈ្មួញដឹកឈើដោយរថយន្ដធំៗនោះ អះអាងកាលពីល្ងាចថ្ងៃអាទិត្យម្សិលមិញថា ពួកគេបានបង់លុយអោយរដ្ឋបាលព្រៃឈើ និងស្ថាប័នពាក់ព័ន្ធមួយចំនួន និងអ្នកកាសែតក្នុងស្រុកជាច្រើននាក់ទៀត នៅតាមបណ្ដោយផ្លូវជាតិនេះ។
ព្រះមហាក្សត្រយាងទៅជនបទ ក្នុងពីធីចម្រើនព្រះជនរបស់ព្រះអង្គ
ដោយ អ៊ឹង ប៊ុនថន ថ្ងៃច័ន្ទ ទី14 ឧសភា ឆ្នាំ2012 ម៉ោង11:30
ព្រះមហាក្សត្រ សម្ដេចព្រះបរមនាថ នរោត្តម សីហមុនី យាងទៅកាន់ខេត្តកំពត នៅព្រឹកថ្ងៃច័ន្ទនេះ ដើម្បីជួបប្រជារាស្ត្រក្រីក្រ និងចែកអំណោយ ក្នុងព្រះរាជពិធីបុណ្យចម្រើនព្រះជន្មព្រះអង្គ ក្នុងខួបគម្រប់ ៥៩យាងចូល៦០ព្រះវស្សា។
មន្រ្តីខុទ្ទកាល័យព្រះបរមរាជវាំង បានប្រាប់សារព័ត៌មានក្នុងស្រុកថា រាល់ឆ្នាំ ព្រះករុណា មិនមានរៀបចំព្រះរាជពិធីអ្វីធំដុំទេ ពោលគឺព្រះអង្គស្តេចយាងចុះទៅចែកអំណោយដល់ជនក្រីក្រ នៅតាមទីជនបទ ហើយនៅថ្ងៃនេះ ព្រះអង្គយាងទៅចែកអំណោយនៅខេត្តកំពត។
ព្រះបាទសម្តេចព្រះបរមនាថ នរោត្តម សីហមុនី ទ្រង់ឡើងគ្រងរាជ្យ កាលពីឆ្នាំ២០០៤។ ហើយចាប់ថ្ងៃទី១៣ ដល់ថ្ងៃទី១៥ ខែឧសភា ឆ្នាំ២០១២ គឺជាថ្ងៃបុណ្យចម្រើនព្រះជន្មព្រះអង្គ ហើយមន្រ្តីរាជការ និងបុគ្គលិកតាមស្ថាប័នផ្សេងៗ ត្រូវបានឈប់សំរាកដើម្បីអបអរពិធីនេះ៕
ចែករំលែកព័ត៌មាននេះ
អត្ថបទផ្សេងៗ...
- សាលារាជធានី បង្កើតក្រុមការងារសាងសង់រូបសំណាកលោកជា វិជា្ជ
- កម្មកររងរបួសចូលបំភ្លឺជាថ្មីទៀតនៅតុលាការខេត្តស្វាយរៀងនាចុងសប្តាហ៍ក្រោយ
- យោធិនពិការ ខេត្តសៀមរាប សុំនាយករដ្ឋមន្ត្រីជួយបើកប្រាក់ខែជិត៤ឆ្នាំដែលបាត់
- ការស្ទង់មតិ៖ ប្រជាពលរដ្ឋ៦៤% ធ្លាប់ឃើញនគរបាលប្រព្រឹត្តអំពើពុករលួយ
- អង្គការតម្លាភាព៖កម្ពុជាសំបូរកន្លែងលាងលុយកខ្វក់របស់ភេវរជន
ទំព័រទី 1 ទាំងអស់ 58 ទំព័រ
ស្តាប់វិទ្យុលើអ៊ីនធឺណិត
ដើម្បីស្តាប់ការផ្សាយផ្ទាល់វិទ្យុសារិកាអេហ្វអ៊ឹមសូម ចុចត្រង់នេះ ។
សម្រាប់ព័ត៌មានមុនៗសូម ចុចទីនេះ ។
រូបថតឯកសារ
បទយកការណ៍
- ធម្មយាត្រាដើម្បីសន្តិភាពផ្លូវចិត្តនិងសន្តិភាពក្នុងតំបន់
- សារៈប្រយោជន៍នៃសេរីភាពព័ត៌មាន និងព័ត៌មានឯករាជ្យ
- កម្មករស្នើឲ្យតំណាងរាស្ត្រជួយផ្តល់ភាពយុត្តិធម៌ក្នុងវិស័យការងារ
- សកម្មជនការពារព្រៃឈើនៅកម្ពុជាលែងបានឃើញមុខទៀតហើយ
- យុទ្ធនាការពណ៌ស្វាយ ប្រឆាំងកំពូលឃាតករស្ងប់ស្ងាត់ នៅយុគសម័យថ្មី
- កម្ពុជាចាប់ផ្តើមបើកយុទ្ធនាការអប់រំ អំពីការបង្ការជម្ងឺគ្រុនឈាម ខណៈរដូវវស្សាចូលមកដល់
ព័តមានបែបស៊ើបអង្កេត
- ភាពមិនប្រក្រតីនៃការធ្វើប័ណ្ណបើកបរ
- ការយកថ្លៃផ្ញើយាន្តជំនិះលើសតម្លៃកំណត់
- ការបង្កើនអាយុក្មេងស្រី ដើម្បីយកទៅធ្វើជាពលករ ត្រូវបានសង្ស័យថាជាប់ពាក់ព័ន្ធអំពើពុករលួយ
- ការដេញថ្លៃយឺតយ៉ាវក្នុងការបោះពុម្ពសៀវភៅ ការគ្រប់គ្រង ការបែងចែកមិនត្រឹមត្រូវ នាំឱ្យសិស្សខ្វះសៀវភៅមេរៀនសិក្សា
- ភាពមិនប្រក្រតី ក្នុងការធ្វើលិខិតឆ្លងដែន
វិភាគព្រឺត្តិការណ៍
- អ្នកវិភាគ៖ ការចោទអ្នកភូមិប្រមា ស្រុកឆ្លូង ខេត្តក្រចេះថា ប៉ុនប៉ងបង្កើតអបគមន៍ មិនត្រឹមត្រូវទេ
- ប្រតិកម្មរបស់លោកនាយករដ្ឋមន្ត្រីហ៊ុន សែន ចំពោះអ្នកដែលយកព្រះនាមព្រះរាជាទៅភ្ជាប់នឹងការឃោសនាបោះឆ្នោត
- តើជម្លោះដីធ្លីនៅកម្ពុជា មានការប្រែប្រួលយ៉ាងណា បន្ទាប់ពីរដ្ឋាភិបាលផ្អាកផ្តល់សម្បទានដី ខណៈការបោះឆ្នោតនោះ?
- វិភាគ៖ លទ្ធផលនៃការស្ទង់មតិរបស់វិទ្យាស្ថាន IRI ថានៅខែធ្នូឆ្នាំ២០១១ មានពលរដ្ឋ៨១ភាគរយ យល់ថាកម្ពុជាដើរលើផ្លូវត្រូវ
- លទ្ធផលនៃការស៊ើបអង្កេតមិនបានផ្តល់យុត្តិធម៌ជូនលោក ឈុត វុទ្ធី និងអ៊ិន រតនាទេ
បទសម្ភាសន៍
- បញ្ហាសម្លាប់លោកឈុត វុទ្ធី បញ្ហាសេរីភាពសារព័ត៌មាន និងស្ថានភាពមុនការបោះឆ្នោតឃុំសង្កាត់នៅកម្ពុជា
- បទសំភាសន៍ជាមួយនឹងលោកសៀន ប៉េងសែ៖ ការសម្រេចដោះដូរភូមិខ្មែរជាមួយនឹងវៀតណាម
- ជំហររបស់ លោក សម រង្ស៊ី ក្នុងការជួយពង្រឹងប្រព័ន្ធប្រជាធិបតេយ្យនៅអាស៊ី
- បទសម្ភាសន៍ជាមួយលោក ជា មុនី ជុំវិញការអនុញ្ញាតិរបស់លោកនាយករដ្ឋមន្ត្រី ហ៊ុន សែន អោយសាងសង់រូបសំណាក់ លោក ជា វិជ្ជា
- បទសម្ភាសន៍ ជាមួយលោក សម រង្ស៊ី ប្រធានគណបក្សប្រឆាំង ស្តីពីប្រព័ន្ធតុលាការនៅកម្ពុជា