ក្រសួង​អប់រំ​កាត់បន្ថយ​ម៉ោង​បង្រៀន​សិស្ស​ដោយសារ​អាកាសធាតុ​ក្ដៅ​ខ្លាំង​

ក្រសួងអប់រំយុវជននិងកីឡា សម្រេចបន្ថយម៉ោងបង្រៀនពីម៉ោង១១មកត្រឹមម៉ោង១០និង៣០នាទីព្រឹក និងពេលល្ងាចពីម៉ោង០១មកម៉ោង០១និង៣០នាទី ដោយអះអាងថា ដើម្បីជៀសវាងប៉ះពាល់ដល់សុខភាពសិស្សានុសិស្សពីអាកាសធាតុក្ដៅខ្លាំង។

នៅក្នុងលិខិតណែនាំរបស់ក្រសួងនៅខែឧសភានេះ បានឲ្យដឹងថា ដើម្បីទប់ស្កាត់ហានិភ័យនិងជៀសវាងជំងឺផ្សេងទៅលើសិស្សានុសិស្ស ជាពិសេសកុមារតូចៗដែលកំពង់សិក្សាប្រចាំថ្ងៃដែលបណ្ដាលមកពីខ្យល់កន្ដ្រាក់ ខ្យល់ព្យុះ ក្រសួងណែនាំឲ្យគ្រិះស្ថានសាធារណៈបន្ថយពេលសិក្សាពេលព្រឹកចូលរៀនម៉ោង០៧និង០០នាទីដល់ម៉ោង១០និង៣០នាទី និងពេលរសៀល០១និង៣០នាទីដល់ម៉ោង០៥និង៣០នាទី។

លិខិតបន្ដទៀតថា គ្រប់សាលាត្រូវត្រៀមទឹកសម្រាប់គ្រូ ហើយសិស្សានុសិស្សត្រូវទទួលទានទឹកឆ្អិនជាប្រចាំ។ ជាមួយគ្នានោះ លោកគ្រូអ្នកគ្រូត្រូវឲ្យសិស្សចេញលេងរយៈពេល១៥នាទី ហើយការបង្រៀនត្រូវបើកទ្វានិងបង្អួចឲ្យមានពន្លឺនិងស្រឡះល្អ។

ក្រសួងបានកត់សំគាល់ឃើញថា នៅក្នុងរដូវប្រាំងនាពេលថ្មីៗនេះ អាកាសធាតុបានឡើងកម្ដៅខ្លាំង ដែលមានតំបន់ខ្លះកម្ដៅ៤២ឬ៤៣អង្សានិងអាចអូសបន្លាយបន្ដទៀតនៅក្នុងឆ្នាំ២០១៦ ដែលថា អាកាសធាតុប្រែប្រួលនេះកម្ពុជាមិនធ្លាប់ជួបប្រទៈរយៈពេលប៉ុន្មានឆ្នាំចុងក្រោយនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ