មនុស្ស១៦នាក់ ត្រូវបានរាយការណ៍ថា ស្លាប់នៅថ្ងៃនេះ នៅពេលយន្តហោះមួយគ្រឿងរបស់យោធាអាមេរិក បានធ្លាក់នៅភាគខាងត្បូងរដ្ឋមីស៊ីស៊ីពី។ នេះដោយយោងតាមការផ្សាយរបស់សារព័ត៌មានអាមេរិក ដោយបានដកស្រង់សម្ដីមន្ត្រីសង្គ្រោះបន្ទាន់ប្រចាំតំបន់។
មន្ត្រីគ្រប់គ្រងអាសន្ន និយាយថា ជនរងគ្រោះទាំង ១៦នាក់នោះ ស្ថិតនៅលើយន្តហោះទាហានម៉ារីន ហើយគ្មានអ្នកនៅរស់រានមានជីវិតនោះឡើយ។ យន្តហោះ C-130 ដែលជាប្រភេទយន្តហោះចាក់សាំងនោះ បានធ្លាក់នៅតំបន់ Sunflower។
អ្នកនាំពាក្យកងទ័ពម៉ារីន បាននិយាយថា មានតែយន្តមួយគ្រឿងនោះទេ ដែលជួបប្រទះសំណាងមិនល្អ ដោយសេចក្ដីរាយការណ៍ដំបូងថា មានអ្នកស្លាប់ ៥នាក់៕