ក្រសួងការបរទេសសហរដ្ឋអាមេរិក នៅថ្ងៃអាទិត្យម្សិលមិញ បានជំរុញពលរដ្ឋរបស់ខ្លួនគួរតែពិចារណាចាកចេញពីប្រទេសរុស្ស៊ីជាបន្ទាន់ តាមជើងហោះហើរពាណិជ្ជកម្មនានាដែលនៅសេសសល់ ស្របពេលដែលក្រុមហ៊ុនអាកាសចរណ៍ជាច្រើនបច្ចុប្បន្នកំពុងលុបចោលជើងហោះហើរ បន្ទាប់ពីរុស្ស៊ីឈ្លានពានអ៊ុយក្រែនក្នុងទ្រង់ទ្រាយធំ។
ក្រសួងសុខាភិបាលប្រទេសអ៊ុយក្រែន បានឱ្យដឹងថា គិតត្រឹមថ្ងៃអាទិត្យម្សិលមិញនេះ ជនស៊ីវិលចំនួន៣៥២នាក់ ដែលក្នុងនោះមានកុមារចំនួន១៤នាក់ ត្រូវបានស្លាប់បាត់បង់ជីវិត គិតចាប់តាំងពីការចាប់ផ្ដើមនៃការឈ្លានពានរបស់រុស្ស៊ីលើអ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ការិយាល័យប្រធានាធិបតីអ៊ុយក្រែន លោក Volodymyr Zelenskiy បានឱ្យដឹងនៅថ្ងៃអាទិត្យម្សិលមិញថា មន្ត្រីរបស់ខ្លួន និងភាគីរុស្ស៊ី នឹងជួបពិភាក្សាគ្នានៅទីតាំងមួយកន្លែងនៅព្រំដែនប្រទេសបេឡារុស ដែលជាជំនួបលើកដំបូងបន្ទាប់ពីរុស្ស៊ីបើកការឈ្លានពានលើអ៊ុយក្រែន។ នេះបើតាមការចុះផ្សាយដោយទីភ្នាក់ងារសារព័ត៌មាន Reuters។
ក្រុមកូដករណាហ្គាវើលដ៍ប្រកាសប្តូរមកធ្វើកូដកម្មតាមប្រព័ន្ធអនឡាញ ដើម្បីទាមទារឱ្យភាគីពាក់ព័ន្ធដោះស្រាយបញ្ចប់វិវាទការងារ និងដោះលែងថ្នាក់ដឹកនាំ រួមទាំងសមាជិកសហជីពចំនួន១១នាក់ ដែលកំពុងជាប់ឃុំនៅពន្ធនាគារ ឱ្យមានសេរីភាពវិញ ខណៈពួកគេមួយចំនួនធំជាប់ធ្វើចត្តាឡីស័ក។
ក្រសួងសុខាភិបាលបានប្រកាសរកឃើញអ្នកឆ្លងកូវីដ-១៩ ប្រភេទ«អូមីក្រុង» ចំនួនជិត៤០០ករណីបន្ថែមទៀត ដោយចំនួននេះមានការថយចុះប្រមាណ ១០០ករណី បើធៀបនឹងការប្រកាសរកឃើញរបស់ក្រសួងកាលពីម្សិលមិញ។
កម្ពុជាសម្រេចឱ្យនាំចូលសាច់ និងទំនិញបង្កកផ្សេងៗពីប្រទេសជិតខាង ដោយមិនចាំបាច់ មានវិញ្ញាបនបត្រ ឬលិខិតបញ្ជាក់ថា គ្មានវីរុសកូវីដ-១៩ ចេញដោយអាជ្ញាធរមានសមត្ថកិច្ចនាំចេញបន្តទៀតឡើយ។
អ្នកនាំពាក្យក្រសួងការបរទេសកម្ពុជាបានឱ្យដឹងថា ពលរដ្ឋខ្មែរចំនួន ២៣នាក់ និងគ្រួសាររបស់ពួកគេដែលកំពុងរស់នៅក្នុងប្រទេសអ៊ុយក្រែនកំពុងស្ថិតនៅកន្លែងមានសុវត្ថិភាព ប៉ុន្តែមានការព្រួយបារម្ភចំពោះអនាគតទៅមុខ។
អង្គការឃ្លាំមើលសិទ្ធិមនុស្ស (Human Rights Watch) បានចោទប្រកាន់អាជ្ញាធរកម្ពុជាថា បានប្រើប្រាស់វិធានការសុខាភិបាល ដើម្បីរារាំងនិងគាបសង្កត់មិនឱ្យកូដករក្រុមហ៊ុនណាហ្គាវើលដ៍បន្តធ្វើកូដកម្មដោយសន្តិវិធីទៀត។
ក្រសួងសុខាភិបាល ឱ្យដឹងថា មនុស្សចំនួន៥នាក់ទៀតបានស្លាប់ដោយសារជំងឺកូវីដ-១៩ ខណៈអ្នកឆ្លងថ្មី មានចំនួនជិត៥០០នាក់។
លោកនាយករដ្ឋមន្ត្រី ហ៊ុន សែន បានប្រកាសថា លោកកំពុងដាក់ខ្លួនធ្វើចត្តាឡីស័ក ឬ ដាក់ខ្លួនឱ្យនៅដាច់តែឯងក្នុងរយៈពេលខ្លី ក្រោយប៉ះពាល់ផ្ទាល់ជាមួយអ្នកជំងឺកូវីដ-១៩។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
