ក្រសួងប្រាប់ពលរដ្ឋឲ្យប្រុងប្រយ័ត្នពីស្ថានភាពជំនន់ទឹកភ្លៀងពីថ្ងៃទី២ដល់១០ខែតុលា

ជំនន់ទឹកភ្លៀងលិច ផ្លូវ២០០៤

ក្រសួងធនធានទឹកនិងឧតុនិយម​ ប្រកាសឲ្យស្ថាប័នពាក់ព័ន្ធនិងប្រជាពលរដ្ឋ បង្កើនការយកចិត្តទុកដាក់និងប្រុងប្រយ័ត្នខ្ពស់ នូវស្ថានភាពជំនន់ទឹកភ្លៀង ដែលអាចកើតឡើងនៅតំបន់ទំនាប និងតំបន់ជាប់ផ្លូវទឹកនានា ចាប់ពីថ្ងៃទី២ ខែតុលា ដល់ថ្ងៃទី១០ ខែតុលា។

ក្នុងសេចក្ដីប្រកាសកាលពីថ្ងៃទី១ ខែតុលា ឆ្នាំ២០១៧ ក្រសួងធនធានទឹកនិងឧតុនិយម ឲ្យដឹងថា ប្រព័ន្ធសម្ភាធទាប ដែលកើតឡើងកាលពីថ្ងៃទី២៧ ខែកញ្ញា កំពុងបន្តស្ថិតនៅក្នុងប្រទេសកម្ពុជាជាច្រើនថ្ងៃទៀត ដោយថា លក្ខណៈបែបនេះ នឹងបង្កផ្ទៃមេឃមានពពកច្រើនដេរដាស មានភ្លៀងធ្លាក់រាយប៉ាយពីបង្គួរ ទៅច្រើននៅទូទាំងប្រទេស និងបង្កឲ្យមានជំនន់ទឹកភ្លៀងច្រើនកន្លែង ចាប់ពីដើមសប្តាហ៍នេះតទៅ។

ករណីនេះ ក្រសួង អំពាវនាវ ឲ្យស្ថាប័នពាក់ព័ន្ធ អាជ្ញាធរដែនដី និងប្រជាពលរដ្ឋ ត្រូវបង្កើនការប្រុងប្រយ័ត្នខ្ពស់ ជាពិសេស ស្ថានភាពជំនន់ទឹកភ្លៀង ដែលអាចកើតនៅតំបន់ទំនាប និងតំបន់ជាប់ផ្លូវទឹកនានា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ