ក្រសួងការងារ និងបណ្តុះបណ្តាលវិជ្ជាជីវៈ បានស្នើរទៅក្រសួងព័ត៌មាន ឲ្យចាត់វិធានការលើប្រព័ន្ធផ្សព្វផ្សាយ ដែលបានជួលម៉ោងផ្សាយដល់ក្រុមហ៊ុនជ្រើសរើសពលករ ដែលគ្មានលិខិតអនុញ្ញាតពីក្រសួង។
យោងតាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈ កាលពីម្សិលមិញនេះ បានអះអាងថា ពលរដ្ឋមួយចំនួនជាពិសេសពលរដ្ឋដែលរស់នៅតាមបណ្តាខេត្ត បានចាញ់បោកក្រុមហ៊ុនដែលបានផ្សព្វផ្សាយព័ត៌មានជ្រើសរើសពលករទៅធ្វើការងារនៅបរទេសនៅតាមប្រព័ន្ធផ្សព្វផ្សាយនានា ខណៈដែលក្រុមហ៊ុនទាំងនោះគ្មានលិខិតអនុញ្ញាតពីក្រសួងការងារ។
លិខិត្តដដែលនេះ បានស្នើរទៅក្រសួងព័ត៌មានឱ្យចាត់វិធានការទប់ស្កាត់រាល់ការជួលម៉ោងផ្សាយ និងការផ្សព្វផ្សាយបន្តផ្ទាល់ទៅតាមបណ្តារាជធានីខេត្តរបស់ក្រុមហ៊ុនដែលមិនមានលិខិតអនុញ្ញាតពីក្រសួងការងារទាំងនោះ៕
