នៅថ្ងៃនេះ នាងបានបង្ហោះសារ និងវីដេអូ ដោយបានបដិសេធថា នាងមិនបានបែកបាក់គ្នាពីលោក ស្រី ចំរើន និងលោក ផែ សុវណ្ណរិទ្ធ នោះឡើយ។
កាលពីថ្ងៃទី២៤ ខែធ្នូកន្លងមកនេះ សកម្មជនហ្វេសប៊ុករូបនេះ បានបង្ហោះសារនៅលើទំព័រហ្វេសប៊ុកផ្លូវការរបស់នាងថា នាងឈប់ទាក់ទងនឹងក្រុមលោក ស្រី ចំរើន និងលោក ផែ សុវណ្ណរិទ្ធ ហើយ ហើយនាងថែមថា នឹងរៀបចំដាក់ពាក្យប្ដឹងបុគ្គលទាំងពីររូបនេះទៀតផង ទាក់ទងនឹងការទម្លាយសារឯកជន។
ប៉ុន្តែ នៅថ្ងៃនេះ នាងបានចេញជាវីដេអូ និងសារថ្មីមួយទៀត ដោយប្រាប់ថា នាងបដិសេធទាំងស្រុងនូវព័ត៌មានផ្សព្វផ្សាយថា នាងបែកបាក់ផ្ទៃក្នុង និងឈ្លោះគ្នាជាមួយលោក ផែ សុវណ្ណរិទ្ធ និងលោក ស្រី ចំរើន។
កញ្ញា ធី សុវណ្ណថា បានលេចធ្លោឡើងអំឡុងការបោះឆ្នោតឆ្នាំ២០១៣ ដោយនាងបានស្រែករិះគន់ឥតសំចៃមាត់ទៅលើលោកនាយករដ្ឋមន្ត្រី ហ៊ុន សែន។ រីឯលោក ស្រី ចំរើន ត្រូវបានគេស្គាល់ បន្ទាប់លោកដឹកនាំការតវ៉ាប្រឆាំងនឹងមេបក្សប្រឆាំង លោក កឹម សុខា៕