ផ្ទុះរថយន្តដឹករំសេវនៅបន្ទាយមានជ័យស្លាប់២នាក់​

ផ្ទុះរថយន្តដឹករំសេវនៅបន្ទាយមានជ័យ (អគ្គស្នងការដ្ឋាននគរបាលជាតិ)

សមត្ថកិច្ចខេត្តបន្ទាយមានជ័យបានឲ្យដឹងថា នៅម៉ោង​ប្រមាណ​១១ព្រឹកថ្ងៃសុក្រនេះ មានហេតុការណ៍ផ្ទុះឆេះ រថយន្តដឹករំសេវមួយគ្រឿង នៅត្រង់ចំណុចភូមិល្ពៅ ឃុំបត់ត្រង់ ស្រុកមង្គលបូរី ដែលបណ្តាលឲ្យមនុស្សពីរនាក់ស្លាប់ បែកសាកសពជាបំណែក។​

សមត្ថកិច្ចខេត្តបន្ទាយមានជ័យបានឲ្យដឹងថា នៅម៉ោង​ប្រមាណ​១១ព្រឹកថ្ងៃសុក្រនេះ មានហេតុការណ៍ផ្ទុះឆេះ រថយន្តដឹករំសេវមួយគ្រឿង នៅត្រង់ចំណុចភូមិល្ពៅ ឃុំបត់ត្រង់ ស្រុកមង្គលបូរី ដែលបណ្តាលឲ្យមនុស្សពីរនាក់ស្លាប់ បែកសាកសពជាបំណែក។​

ទំព័រហ្វេសប៊ុករបស់អគ្គស្នងការដ្ឋាននគរបាលជាតិ​បានឲ្យដឹងថា បុរសពីរនាក់ដែលស្លាប់​ដោយសារផ្ទុះឆេះរថយន្តនេះគឺ ឈ្មោះ ​ញ៉ន វីរៈ អាយុ៣៥ និងម្នាក់ឈ្មោះ ញ៉ឺង កញ្ញា អាយុ៣២ឆ្នាំ។

អគ្គស្នងការដ្ឋាននគរបាលជាតិបញ្ជាក់ថា ករណីផ្ទុះរំសេវឆេះ​នេះ មិនមែនជា​ករណីអំពើភេរវកម្មនោះទេ គឺជាករណីផ្ទុះឆេះរថយន្តដឹករំសេវ។ ប៉ុន្តែនគរបាលមិនទាន់បានបញ្ជាក់ថា តើរំសេវនោះប្រភេទអ្វី ហើយអ្នកដឹកជញ្ជូននោះយកទៅណា ក្នុងគោលបំណងអ្វីនោះទេ។​

តាមរបាយការណ៍បឋមរបស់សមត្ថកិច្ចឲ្យដឹងទៀត អ្នកធ្វើដំណើរតាមម៉ូតូបីនាក់ ដែលនៅក្បែររថយន្តដឹករំសេវនោះ បានរងរបួសហើយពេលនេះ បានបញ្ជូនទៅសង្គ្រោះនៅមន្ទីរពេទ្យ៕

CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។